Suma 8:7 - Fana Ngbangɔ 1987

⁷ Angelo ti uzu aulu mbana tɛ lo. Ngandangombe na wá abombi na mɛnɛ asa ka lɛ sese. Lɛ sese akangbi ota, mbanga lɛ ni kɔi abombi na akɛkɛ ti lɛ ni, nga na ndiri zu mɛ so da agbiri.

Suma 8:7 Iomraidhean Croise

Zaki 1:11

Ngoi mɛ se lá aya tɛrɛ lo, asũ baka baka ko, aulɛ na kasa pandara, kasa pandara akiɔ̃ ati, ko dɛ̃ngɔ ni awe. Se tɛ wa nwa nga gbanda la. Ngoi mɛ gbanda lo dɛ so lingɔ kwa tɛ lo ko, lo kongbi ngbe lo kpi.

1 Petro 1:24

Asu ka ya Buku tɛ Nzapa ya: “Azi zu ndokpili nga ma se mɛ sã ndoulɛ, ko akpi. Ndima tɛ la zu adu nga ma dẽngɔ ti kasa pandara. Ngoi mɛ sã ni aulɛ ko, kasa pandara ni akiɔ̃ ati.

Suma 12:4

Atongolo abombi tɛrɛ la li nɔ ta ta ka lɛ ndozu. Sa ti kpɛnɛ ni amu sã lo, afũ na li nɔ kɔi, asa ge lɛ sese. Sa ni ko alo so gbɛlɛ zo wali mɛ gwa atɛ lo ya, bo na ngoi ko la lo dú ko, ni tɛ nyingambi ni.

Suma 16:2

Angelo ti kɔi amu kangu tɛ lo mɛ ngɔnzɔ tɛ Nzapa ya ni, asa lɛ sese. La asiɔ kã mɛ ndosɔ ma wo ma asisi na tɛrɛ azi ti lɛ sese mɛ aminya ili sa ti kɔi na tɛrɛ la, ala mɛ avɔrɔ nga ngbilondo tɛ sa ni ko.

Suma 16:21

Akokɛnɛ ngandangombe mɛ ndonɛ kilo sui siɔ, alo ka ndozu, asa na ndo azi ge lɛ sese. Ko azi aguru Nzapa na lo ti pɛnɔ mɛ ala hũ na lo ti ngandangombe, ta sanga ma, pɛnɔ ni adu siɔni buai.

Suma 6:8

Mbi ba ndo, ko mbi hũ mbarata mɛ tɛrɛ lo pɛɛɛ. Ili wa kpɛngɔ na mbarata ni ko la Kwá. Zo mɛ ndodu na se lɛ awa kwáni so pɛko lo. Ahɛ̃ la nguru ya, na popo tɛ azi siɔ siɔ ti lɛ sese zu ko, ala ho zo kɔi kɔi na zabe, na gwɛ̃, na ngã, nga na asa ti ya ndo.

Suma 7:1

So pɛ aye ko zu ko, mbi hũ aangelo siɔ. Kɔi alo ndozu ka tɔ, kɔi ka do, kɔi ka banga, kɔi mɛ ndɛ̃ ka mbongo. Ala ndogbanzi aya siɔ mɛ ndoya na lɛ sese ya, ta yá kɔi aya na le sese, bere na lɛ ngu, bere na li kɛkɛ ma.

Suma 9:15

Angelo ti mana azara aangelo ko siɔ. Alɛke ndo la akpã ngĩ ya, ala ku saa ni ko, aku lá ni ko, aku nzɛ̃ ni ko, aku nga buru ni ko ya, na popo tɛ azi ta ta ti lɛ sese zu ko, ala ho zo kɔi kɔi.

Suma 9:18

Apɛnɔ olo ota, wá, na guru, nga na nwa tɛ́nɛ andosi ka yanga ambarata ni, ko akpɔ azi kɔi kɔi na popo tɛ azi ta ta ti lɛ sese zu.

Suma 9:4

Ahɛ̃ nyɔ hɛ̃ akatɛ ni ya, ta ala tɛ ndiri, bere kɛkɛ, bere tɛ ti yaka ma. Kanda ahɛ̃ nyɔ hɛ̃ la ya, ala tɛtɛrɛkɛ bo azi ko la ta aminya ndã tɛ Nzapa na ndo lɛ la ma.