Filemo 1:9 - Nouveau Testament en Ngienboum

⁹ n gyá ngie n ge cʉa nà nkwòŋe yɔgɔ, ésẅíŋte gú sẅíŋte. Tà mbɔɔ pá’ mèŋ Pɔl, n cʉ̌’ pɔ́ nzẅìŋe ndÿò, ńgíŋe ńgwaa gwɔ́ fʉ̀’ɔɔn, ńgwɔ́ ndá tsǎŋ ńtí Yěsô Kristo lɔɔn.

Filemo 1:9 Iomraidhean Croise

Roma 12:1

Mefɛ́ pɔ́ɔn, pá’ Ssé léen ḿbú ńtsɔ́ɔn mezìŋe mégè la, mèŋ n ne ńgɔɔn mbwo pi ngie pi pú ńná mbùm gi mbwo yé pá’ shúm pwɔ́’ la, ńcʉ́’ʉ ńnéŋe ńjú’u pɔ́ mbwo yé, ńgwɔ́ pɔ́ pʉ̀a pé ndà’, ńgÿo pɔ́ mmó gie á ge poŋo yé. Legÿo pú’u, aa legu’te Ssé nà ntí yé mbòŋo.

2 Korento 5:20

Peg lɔgɔ pá’ɔɔn ńgwɔ́ memântúm Kristo tá ńgɔɔn nò. Áa pá’ɔɔn ńdɔgɔ ńgwɔ́ ngie e Ssé yé máŋwɛ́ zɔ tóŋo pʉ̀a. Peg lɔ̌g lezíŋ Kristo, ésẅíŋte ngie pʉ̀a zẅíŋ e Ssé gÿo pâ pɔ́ gíŋ ńgwɔ́ mbòŋ.

2 Korento 6:1

Pá’ pega Ssé zɔ puté ne fa’a la, peg ne ńkẅiŋte gẅi ngie tà pi gÿo ná ntí gie, légwɔ́ gie é Ssé tsɔ̌ɔn gẅí, ńcÿó gʉm gí, à ge cʉa sẅɛ̀ɛ.

Galatia 3:26

Pi metsèm zɔɔn ńdɔg pá’ pi záb ntʉ́m ná Yěsô Kristo ńgwɔ́ púɔ Ssé.

Efeso 3:1

Áa mmó gie á gÿo, mèŋ Pɔl gẅie mèŋ n gee ndá tsǎŋ ńtí nue mèŋ sa’á nò Yěsô Kristo mbwo pi pie pi tè pà Yuda wɔ́, mèŋ n ne sẅíŋte Ssé fʉ̀’ ntsèm ná twó sí.

Efeso 4:1

Mèŋ gẅie mèŋ n gee ndá tsǎŋ ńtí nò Cʉ̀apʉ̀a Yěsô Kristo, n ge fó ná menò mie mèŋ shwoŋó gẅí, é zɛ́te ngie pi gwɔ́ gÿo kɔ̀ɔkɔ́ɔ gí wɔ́, ńkímte ngie e Ssé ka tóŋo gẅi ngie pi gwɔ́ pʉ̀a pé.

Efeso 6:20

Mèŋ, n gee mántúm létsẅi wɛ̌ nkʉ̀, tà mbɔɔ pá’ mèŋ fǒ ńgwɔ́ pɔ́ tsǎŋ lɔɔn. Pi sẅíŋte Ssé ngie mèŋ n gẅiin shÿɔ́g lélɔg ńgɔɔn pá’ á ne ńzɛ́te ngie mèŋ n gɔɔn.

1 Timote 1:12

Mèŋ sǐe Cʉ̀apʉ̀a wege Yěsô Kristo pá’ à la náa wɔ̀ɔn metʉ̀ á lélɔg fa’a fà’ yé. Mèŋ sǐe yé pá’ à la gyá ngie mèŋ n ku’u we nyìŋ, ńtsɔ́’ɔ wɔ̀ɔn ńdɔg ńgÿo ngàŋa fà’ we.

Titus 2:2

Gɔɔn né mbàŋa gie é zẅǐŋ ngie tà pɔ́ gÿo tsɔ́ mmo tà á cʉa, ńgie pɔ́ gwɔ́ pʉ̀a mekù’, ńgie pɔ́ gwɔ́ pʉ̀a pie é sáŋa nò tá ńgÿo. Pɔ́ gíŋ ńzáb ntʉ́m nà Ssé tà ńzáb, ńnéŋe ńkwoŋo pʉ̀a tà ńkwoŋo, éshÿɔgɔ menò tà shÿɔgɔ.

Heber 13:19

M bǔ ńcwoŋo ńdúɔ mbwo pi ngie pi nyɛte sẅíŋte Ssé, à zẅíŋ m biŋ nzèm ńtó ńtsɛ́ɛ gẅí.

1 Piɛ 2:11

Meshǔ pɔ́ɔn pé tʉ nzẅìŋ, pi ee ndùmo ssé tsetsá’ jʉ’ɔɔn ńgwɔ́ pɔ́ pà ncʉ̀anzsè, ńgíŋe ńgwɔ́ pɔ́ megʉ̀. Áa mmó gie á gÿo mèŋ n ne shwóŋó gẅi ngie tà pi zẅí’te mbùm gí gie e ne ńtsó gẅi légÿo mmó gie e ne ńkwoŋo, á nue ee pú’u, ne ńdÿɔ́’ɔ ntʉ́m gẅi lê ncù.