Filemo 1:14 - Nouveau Testament en Ngienboum

¹⁴ Tá’, mèŋ n kaa kwoŋo légÿo tsɔ́ mmó tà ɔ̀ jú’u jú’ wɔ́. N té ne ńkwoŋo létsóte gú tsóte tà ɔ̀ gÿo nò mbòŋo ná mèŋ wɔ́. Mèŋ ne ńtsɔ́ɔn ngie ɔ̀ gÿo pɔ́ mmó gie ɔ̀ kwǒŋ.

Filemo 1:14 Iomraidhean Croise

1 Korento 9:17

Á laa pé’è mèŋ n zɔ̌ kaŋa yɔɔn fà’, mbà mèŋ n gẅiin lézẅí’te ntsɔ’ɔ́ fà’. Tá’, pá’ áa fà’ gie mèŋ n ké ńgẅiin pɔ́ léfa’ la, áa mbwo mèŋ ńgwɔ́ pɔ́ pì’ gie n kě ńgẅiin pɔ́ lékaa.

1 Korento 9:7

Pi lǎ jú’u nzɔ̌ nyìŋ gwɔ́ ndÿɔ́’ ncù, ésele ḿpfɛ́ɛ pɔ́ pɔ̀ɔn ye? Kà ńgyá nzɔ̌ nyìŋ pye tÿǒ nzěm, à tè jÿó ntɔ̌ɔn mǒ wɔ́? Kà ńgyá nzɔ̌ nyìŋ gwɔ́ mpfèle mefòŋ, à tè ńnéŋe ńkyéen mbʉ́ ńnúu wɔ́?

2 Korento 1:24

Peg ne ńzsé ngie gẅi lézáb ntʉ́m ná Yěsô Kristo à tʉte, peg tě fa’a létó sẅɛ́ɛ gẅí, ńzáb pá’ pi ge gÿo wɔ́. Peg tsɔ́ɔn pɔ́ létó ńkẅéte gẅi pi mege ńjú’ mboŋó.

2 Korento 8:12

Nyìŋ náa mmó ne ntʉ̀m mbòŋo, e Ssé gwɔ́ zẅíŋe mmó gie ngàŋ nǎ, éfó pɔ́ ná gie ngàŋ gẅiin, à tè fó ná gie ngàŋ tè gẅiin wɔ́.

2 Korento 9:5

Áa mmó gie á ka gÿo n gyá ngie á ne ńzɛ́te ngie mèŋ sẅíŋte mefɛ́ mefɛ́ pɔ̀ɔn, pɔ́ vɔgɔ mbʉ̀a pi tá peg táa ńtó, ḿvɔgɔ pú’u, lécú’te gí mmó gie pi ka lǎ’ ńka’ lélɔg ntʉ́m mbòŋo ńná, ńzsé ngie n ge gwɔ tó, á gwɔ́ tà’a jʉ’. Mé gyá ngie áa kwà’ mmó pòŋo ntʉ́m, tà á té mmó gie pi náa mé ne sẅɛ́ɛ gẅi sẅɛ́ wɔ́.

2 Korento 9:7

Pú’u la, á poŋ ngie awɔ̌wɔ́ɔ náa mmó pɔ́ pá’ à ně ńkwaŋte tsɛ̀ɛ ntʉ́m yé, ńná té ne ńgyáŋa lóŋ, té gwɔ́ gie mé sẅɛ́ɛ yé sẅɛ́, á nue e Ssé kwoŋo nyìŋ gẅie à lɔgɔ lekág ńnáa mmó.