Filemo 1:19 - Nouveau Testament en Ngienboum

¹⁹ Kwà’ mèŋ Pɔl zɔ lɔgɔ́ pwó yɔ́ɔn ńŋwe’e yɔɔn jʉ’, ńgie, n ge gÿo tÿó mbwo gù. Tá’ zsé ngie n gẅiin tsɔ́ mmó gie à lɔɔn ńgwɔ́ n zɛ́te ngie ɔ̀ tÿó mbwo mèŋ. À gwɔ́ pá’ ɔ̀ gwaa gẅiin légwɔ́ gẅie ɔ̀ gẅiin fʉ̀’ɔɔn tɛ’, ńzẅɛ́’ɛ pɔ́ wɔɔn.

Filemo 1:19 Iomraidhean Croise

Roma 16:22

Mèŋ Tertilus gẅie mé tsẅǐ ngie mèŋ n ŋwe’e yɔɔn ŋwà’ne, n dɔ̌g pá’ n da nnɛ́ ná Cʉ̀apʉ̀a gẅie à léen ńtemte wégè, ńtsyɛ’te gẅi yɔ́ɔn.

1 Korento 4:15

Pi zɔɔn ńgẅiin pʉ̀a pie pɔ́ zí’i gẅi nò Kristo tà é fó ńgwɔ́ pɔ́ ntsá’ legém, mbà metá pí té gyɔ́ɔn gyɔ́ɔn wɔ́. Mèŋ n zɔ tá gẅi á nue mèŋ n zɔ ka tǒ ńtsẅi nkʉ̀ mbòŋo mbwo pi, tá pi la nnɛ́ ná Yěsô Kristo.

2 Korento 10:1

Mèŋ Pɔl, mèŋ n ge lɔg pá’ Yěsô Kristo pʉ́le tɛ’ ńgíŋ ńgwɔ́ ngàŋa pòŋo ntʉ́m, éshwóŋó gẅi tà’a nò. Aa kwà’ mèŋ pɔl wá gẅie mé gɔɔn ngie mèŋ n ge fʉ̀’ gie mèŋ n gee tsetsɛ̀ɛ pi, ń nẅéen nẅéen, ńké ńgwɔ́ fʉ̀’ gie mèŋ n gee ngʉ̀a shʉ̀shʉ̀a, ńgɔɔn nò mbwo pi tsɛ̀ɛ ŋwà’ne té pɔ́g la.

2 Korento 3:2

Pi pɛ zɔ yég ŋwà’ne, mbà mé la ŋwe’e tsɛ̀ɛ ntʉ́m wég, pʉ̀a metsèm ne ńzsé ḿbiŋ ne ńtóŋo,

2 Korento 9:4

á nue pega tsɔ́ pʉ̀a Makedonia lɔɔn ḿbú ńtó, ńké tè gyá pi tyé lénáa mmó wɔ́, mbà le gwɔ́ gie peg ka la’te mmó gie pi tyé légÿo, tà peg tè mʉ́’te, ge sele gÿo éshʉ́ kúu wég. Egẅí piŋ ńcʉa wég.

Galatia 5:2

Mèŋ Pɔl, tà mèŋ shwóŋó gẅí. Pi lɔɔn ńzɛ́te ngie mé pú’u gẅí, tá pi gwɔ́ pʉ̀a Ssé, mbà mmó gie Kristo la gÿo ńtí twó sí té gíŋe kẅéte gẅi nà tsɔ́ mmó wɔ́.

Galatia 6:11

Pi gyá pá’ mɔɔn menÿɔ́g ŋwà’ne ge fáŋte fáŋte. Kwà’ mèŋ Pɔl zɔ lɔgɔ́ pwó yɔ́ɔn ńŋwe’e yɔɔn jʉ’!

1 Timote 1:2

Mèŋ n ŋwe’e ńnáa mbwo gù Timoté. Ɔ̀ɔ mbwo mèŋ ńgwɔ́ míŋ wɔ̀ɔn tɛ’, ńtí nò Yěsô Kristo gẅie pɔgɔ pǔ ńzáb ntʉ́m ná yé. Mèŋ n ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ gwɔ́ né gù, ńtsɔ́ɔn mezìŋe mú, ńnéŋe sẅétè ntʉ́m gù.

Titus 1:4

Mèŋ n ŋwe’e yɔɔn nò, ńnáa mbwo gù Titus. Ɔ̀ɔ mbwo mèŋ, ńgwɔ́ míŋ wɔɔn tɛ’. Pɔgɔ pú ńzáb ntʉ́m nà Yěsô Kristo. Mèŋ n ne ńdúɔ mbwo Tá wege Ssé pɔ́ Yěsô Kristo, yé gẅie à gÿo pege tsẅɛ́ɛ, ńgie pɔ́ ne ńgwɔ́ né gù, ńne ńnéŋe sẅétè ntʉ́m gù.

Filemo 1:18

ńgwɔ́ gie à la cʉŋte tsɔ́ mmó mbwo gù, kà ɔ̀ ne ńkʉ́a pɔ́ tsɔ́ mmó mbwo yé wɔ́, ɔ̀ nyé mèŋ n gÿo ntÿó mbwo gù.