Filemo 1:23 - Nouveau Testament en Ngienboum

²³ Epafalas, gẅie peg yé pǔ ńgwɔ́ ndá tsǎŋ ńtí nò Yěsô Kristo tsyɛ’té gú.

Filemo 1:23 Iomraidhean Croise

Roma 16:7

Pi tsyɛ’te Andelonikus pɔ́ Zunias. Pega pɔ́ pǔ ńgwɔ́ pà Yuda, mbà pega pɔ́ ka pǔ ńgwɔ́ ndá tsǎŋ. Pɔ́ ée tsetsɛ̀ɛ megàŋ ntúm mé kwoŋo nò yɔ́b tɛ’. Pɔ́ la zɔɔn ḿvɔg ńgwɔ́ pʉ̀a Kristo tá mèŋ n gÿo ńgwɔ́ yɔ́ɔn.

Kolosia 1:7

Peg ne ńzsé ngie Epafalas zɔ ka zí’i gẅi yɛ̌ nò. Aa fɛ́ weg we ntʉ̀ nzẅìŋ, pega pɔ̌ pǔ fa’a. Pi zsé ngie, yé gẅie aa lejʉ́ŋ pi lɛ, à zsě pɔ́ nò Kristo.

Kolosia 4:10

Alistag gẅie peg yé pǔ ńgwɔ́ ndá tsǎŋ, à tsyɛ’té gẅí. Malékuse gẅie aa míŋ fɛ́ Panebâse giŋé ńtsyɛ’te gẅi yé. Mèŋ n ka zɔɔn ńkíme yé mbwo pi. À lɔɔn ńkúu jʉ’ɛ, pi kúe yé mboŋó.

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

Filemo 1:1

Yɔɔn ŋwà’ne fóo mbwo mèŋ Pɔl, ngàŋa tsǎŋ ńtí nò Yěsô Kristo. Peg Timoté gẅie aa fɛ́ wɔgɔ nzèm Yěsô Kristo náa yɔɔn ŋwà’ne á mbwo gù Filemo. Ɔ̀ɔ fɛ́ weg we tʉ̀ nzẅìŋ, pege metsèm pú fa’a nà nò Yěsô Kristo.

Filemo 1:9

n gyá ngie n ge cʉa nà nkwòŋe yɔgɔ, ésẅíŋte gú sẅíŋte. Tà mbɔɔ pá’ mèŋ Pɔl, n cʉ̌’ pɔ́ nzẅìŋe ndÿò, ńgíŋe ńgwaa gwɔ́ fʉ̀’ɔɔn, ńgwɔ́ ndá tsǎŋ ńtí Yěsô Kristo lɔɔn.