Filemo 1:8 - Nouveau Testament en Ngienboum

⁸ Mèŋ n gee ngàŋ ntúm Kristo, n tsɛ ńku’u léshwóŋó gú mmó gie á zɛ́te ngie ɔ̀ gÿo tá’, á fó nà mmó gie ɔ̀ ne gÿo,

Filemo 1:8 Iomraidhean Croise

2 Korento 10:8

Cʉ̀apʉ̀a la zába wég, létyé mvfò ńgɔɔn nò né pi, lélɔg ńgÿo àcú’tè gí kẅi’i ńgʉa pɔ́ lê mvfò, á la tè lélɔg ńtág wɔ́. À lɔɔn fó ńgwɔ́ gie mèŋ n ne ńdɔgɔ wɛ̌ le gwɔ́ ńka’te tà á cʉa, mbà à lɔɔn ńgwɔ́ eshʉ́ le wɔ̀ɔn kú.

2 Korento 11:21

Eshʉ́ kwa’ ne ńkúu wɔ̀ɔn pá’ n da tè gẅiin shÿɔgɔ ntʉ́m lényɛɛ gẅi nò pá’ pɔ́b wɔ́. Tá’, nyìŋ lɔɔn ńná’a fʉ’ʉ fʉ’ʉ ńdɔgɔ tsɔ́ mmó ńka’te, mbà mèŋ n ge ka’te cʉa yé, é gɔɔn nò pá’ pʉ̀a la.

2 Korento 3:12

Pá’ peg ne ńnyɛ́te ńzsé ngie mɔɔn menò ée nénʉ́ la, peg shʉashʉa ńgɔɔn nò mǒ.

Efeso 5:4

Á té ne ńzɛ́te ngie pi shwóŋó ḿmag mag wɔ́, tà mbɔɔ léma’a kwaŋ ná tsɔ̌ ntí, lâ légÿo tsɔ́ ntí megʉa. Á poŋ ngie ashwóŋè gwaa kẅɛɛ ncwò pi, pi lɔgɔ síe pɔ́ Ssé nà mmó gie à gÿǒ mbwo pi.

1 Tesalonika 2:2

Pi giŋé né ńzsé ngie peg ka gwaa tó, éfóo ne Filipo, mbà mé nyɛ̌ wég ngɔ́’ wó tɛ’, ńzoonte wég. Tá’ e Ssé náa wég shÿɔg létsẅi nkʉ̀ mbòŋo wé mbwo pi tà mbɔɔ pá’ mé la gíŋ ne ńnyɛɛ wég pɔ́ ngɔ́’.

1 Tesalonika 2:6

Peg la tè zɛ́te ngie me ná mekù’ még wɔ́, kà pɔ́ gẅi lénná wɔ́, kà pɔ́ petsɔ́ pʉ̀a wɔ́.