Filemo 1:1 - Nouveau Testament en Ngienboum

¹ Yɔɔn ŋwà’ne fóo mbwo mèŋ Pɔl, ngàŋa tsǎŋ ńtí nò Yěsô Kristo. Peg Timoté gẅie aa fɛ́ wɔgɔ nzèm Yěsô Kristo náa yɔɔn ŋwà’ne á mbwo gù Filemo. Ɔ̀ɔ fɛ́ weg we tʉ̀ nzẅìŋ, pege metsèm pú fa’a nà nò Yěsô Kristo.

Filemo 1:1 Iomraidhean Croise

Megàŋ ntúm 16:1

Pɔl gʉa tà ńkúu tÿǒsoŋo Nderbe, ńgÿo fó wó ńdɔg ye Listele. Àtsɔ̌ nyìŋ Kristo gwɔ́ wó, mé tóŋo yé lê Timoté. Má we gwɔ́ mûɔ Yuda, mbà à léen ńzẅíŋe nò Yěsô. Mbà tá we laa nyìŋ Gelekia.

1 Korento 3:9

Á nue peg puté ńně fa’a pɔ́ fà’a Ssé. Pi gwɔ́ nká’ Ssé, ńgíŋ ńgwɔ́ ndá gie Ssé ne ńkwɛ́ɛ.

2 Korento 1:1

Yɔɔn ŋwà’ne fóo mbwo mèŋ pɔl gẅie e Ssé la kwoŋ kwoŋ ńtsɔ́’ɔ wɔ̀ɔn ńdɔg ńgÿo ngàŋ ntúm Yěsô Kristo. Peg fɛ́ wege Timoté ŋwe’é yɔɔn ŋwà’ne, ńnáa mbwo cú’tè pʉ̀a Ssé á tÿǒsoŋo Korento. Mèŋ n gǐŋ ńŋwe’e ńnáa mbɔɔ mbwo pʉ̀a Ssé metsèm, pie pɔ́ ée nà shÿó Akay ntsèm.

Galatia 3:26

Pi metsèm zɔɔn ńdɔg pá’ pi záb ntʉ́m ná Yěsô Kristo ńgwɔ́ púɔ Ssé.

Efeso 3:1

Áa mmó gie á gÿo, mèŋ Pɔl gẅie mèŋ n gee ndá tsǎŋ ńtí nue mèŋ sa’á nò Yěsô Kristo mbwo pi pie pi tè pà Yuda wɔ́, mèŋ n ne sẅíŋte Ssé fʉ̀’ ntsèm ná twó sí.

Efeso 4:1

Mèŋ gẅie mèŋ n gee ndá tsǎŋ ńtí nò Cʉ̀apʉ̀a Yěsô Kristo, n ge fó ná menò mie mèŋ shwoŋó gẅí, é zɛ́te ngie pi gwɔ́ gÿo kɔ̀ɔkɔ́ɔ gí wɔ́, ńkímte ngie e Ssé ka tóŋo gẅi ngie pi gwɔ́ pʉ̀a pé.

Efeso 6:20

Mèŋ, n gee mántúm létsẅi wɛ̌ nkʉ̀, tà mbɔɔ pá’ mèŋ fǒ ńgwɔ́ pɔ́ tsǎŋ lɔɔn. Pi sẅíŋte Ssé ngie mèŋ n gẅiin shÿɔ́g lélɔg ńgɔɔn pá’ á ne ńzɛ́te ngie mèŋ n gɔɔn.

Filipo 1:1

Yɔɔn ŋwà’ne fóo mbwo mèŋ Pɔl. Peg Timoté gẅie peg yé pú fa’a nzèm Yěsô Kristo náa mbwo pi pie pi la zẅɛ́’ɛ Yěsô Kristo ńgwɔ́ pʉ̀a Ssé, á gẅi gẅie pi ee tÿǒsoŋ Filipo. Á gíŋe ńgwɔ́ gí pi pà líe cú’tè pʉ̀a Kristo laa pi pàfa’a tsɛ̀ɛ cú’tè.

Filipo 2:25

Mèŋ n ka kě ńgyá ngie á poŋ, n gÿo fɛ́ wege Epafolodite piŋ nzèm, ńtsɛ́ɛ gẅí. Á yé gẅie pi ka túmo yé á tó ńná shúm sie é ka ne ńzága mbwo mèŋ lá. Àa nyìŋ gẅie peg yé lǎ zye fà’, ńzye ńdÿɔ́’ ncù ná nò Yěsô Kristo.

Filipo 4:3

ḿbìŋ ńgʉa ná gù, kwà’ shǔ wɔ̀ɔn tsɛ̀ɛ fà’, mèŋ n ne sẅíŋte gú ngie ɔ̀ kẅéte wɔ́b, ée pánzwě pie pega pɔ̌ nê Kelemaŋ ka pǔ ńdÿɔ́’ ncù ná nò nkʉ̀ mbòŋo. Pega tsɔ́ pʉ̀a la gíŋe ńgwɔ́, tà mezíŋ mɔ́b ée tsɛ̀ɛ ŋwà’ne gie áa mbwo Ssé.

Kolosia 1:1

Yɔɔn ŋwà’ne fóo mbwo mèŋ Pɔl, e Ssé la kwoŋ ngie n gwɔ́ ngàŋ ntúm Yěsô Kristo. Peg fɛ́ wege Timoté náa

Kolosia 4:11

Yěsô gẅie mé gíŋe ńtóŋo yé lê Jẅistẅis tsyɛ’té gẅi yé. Á gʉa tsetsɛ̀ɛ pà Yuda pie é ka zẅíŋe nò Kristo, ée ndà’ wɔ́b pɔɔn métá pie pega pɔ̌ ee jʉ’ɔɔn, éfa’a ńtí nò *lefùɔ Ssé. Pɔ́ zɔ̌ ka ne ńnéŋe ntʉ́m wɔ̀ɔn.

1 Tesalonika 3:2

é túmo Timoté né pi. Pi ne ńzsé ngie aa fɛ́ wege gẅie pega pɔ̌ fa’a fà’a Ssé, ńgwá ńtsẅii Nkʉ̀ mbòŋo Kristo. Peg ka túmo yé légwɔ́ gie à ge gÿo pi tʉte, é piŋ kẅiŋte gẅi nà gẅi lezáb ntʉ́m nà Ssé,

2 Tesalonika 1:1

Pɔl, Silase mbɔɔ Timoté náa yɔɔn ŋwà’ne mbwo cú’tè gie áa Tesalonika ńgwɔ́ cú’tè Tá wege Ssé, mbɔɔ ye Cʉ̀apʉ̀a Yěsô Kristo.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

Filemo 1:23

Epafalas, gẅie peg yé pǔ ńgwɔ́ ndá tsǎŋ ńtí nò Yěsô Kristo tsyɛ’té gú.

Filemo 1:24

Mbɔɔ Malékuse, mbɔɔ Alistag, mbɔɔ Ndemas pɔ́ Lukase pie pegá pɔ̌ pǔ fa’a tà’a fà’.

Filemo 1:9

n gyá ngie n ge cʉa nà nkwòŋe yɔgɔ, ésẅíŋte gú sẅíŋte. Tà mbɔɔ pá’ mèŋ Pɔl, n cʉ̌’ pɔ́ nzẅìŋe ndÿò, ńgíŋe ńgwaa gwɔ́ fʉ̀’ɔɔn, ńgwɔ́ ndá tsǎŋ ńtí Yěsô Kristo lɔɔn.