Yoanɛ 2:2 - Fana Ngbangɔ 1987

² ko aili nga Yezo na ava lo ya, ala ga yenga ni, la ala nɔ ndo.

Yoanɛ 2:2 Iomraidhean Croise

Matie 12:19

Ta lo pa gbanda pa na zo kɔi ma, ta lo dɛ gbanda kɔngɔ ma. Ta azi ama gbanda lo na tɛnɛngɔ tɛnɛ ka ta lege ma.

Matie 25:40

Ko mbi Gbia, mbi gbinya gbanda hɛ̃ la ya: ‘Mbi pa hɛ̃ ĩ ti bɛta tɛnɛ ya, ngoi zu mɛ ndo ĩ li aye ni ko na tɛrɛ zo mɛ yakereni na popo tɛ azi mɛ adu nga ma ayata mbi ko, adu ndo mbi la ĩ li aye ni ko na tɛrɛ mbi.’

Matie 25:45

Ko mbi Gbia, mbi gbinya gbanda hɛ̃ la ya: ‘Mbi pa hɛ̃ ĩ ti bɛta tɛnɛ ya, ngoi zu mɛ ndo ta ĩ li aye ni ko na tɛrɛ zo mɛ yakereni na popo tɛ azi mɛ adu nga ma ayata mbi ma ko, adu ndo mbi la ta ĩ li aye ni ko na tɛrɛ mbi ma.’

Yoanɛ 2:12

So pɛni ko, Yezo na ta lo, na ayata lo ti kɔli, nga na ava lo alo so ndo ko, agwe ka kɔdɔrɔ ti Kapɛrnaume. Ko ta ala li ndo kai bi gba ma.

Yoanɛ 2:17

Ava lo ĩ ma tɛnɛ ko lo ĩ tɛnɛ ko, bɛ la ada na tɛnɛ mɛ asu ka ya Buku tɛ Nzapa ya: “Ae Nzapa, mbi ye da tɛ mɔ ma ya ma, ko lo ni ndozɔ bɛ mbi nga ma wá.”

Yoanɛ 2:22

Ngoi mɛ ndo Yezo ĩ so na pɛ kwá tɛ lo ko, bɛ ava lo ada na tɛnɛ ko ndo lo tɛnɛ. La ala ye lo tɛnɛ mɛ Buku tɛ Nzapa atɛnɛ, nga na tɛnɛ mɛ Yezo atɛnɛ.

Yoanɛ 2:3

Ngoi mɛ vinɔ ĩ wɛ ko, ta Yezo apa hɛ̃ Yezo ya: “Ba, ala nyɔ vinɔ ni zu wɛ.”

Yoanɛ 3:22

So pɛni ndo la Yezo na ava lo agwe ka sese ti Yudea, ali kai bi yakere, ko Yezo ahɛ̃ azi batisimɔ.

Yoanɛ 4:2

(Ti biani ko, ta Yezo nvɛni ndohɛ̃ ndo azi batisimɔ ma, ava lo ndo la ndohɛ̃ azi batisimɔ.)

Yoanɛ 4:33

Ava lo ahũndangbi tɛrɛ la ya: “Mbanga zo ka ga fɛrɛ na tɛ hɛ̃ lo wɛ?”

Yoanɛ 4:8

(Ava Yezo azia ndo Yezo so ndo ko, agwe ka lɛ kɔdɔrɔ so vɔ̃ngɔ tɛ.)

Yoanɛ 6:12

Ngoi mɛ azi zu ĩ tɛ ye, ya la ĩ sĩsĩ ko, Yezo apa hɛ̃ ava lo ya: “Ĩ lɔ tanga tɛ mɛ angbã, so agbe gɛgɛrɛ.”

Yoanɛ 6:16

Ngoi mɛ ndo dɔ ĩ de ko, ava Yezo azu ka nyɔ kpo.

Yoanɛ 6:60

Ambanga ava lo ĩ ma tɛnɛ ko lo ĩ tɛnɛ ko, ala pa ya: “Tɛnɛ ni akpengba sĩ. Ta zo alengbi ti yengɔ ni ma.”

Yoanɛ 6:66

Ato bo na ngoi ko ndo la, ambanga ava Yezo ma wo ma adɔ lo azia, ko ta ala na lo ti ɔ ndoni kɔi ma.

Yoanɛ 6:67

Ngoi mɛ ala ĩ gwe wɛ ko, Yezo ahũnda ava lo ko sui kɔi ndoni sɛ ya: “Wa ĩ, ĩ ye nga dɔngɔ mbi ziangɔ?”

Yoanɛ 6:70

La Yezo agbinya hɛ̃ la ya: “Mbi ndo la mbi sara ĩ zu sui kɔi ndoni sɛ mbi kpa ya, ĩ ti ava mbi! Kanda mbanga fɔ̃ ĩ kɔi lo zo tɛ Satana!”

Yoanɛ 6:71

Yezo ndohá ndo Yudasi mɛ nyi Iskariɔtɛ. Ta sanga ma, abɛ Yudasi ndo nga mbanga va Yezo ko, lo ndo la na kangɔ Yezo.

Yoanɛ 6:8

Mbanga va lo mɛ ndɛ̃ mɛ nyita Simɔ Petro, ili lo Andre, apa hɛ̃ lo ya:

Yoanɛ 7:3

La ayata Yezo apa hɛ̃ lo ya: “Lo so ndo mɛ, mɔ gwe ka Yudea, wa awa yengɔ lo tɛ mɔ mɛ kai ahũ nga kwa mɛ mɔ ndoli.

Awa Pangɔ Kwa 11:26

Lo ĩ tã Saulo ko, lo mu lo, lo gwe na lo ka Antiɔsɛ. Ala zu se ali ndo buru kɔi zu ka tɛ azi ti Eklezia mɛ kai, ko ala ha ndo azi gba na tɛnɛ tɛ Yezo. Ka Antiɔsɛ ndo la ato nda ilingɔ awa yengɔ lo tɛ Yezo ya, awa Kristo.

Awa Pangɔ Kwa 11:29

Awa Kristo akangbi ndo ya, zo kɔi kɔi na popo tɛ ani ahɛ̃ faranga na se mɛ lo lengbi ti hɛ̃ngɔ ni, wa ani to hɛ̃ afɔ̃ ani mɛ ndodu ka sese ti Yudea.

1 Kɔrinto 10:31

Tɛnɛ mɛ mbi na gbinyangɔ hɛ̃ lo lo mɛ: bɛ se mɔ tɛ ye, bɛ se mɔ nyɔ ye, bɛ se mɔ li ye mɛ ndɛ̃ ko, li ni zu so gondangɔ na Nzapa.

1 Kɔrinto 7:39

Wali mɛ adu na kɔli ndongbã so ti kɔ lo na ngoi mɛ kɔ lo ade lɛ lo ngɛ̃. Wa se kɔ lo akpi ko, lo lengbi ti dungɔ na kɔli mɛ bɛ lo aye, kanda ale kɔli ni adu wa Kristo.

Kɔlɔsɛ 3:17

Aye zu mɛ ĩ ndoli, na atɛnɛ zu mɛ ĩ ndotɛnɛ ko, ale ĩ li ni na ili Gbia Yezo. Ale ĩ li nga ni ndoni kɔi na hɛ̃ngɔ sia kɔli hɛ̃ To e Nzapa ti ndo lo.

Aebreo 13:4

Ale azi zu ndotɔndɔ tɛnɛ mɛ Nzapa atɛnɛ na lo ti dungbingɔ tɛ kɔli na wali. Ale ta kɔli mɛ ya lo da, bere wali mɛ kɔ lo da, ati kɔmbɛ ma. Nzapa afa gbanda ngbanga tɛ azi mɛ ndoli siɔ ye ti kamɛnɛ. Lo fa nga gbanda ngbanga tɛ awa tingɔ kɔmbɛ.

Suma 3:20

Ĩ ma la: ni lo na tɔ̃ nyɔ ngise, ni ndogɔngɔ ni, ni ndoili ila. Zo ko la ama legɔ̃ ni, azi nyɔ ngise hɛ̃ ni ko, ni li ka ya da tɛ lo, ko ni na lo ani tɛ ye ndoni kɔi.