Filemo 1:6 - Nouveau Testament en Ngienboum

⁶ Mèŋ n ne sẅíŋte Ssé ngie à lɔg pá’ pege temte, á fóo nà lézǎb ntʉ́m nà yé la, ńgÿó ngie ɔ̀ cwòŋo ńzsé menò mbòŋo mie á zɛ́te ngie pege gÿo tá ńdɔgɔ fa’a mbwo Kristo.

Filemo 1:6 Iomraidhean Croise

Matio 25:16

Ngàŋa fà’ gẅie mé la nyé nkáb pàg nkÿo tʉ̀a né ye, cʉ́’ ńgwóon ńdwo ńtáŋ ye, tà ńjÿó tsɔ̌ pàg nkÿo tʉ̀a.

Matio 5:16

Aa yɛ̌ tá á poŋ ngie pi kyɛ’ pʉ̀a mesoŋ tá pɔ́ gyá nò mbòŋo gie pi ne ńgÿo, ńdeen ńké ńgu’te Tá gẅi gẅie aa tÿǒ lepwó.

1 Korento 14:25

Eshúm sie é kɔ’ɔ́ tsɛ̀ɛ ntʉ́m yé, á lelyěen, é kẅɛɛ mángyɛ̌, á kẅí’te ssé, ésɔb shÿó wé ssé, ńgwɔ ne gu’te Ssé, é ne gɔɔn ngie: Áa nénʉ́ e Ssé kwà’ ńgwɔ́ tsetsɛ̀ɛ pi.

1 Korento 16:9

á nue tsɔ̌ mánzsè kéen ńtsɔ́’ɔ mbwo mèŋ jʉ’ɔɔn léfa’a fà’ gie á ge kẅéte tɛ’. Tà mbɔɔ pá’ pàlʉ’ʉ nò gie mèŋ n gɔɔn gyɔ́ɔn tɛ’.

Filipo 4:8

Mefɛ́ pɔ́ɔn, anò gie à lɔɔn ńgwɔ́ n dɔg ńcʉ́me á gwɔ́ pɔ́ ngie, nkwaŋá gẅi ńnéŋe ńtyé pɔ́ ná menò mbòŋo mie pʉ̀a tà ńgyɔ́ɔn gɔ’te, ńtyé nà nò nénʉ́, á nà nò gie á tyé ndʉŋ ndʉŋ, á nà nò té *lɔ̌’, á nà menò mie ée me mekù’, á nà menò mie mé gÿo pʉ̀a ná ngɔ́ɔnte, é menò mie é kẅéte, á nà menò mie mé siŋte nyìŋ mǒ.

Kolosia 1:9

Mɔɔn ée menò mie é gÿo tá peg laa kʉ́a lésẅíŋte Ssé nà twó sí tà fó lyɛ̌’ gie mé la shwóŋó wég ntí gie pi lɔ̌g ńkú’te nò Ssé pú’u wɔ́. Peg ne ńdúɔ mbwo Ssé ngie à gÿo pi kwa’ ńzsé mmó gie à kwoŋ, ńcʉa nà zsě nò mbɔɔ ná legyè sie Zẅìge Ndʉalʉ̌a ne ńnáa mbwo pi.

Kolosia 3:10

Pi ee pɛ́’ɛ, mbà pi ka kaa mà we nyìŋ sẅé, ḿma’a mbùm pi. Wɛ̌ mà fóo mbwo Ssé. Yé zɔ̌ ne ńtáŋte ngwòŋ fʉ̀’ ntsèm légwɔ́ gie à ge sẅé we. E Ssé gÿo pú’u, légwɔ́ gie pi ge pú zsé yé.

Titus 3:14

Mefɛ́ pégè nzèm Kristo gẅiin lékag tʉ̀ yɔ́b, ńdɔgɔ kwɔ́gɔ nnɛ́ ńgÿo menò mbòŋo, ńzsé ngie ńgwɔ́ pɔ́ kẅéte pʉ̀a pie nò tyě nà pɔ́b, pɔ́ le gwɔ́ pà té zẅɛ́’ɛ wɔ́b gwɔ́.

Heber 6:10

E Ssé tè gÿo nò gie á té tyé wɔ́. À lɔɔn ńgwɔ́ á le lege mmó gie pi ka gÿo wɔ́, pá’ pi ka kẅéte mefɛ́ pi pʉ̀a Kristo, pi kě ńnyé ńkẅéte wɔ́b kẅéte, á lɔgɔ ńnyɛɛ ngie pi kwoŋ Ssé.

Ŋwà’ne Jâg 2:14

Mefɛ́ pɔ́ɔn, nyìŋ lɔɔn ngie à zǎb ntʉ́m wé nà Ssé, à tè fa’ méfà’ ńdɔg ńnyɛ wɔ́, mbà á ge kẅéte nà kɔ́? Tà ńgwɔ́ yɛ̌ ntí lezáb ntʉ́m nà Ssé é gÿo nyìŋ tsẅɛ́?

Ŋwà’ne Jâg 2:17

Á gíŋe ńgwɔ́ pɔ́ ndʉŋ ndʉŋ pú’u, ná nyìŋ gẅie à ne ngie à záb ntʉ́m wé nà Ssé, pá’ mé lɔɔn tè ne ńgyá mefà’ mé wɔ́, mbà wɛ̌ lézáb ntʉ́m nà Ssé aa sẅɛ̀ɛ.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

1 Piɛ 3:1

Mbɔɔ pi gí pànzwě, pi sẅí’i mbùm gi ńnáa ssé mvfò melúm pí, à cʉa pú’u, ńgwɔ́ gie tsɔ́ pʉ̀a tsetsɛ̀ɛ pɔ́b ne ńdʉ’ʉ lézáb ntʉ́m nà shwóŋè Ssé, pɔ́ cʉ́me nzèm pi té gwɔ́ gie pi gɔ̌ɔn nò, éfó ná tsẅé gí.

1 Piɛ 3:16

Pi cʉ́’ʉ léshwóŋó yé ńdɔg pɔ́ ndɔ́ɔn ndɔ́ɔn, ńdɔg mekù’. Á poŋ ngie tà mbùm gi gwɔ gwɔ́ ńne ńcúɔ gẅi ná tsɔ́ mmó, tá à cʉa pú’u, ńgwɔ́ gie pʉ̀a lɔɔn ńne ńtÿɔ́gɔ sóon twó pi, éfó ná pá’ pɔ́ ne ńzoonte leńnéŋe gẅi we pʉ̀a Kristo, gẅie à gwɔ́ pɔ́ mbòŋ, eshʉ́ kúu wɔ́b.

2 Piɛ 1:8

Á nue pi lɔɔn ne ńgÿo menò mie mé tʉté lɔɔn, ńne ńdɔgɔ ńgee né mvfò, mbà é ge gÿo mbùm gi zeŋe légÿo mmó gie e Ssé kwoŋ, é gíŋe gÿo pi ne ńkẅi’i ńzsé nyìŋ gẅie Cʉ̀apʉ̀a wege Yěsô Kristo aa yé