Suma 9:1 - Fana Ngbangɔ 1987

¹ Angelo ti kɔ̃ aulu mbana tɛ lo. Mbi hũ tongolo mɛ ndo alo ka ndozu ati ge lɛ sese. Ahɛ̃ tongolo ni nyi kɛrɛrɛ ti zingɔ na nyɔ du mɛ lipi lipi.

Suma 9:1 Iomraidhean Croise

Luka 10:18

Yezo agbinya hɛ̃ la ya: “Mbi ndoba ndo ndo, ko mbi hũ Satana alo ka ndozu ati ge tise, nga ma se mɛ bekpa ndozu na ni.

Luka 8:31

Asiɔ tɔrɔ ko avɔrɔ ndo tɛrɛ la hɛ̃ Yezo ya, ta lo to ani ka lifɛlo ma.

Roma 10:7

“Zia nga nɛngɔ ka ya bɛ mɔ ya: ‘Zo mɛ gbanda azu ka kɔdɔrɔ tɛ awa kwáni na?’ ” (Alengbi ya, zo mɛ gbanda azu kai so mungɔ Yezo, singɔ na lo ge lɛ sese na?)

Suma 1:18

Mbi lɛ mbi ngɛ̃. Mbi kpi ndo, kanda na olo ko, mbi so, ko mbi na dungɔ lɛ mbi ngɛ̃ buru na buru. Mbi Gbia ti ndo kwá, mbi nga Gbia ti ndo mɛ awa kwáni ndodu da.

Suma 1:20

Atongolo mbara mbara mɛ mɔ hũ mbi gbɔ̃nɔ na kɔti ti mbi, na gɛrɛ wá mbara mbara mɛ alɛkɛ na wɔrɔ ko, ma nda ni lo mɛ atongolo mbara mbara adu aangelo mɛ ndobata awa Kristo ti Eklezia mbara mbara, gɛrɛ wá mbara mbara adu awa Kristo ti Eklezia ko mbara mbara.”

Suma 11:7

Ngoi ko la ala na kɔngɔ nda pangɔ tɛnɛ tɛ Nzapa ko, sa kɔi na longɔ ka ya du mɛ lipi lipi singɔ, tiringɔ la na to. Sa ni na nwɔngɔ la, kpɔngɔ la.

Suma 17:8

Wa ma nda ni lo mɛ: sa ko mɔ hũ ko, ndo gã ko, lo ndo lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma. Wa angbã yakere ko, lo lo ka ya du mɛ lipi lipi, lo si. Ngoi mɛ lo na singɔ ko, Nzapa na bingɔ lo ka lifɛlo. Azi ti lɛ sese mɛ ndo ta asu ili la ka ya Buku mɛ asuru na ili azi mɛ alua du ti kaka, na ngoi mɛ ndo Nzapa ato nda lingɔ sese ma ko, ala na hũngɔ lo. Ala nga na bemangɔ, na lo mɛ ya, sa ni ko ndo uzu lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma, lo na singɔ fani mɛ ndɛ̃.

Suma 20:1

So pɛni, mbi hũ angelo mɛ ndɛ̃ alo ka ndozu azu. Lo gbɔ̃ nyi kɛrɛrɛ ti zingɔ na nyɔ du mɛ lipi lipi so ti lo, lo gbɔ̃ kota nzingiri so ti lo.

Suma 20:10

Agbɔ̃ Satana mɛ ndo wa handangɔ la, abi lo ka ya wá mɛ lɛ ni kotani nga ma lɛ kpo. Ko wá ni adu nwa tɛnɛ la ndoza. Amu sa ti kpɛnɛ, na wa pangɔ nyɔ Nzapa na nvɛnɛ, asa nga la ka ya wá ni ko. Ala na hũngɔ pɛnɔ bi na lá, buru na buru.

Suma 6:13

Atongolo alo ka lɛ ndozu, asa ge lɛ sese nga ma se mɛ se kpengba yá aya, ayingi akuku mango ka li kɛkɛ ko, akuku mango akia tise.

Suma 8:10

Angelo ti ta aulu mbana tɛ lo. Kota tongolo mɛ ndoza lau lau nga ma tanda, alo ka ndozu ati ge lɛ sese, ati lɛ ngu, ati nga lɛ li ngu.

Suma 8:12

Angelo ti siɔ aulu mbana tɛ lo. Lɛ lá akangbi ota, lɛ nzɛ̃ akangbi ota, lɛ atongolo kɔi kɔi akangbi nga ta ta, ko ta mbanga lɛ ni kɔi kɔi zu ati asũ ma. Lá kɔi akangbi na ngoi ta, ko na mbanga ngoi ko, ta lá asũ ma. Bi akangbi nga na ngoi ota, ko ta nzɛ̃ na atongolo asũ na mbanga ngoi ma.

Suma 8:2

Ko mbi hũ aangelo mbara mbara alonga so gbɛlɛ Nzapa. Amu mbana mbara mbara, akangbi na la kɔi kɔi.

Suma 9:2

Tongolo ni ĩ zi nyɔ du ni ko, guru nga ma guru ti wá mɛ ndoza butu butu alo ka ya du ni asi. Ko guru ni avukɔ lɛ lá na lɛ ndozu kpiti kpiti.