Filemo 1:2 - Nouveau Testament en Ngienboum

² Áa jú, ńgíŋ ńgwɔ́ ye Apia, fɛ́ wege we manzwě, mbɔɔ yé Aleshʉpe, á *ngàŋa kwò wege tsẅɛɛ ncù, ńgÿo cú’tè pʉ̀a Kristo gie á kúu ndá gù.

Filemo 1:2 Iomraidhean Croise

Roma 16:1

N cʉmé fɛ́ wege we manzwě gẅie mé tóŋo yé lé Febée á mbwo pi, à fa’a mefà’ tsɛ̀ɛ ndà cú’tè pʉ̀a Kristo gie aa tÿǒsoŋo Senkeré.

Roma 16:5

Pi gíŋe ńtsyɛ’te cú’tè pʉ̀a Kristo gie áa ndá pɔ́b. Pi tsyɛ’te Epenete, á fɛ́ wɔ̀ɔn we ntʉ̀ nzẅìŋ. Àa ndùŋ mvfò nyìŋ lézáb ntʉ́m ná Kristo á tsɛ̀ɛ pàga ngwòŋ Azia.

1 Korento 16:19

Mecú’tè pʉ̀a Kristo mie ée nà shÿó Azia é tsyɛ’té gẅí. Akilas pɔ́ Piriska mbɔɔ cú’tè pʉ̀a Kristo gie á jÿó ndá pɔ́b pɔ́ lɔ̌g lezíŋ Cʉ̀apʉ̀a ńtsyɛ’te gẅi tɛ’.

Filipo 2:25

Mèŋ n ka kě ńgyá ngie á poŋ, n gÿo fɛ́ wege Epafolodite piŋ nzèm, ńtsɛ́ɛ gẅí. Á yé gẅie pi ka túmo yé á tó ńná shúm sie é ka ne ńzága mbwo mèŋ lá. Àa nyìŋ gẅie peg yé lǎ zye fà’, ńzye ńdÿɔ́’ ncù ná nò Yěsô Kristo.

Kolosia 4:15

Pi tsyɛ’te mefɛ́ mefɛ́ pie ée Laodisé, ńtsyɛ’te Nimfa mbɔɔ cú’tè pʉ̀a Kristo gie áa ndá yé.

Kolosia 4:17

Pi gɔɔn mbwò Aleshʉpe ngie, tà á lɔgɔ fà’ gie Cʉ̀apʉ̀a ka cʉ́me mbwo yé ńdɔg ńgÿo megʉa, ńgie à fa’ mboŋó.