Yoanɛ 2:4 - Fana Ngbangɔ 1987

⁴ La Yezo agbinya hɛ̃ lo ya: “Zo wali, mɔ̃ pa hɛ̃ mbi pangɔ, wa mbi li kwa tɛ mbi? Ta ngoi tɛ mbi ti lingɔ ye adɛ alengbi ma.”

Yoanɛ 2:4 Iomraidhean Croise

Matie 15:28

La Yezo agbinya hɛ̃ lo ya: “Aa, zo wali, mɔ ye lo tɛ mbi na bɛ mɔ kɔi! Tɛrɛ nyi mɔ ni na hãngɔ, nga ma se mɛ mɔ separa na ni.” Bo na ngoi ni ko ndo la tɛrɛ nyi lo ni ahã wee!

Matie 8:29

Ala ĩ hũ Yezo ko, ala to nda dɛrɛngɔ kɔngɔ ya: “Nyi Nzapa, ye mɛ mɔ ye lingɔ na e nɛ? Mɔ ga ge ya, mɔ gia e uzu, wa ngoi alengbi?”

Luka 2:49

Yezo ĩ ma so ko, agbinya hɛ̃ la ya: “Ĩ ndogigi mbi ya nɛ? Ta ĩ hĩnga ya, ale mbi du nga ge ya da tɛ To mbi ma?”

Yoanɛ 12:23

La Yezo agbinya hɛ̃ la ya: “Na olo ko, ngoi ti Nzapa hɛ̃ngɔ mbi Nyi lo ndima alengbi wɛ.

Yoanɛ 13:1

Adu ndo na lipɛ yenga ti Lipandasi tɛ Ayuda, ko Yezo ahĩnga ya, ngoi tɛ ni ti ziangɔ lɛ sese olo, diringɔ ka tɛ To ni alengbi wɛ. Ngoi zu lo ndoye ndo azi ti lɛ sese mɛ aye lo tɛ lo, ko lo ye ndo la ngbĩi lo kɔ nda ni.

Yoanɛ 2:3

Ngoi mɛ vinɔ ĩ wɛ ko, ta Yezo apa hɛ̃ Yezo ya: “Ba, ala nyɔ vinɔ ni zu wɛ.”

Yoanɛ 20:13

Aangelo ko ahũnda Maria ya: “Zo wali, mɔ ndoto ya nɛ?” Maria agbinya hɛ̃ la ya: “Ahã kinda tɛ Gbia tɛ mbi aɔ na ni, ko ta mbi hĩnga ndo mɛ akpã na ni ma.”

Yoanɛ 20:15

Yezo ahũnda lo ya: “Zo wali, mɔ ndoto ya nɛ? Zo mɛ mɔ ndogi lo na?” Maria ada bɛ lo ya, adu wa kwa ti yaka la. La Maria ahũnda lo ya: “Pakala, se adu ya, mɔ la mɔ hã kinda tɛ lo, mɔ ɔ na ni ko, fa mbi na ndo mɛ mɔ kpã lo da, ko mbi nɔ, mbi mu ni, mbi gwe na ni.”

Yoanɛ 7:30

Ngoi mɛ ala ĩ ma so ko, ala gi kɔdɛ ya ani gbɔ̃ lo, ko ta zo kɔi abɔrɔ tɛrɛ lo ma, na lo mɛ ya, ta ngoi tɛ lo ade alengbi ma.

Yoanɛ 7:6

La Yezo apa hɛ̃ la ya: “Ta ngoi tɛ mbi ade alengbi ma. Kanda tɛ ĩ ko, ngoi zu bo nzɔ̃ ngoi.

Yoanɛ 7:8

Ĩ nvɛni ĩ nɔ yenga ni ko. Ta mbi nɔ tɛ mbi ma, na lo mɛ ya, ta ngoi tɛ mbi ade alengbi ma.”

Yoanɛ 8:20

Yezo atɛnɛ ndo tɛnɛ olo, na ngoi mɛ ndo lo ha azi na tɛnɛ tɛ Nzapa ka ya kota da Nzapa, na ndo mɛ adɔngɔ na sandugu mɛ azi ndosa faranga ya ni so lungɔ na Nzapa. Ko ta zo kɔi agbɔ̃ ndo lo ma, na lo mɛ ya, ta ngoi tɛ lo adɛ ndo alengbi ma.

2 Kɔrinto 5:16

Na lo ni, ato na olo ko, ta e ti ndohĩnga zo na lege ti sé du tɛ lo mɛ e ndohũ na lɛ e ma. Ndo uzu ko, se mɛ ndo e ndohũ na Kristo la, kanda na olo ko, ta se mɛ e ndohũ na lo la ma.