Yoanɛ 2:1 - Fana Ngbangɔ 1987

¹ Ĩ la ndo so pɛni bi ta ko, ambanga azi adu yenga ti mungbingɔ ka kɔdɔrɔ ti Kana, ka sese ti Galilea. Maria ta Yezo anɔ nga yenga ni,

Yoanɛ 2:1 Iomraidhean Croise

Matie 12:46

Ngoi mɛ Yezo ade na tɛnɛngɔ tɛnɛ hɛ̃ azi butu butu ko, ta lo na ayata lo asi. Ala ndo ka gegi, ko ala ndogi ndo kɔdɛ ya, ani tɛnɛ tɛnɛ hɛ̃ lo.

Yoanɛ 1:29

Ĩ la bu ndã ĩ de ko, Yoanɛ ahũ Yezo so ndoga ka tɛ lo, la Yoanɛ apa hɛ̃ azi ya: “Ĩ ba Nyi Ngasã Ngbaga tɛ Nzapa mɛ aga so hãngɔ siɔ ye tɛ azi zingɔ lo mɛ!

Yoanɛ 1:35

Ĩ la bu ndã ĩ de ko, Yoanɛ na ambanga ava lo sɛ ade bo so ndo ko.

Yoanɛ 1:43

Ĩ la bu ndã ĩ de ko, Yezo asepara ya, ni gwe ka sese ti Galilea. Lo ĩ nɔ ĩ tã Filipo ko, lo pa hɛ̃ lo ya: “Ga é ɔ!”

Yoanɛ 2:11

Ĩ ba se mɛ ndo Yezo ali na kɔzo ye ti kpɛnɛ tɛ lo ka kɔdɔrɔ ti Kana, mɛ ka sese ti Galilea la. Lo li ndo nga so, so fangɔ ndima tɛ lo yango. Ava lo ahu ndo ye ko lo li, la ala ye lo tɛ lo.

Yoanɛ 21:2

Simɔ Petro, na Toma (mɛ andoili lo ya Ngbɔ), na Natanaɛlɛ (mɛ zo ti kɔdɔrɔ ti Kana mɛ ka sese ti Galilea), na aya Zebedeo, na ambanga ava Yezo mɛ ndɛ̃ sɛ, ala ndo zu ndoni kɔi.

Yoanɛ 4:46

So pɛni, lo diri ka sese ti Galilea, ka kɔdɔrɔ ti Kana mɛ ndo lo gbinya ngu da, ati vinɔ. Mbanga kota wa kwa tɛ leta ndodu ndo ka Kapɛrnaumɛ, ko tɛrɛ nyi lo ndosɔ ndo.

Aebreo 13:4

Ale azi zu ndotɔndɔ tɛnɛ mɛ Nzapa atɛnɛ na lo ti dungbingɔ tɛ kɔli na wali. Ale ta kɔli mɛ ya lo da, bere wali mɛ kɔ lo da, ati kɔmbɛ ma. Nzapa afa gbanda ngbanga tɛ azi mɛ ndoli siɔ ye ti kamɛnɛ. Lo fa nga gbanda ngbanga tɛ awa tingɔ kɔmbɛ.