Filemo 1:11 - Nouveau Testament en Ngienboum

¹¹ Á laa tsɔ́ fʉ̀’ ɔ̀ těen ńzẅɛ́’ɛ yé wɔ́ tá’, á ké ńgwɔ́ fʉ̀’ɔɔn ɔ́ɔ gwaa ne zẅɛ́’ɛ yé, mèŋ n ne ńzẅɛ́’ɛ yé yɔ́ɔn.

Filemo 1:11 Iomraidhean Croise

Matio 25:30

Pi gwoon ngàŋa fà’ we tè ku’u ná tsɔ́ nò wɛ̂, ḿma’a yé pí tsɛ̀ɛ mwòon nzém. À ńnéŋe wó ńdʉa, lóŋ we ne ffó

Lukase 15:24

ńtí pá’ míŋ wɔ̀ɔn mɔɔn à ka kwě, à zǐm, à ka pyě, n giŋé ńgyá yé. Á gɔɔn pú’u, pɔ́ zye lékág.

Lukase 15:32

Tá’, á kɔ’ɔ́ ḿboŋ ngie pege kág kwà’ mboŋó, mélà’mie afɛ̌ gù wɔɔn à ka kwě, à zimé nà legwé, à kà pyě, mèŋ n gǐŋ ńgyá yé.

Lukase 17:10

Mbɔɔ gí fà’ ké ńgíŋe ńgwɔ́ pɔ́ pú’u. Pi lɔɔn ńdá’ fa’a fà’ gie mé tsẅǐ mbwo pi tà ḿmag, pi gɔɔn pɔ́ ndà’ ngie: Peg gwɔ́ yég pɔ́ megàŋa fà’ sẅɛ̀ɛ sẅɛ̀ɛ, peg gÿǒ pɔ́ mmó gie mé ně ńtsẅi ngie peg gÿo.

Roma 3:12

Pɔ́b metsèm léen ńgwá’a mánzsè Ssé. Pɔ́b metsèm léen ḿbú ńcʉŋte. Nyìŋ mesoŋ tè nò mbòŋo gÿo tà tsǒon tà’.

2 Timote 4:11

Peg Lukase zɔ cʉ̌’ ńgwɔ́. Ɔ̀ lɔɔn ńgwɔ tó, pi Malékuse gwɔ́, á nue à ge kẅéte wɔ̀ɔn nà fà’a Ssé.

Filemo 1:10

Mèŋ n ne sẅíŋte ɔ̀ nà twó Onesime, aa míŋ wɔɔn nà nò Yěso gẅie mèŋ n ka kúu ndá tsǎŋ ńzyé.

Filemo 1:12

N tumó yé ngie à piŋ nzèm ńtsɛ́ɛ gú. Aa pɛ́’ɛ̀ ńgwɔ́ tʉ́m yɔ́ɔn.

1 Piɛ 2:10

Pi pie pi laa tsɔ́ fʉ̀’, pi tè pʉ̀a Ssé wɔ́, pi kéen ńcʉ́’ pʉ̀a pé. Pi pie pi la tè tsɔ́ɔn mezìŋe Ssé zsé e Ssé kéen ńtsɔ́ɔn mezìŋe mí.