Malékuse 10:1 - Nouveau Testament en Ngienboum

¹ Yěsô fó jʉ’ó, ńcʉ́me mánzsè, ńdɔg shÿó Jẅidea, ńgʉa nà yetsɔ̌ nzǐŋ ntse Jurdeŋ. Alá’ gíŋe ńcú’te lejʉ́ŋ yé tà ńgyɔ́ɔn, á leen ńzye lézí’i wɔ́b nò Ssé pá’ à laa mà mbwo yé.

Malékuse 10:1 Iomraidhean Croise

Matio 26:55

Yěsô leen ńké ńgɔɔn mbwó lá’ ngie: Pi gwǎ tó légwoon wɔ̀ɔn, ńgẅiin menně ncù lâ mekésiŋ pá’ fʉ̀’ gie pi ge ńgwoon ntsǒŋ pá’ɔɔn lêkɔ́? Mèŋ n kaa lyɛ̌’ ntsèm ńgwɔ́ pɔ́ tsetsɛ̀ɛ pi *jʉ’ʉ Ssé, ńne ńzí’i pʉ̀a nò Ssé! Pi ké tè wɔ̀ɔn gwoon.

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Malékuse 1:21

Pâ pɔ́ gÿo ńgʉa Kapernawúm, á gwɔ́ *lyɛ’ɛ́ nzsè pà Yuda, Yěsô gʉa *ndá cú’tè, ńzye lézí’i pʉ̀a nò Ssé.

Malékuse 10:2

Epʉ̀a nà nùɔ pà *farisay tó yɔ́b, ńgwɔ kwà’te yé, ńzɛ́te yé ngie: Tà áa pé’e *lepʉ̌ ségè zẅíŋ ngie nyìŋ jwoŋo nzwé we?

Malékuse 12:35

Yěsô nyé *jʉ’ʉ Ssé ńne ńzí’i pʉ̀a nò Ssé, ńgɔɔn ngie: Pi kwaŋ gí ngie *pàkyàgte lepʉ̌ Mǒsê zí’i pʉ̀a ngie: *Nzà’nkÿo gẅie Ssé la ka’ ge lá’ gwɔ́ nyìŋ nà ngẅɛ̀ fùɔ Ndavíd pé’e, á lɔgɔ ńgwɔ́ lêkɔ́?

Malékuse 14:49

Mèŋ n kaa lyɛ̌’ ntsèm, ńgwɔ́ pɔ́ tsetsɛ̀ɛ pi, á *jʉ’ʉ Ssé, ńně ńzí’i pʉ̀a nò Ssé. Pi ké tè wɔ̀ɔn gwoon. Tá’, à yɔɔn nò tóo ńdɔgɔ ńgÿo mmó gie mé la ŋwe’e tsɛ̀ɛ ŋwà’ne Ssé á pumte.

Malékuse 2:13

Yěsô la gíŋe ḿbiŋ nzèm nkwɔ’ɔ́ ntse Galilea. Alá’ ne ńtóo ńkẅɛ́te yé, á ne ńzí’i wɔ́b nò Ssé.

Malékuse 4:2

Á la lɔg *sagá nò ńzí’i wɔ́b menò tà é gyɔ́ɔn gyɔ̌ɔn, ńne ńzí’i wɔ́b ńgɔɔn ngie:

Malékuse 6:2

*Alyɛ’ɛ́ nzsè yɔ́b gÿo ńgwɔ́, á gʉa *ndá cú’tè pɔ́b, ńzye lézí’i pʉ̀a nò Ssé, pʉ̀a tà ńgyɔ́ɔn jú’u shwóŋè yé, ḿmɔɔn, ńně ńgɔɔn ngie: Nyìŋ wɔɔn aa ńgwɔ́ pá’ɔɔn ńdɔgɔ yɔɔn ntí menò fóo pɔ́ nzɔ̌? Yɛ̌ ntí legyè fóo nzɔ̌ mbwo yé, à piŋ ngǎ tá ńku’u légÿo yɔɔn ntí menò mmɔɔn mmɔɔn?

Malékuse 6:34

Á kúu jʉ’ó, éfó tsɛ̀ɛ kanú’ ńkẅɛ, ńgyá nùɔ lá’, mezìŋe mɔ́b kúu yé, mélà’mie pɔ́ laa pá’ nùɔ *menjʉ̀njÿò gie ampfele tè wó wɔ́ la. Á zye lézí’i wɔ́b menò tà ńgyɔ́ɔn.

Malékuse 6:6

Á kʉ’ʉ Yěsô tɛ’, pá’ pɔ́ kaa záb ntʉ́m ná yé wɔ́. Yěsô gÿo fó jʉ’ó, ńgʉa ńzye légiŋe tsɛ̀ɛ melá’ shÿó jʉ’ó, ńně ńzí’i pʉ̀a nò Ssé.

Ŋwà’ne Jâŋ 10:40

Yɛ̌ nò tɔ́g, Yěsô gíŋe ḿbiŋe nà yetsɔ̌ nzǐŋ ntse Jurdeŋ, á jʉ’ gie Jâŋ la zye lénu’ pʉ̀a ntse wó la, ńnéŋe wó.

Ŋwà’ne Jâŋ 11:7

Ńdeen ńké ńgɔɔn mbwo *ngàŋa kwò yé ngie: Pege piŋe Jẅidea.

Ŋwà’ne Jâŋ 18:20

Yěsô tsɔ́’ɔ mbwo yé ngie: Mèŋ n kɔ̌ɔn shʉ̀ashʉ̀a ńgɔɔn nò mbwo lá’, mèŋ n kɔ̌ɔn ńzí’i pʉ̀a mmó tsɛ̀ɛ *mendá cú’tè, mbɔɔ tsɛ̀ɛ jʉ’e Ssé, á jʉ’ gie pà Yuda cú’te wó. Mèŋ n kɔ̌ɔn tě ńgɔɔn tsɔ́ nò pɔ́ ńdÿoon lÿoon wɔ́.