Suma 8:3 - Fana Ngbangɔ 1987

³ Angelo mɛ ndɛ kɔi aga, alo so tɔ̃ mɛsa ti lungɔ Nzapa na ye. Lo gbɔ̃ ta nwa mɛ andozɔ yɔmbɔ ya ni so ti lo, alɛkɛ ta nwa ni na wɔrɔ. Ahɛ̃ lo yɔmbɔ ma wo ma ya, lo bombi na sambela tɛ azi tɛ Nzapa zu, lo zɔ ni ka ndo mɛsa ti wɔrɔ mɛ so gbɛlɛ ngɛndɛ gbia tɛ Nzapa.

Suma 8:3 Iomraidhean Croise

Luka 1:10

Ngoi mɛ lo so ndozɔ yɔmbɔ ni ko, azi butu butu so ndosambela ka gegi.

Roma 8:34

Wa zo mɛ gbanda afa ngbanga abi li la na? Ta zo kɔi da ma, ta sanga ma, Yezo akpi, aso, adu ka ndo kɔti ti Nzapa, lo ndosambela nga Nzapa na lo tɛ e.

Aebreo 7:25

Na lo ni la lo lengbi ti songɔ azi mɛ ndoi tɛrɛ la ka tɛ Nzapa ti ndo lo. Lo lengbi ti songɔ la ti buai, ta sanga ma, lo ndongbã lɛ lo ngɛ̃ buru na buru so sambelangɔ Nzapa na lo tɛ la.

Aebreo 9:4

Andokpã ndo mɛsa ti wɔrɔ, ko andozɔ yɔmbɔ ndo ni. Akpã nga ndo sandugu kɔi mɛ alɛkɛ tɛrɛ ni zu na wɔrɔ. Ko sandugu ni ndofa ndo ngbanga mɛ Nzapa na azi tɛ lo agbe. Aye mɛ ndo akpã na ya sandugu ni lo mɛ: ta kɔi mɛ alɛkɛ na wɔrɔ, na tɛ mɛ ili ni la manɛ na ya ta ni, na ngómbé tɛ Arona mɛ ndo kugbe ako tɛrɛ ni, nga na atɛnɛ mɛ asu andia ti ngbanga na lɛ ni.

Suma 10:1

So pɛni, mbi hũ mbanga angelo mɛ wa nguru alo ka ndozu so ndozu ge tise. Da baba avĩ lo, kɔngɔ mɛ ndosi ka le ndozu aka li lo kɛrɛrɛ. Yangba le lo ndosũ nga ma la, gɛrɛ lo ndoza nga ma mɛngɛ wá.

Suma 14:18

Angelo mɛ ndɛ̃ alo ka tɛrɛ mɛsa ti lungɔ Nzapa na ye aga. Lo gbia ti ndo wá. Lo dɛ kɔngɔ kpengbani hɛ̃ angelo mɛ fɛrɛ na mbɛngɔ mɛ ndoɔ̃ nga ma pepe so ti lo ya: “Mu mbɛngɔ tɛ mɔ, mɔ fara na le vinɔ mɛ ka lɛ sese, ta sanga ma, le vinɔ ni avuru wɛ.”

Suma 5:8

Nyi Ngasã Ngbaga ĩ mu buku ni ko, akangba ko sui sɛ ndoni siɔ, na asa ko siɔ mɛ lɛ la ngɛ̃ akuku gbɛlɛ lo. Kundi na ta nwa ti wɔrɔ mɛ yɔmbɔ asĩ ya ni, alengbi na ti akangba ni zu kɔi kɔi. Yɔmbɔ ni ko adu sambela mɛ azi tɛ Nzapa ndosambela na Nzapa.

Suma 6:9

Nyi Ngasã Ngbaga akongbi ndã ti kɔ̃ mɛ aminya na nyɔ buku. Mbi hũ atɔrɔ tɛrɛ azi mɛ ndo akpɔ la ge lɛ sese, ala dunga so gbe mɛsa ti lungɔ Nzapa na ye. Akpɔ ndo la, na lo mɛ ya, ala pa ndo tɛnɛ tɛ Nzapa hɛ̃ azi, ala ye ndo nga ya, tenɛ tɛ Nzapa adu biani.

Suma 7:2

Mbi hũ nga angelo mɛ ndɛ̃ alo ka tɔ so ndoga, lo gbɔ̃ ndã ti minyangɔ na ndo lɛ azi tɛ Nzapa so ti lo, Nzapa mɛ lɛ lo ngɛ̃. Angelo ko ade kɔngɔ kpengbani hɛ̃ aangelo mɛ Nzapa ahɛ̃ la nguru ti gbɛ̃ngɔ na lɛ sese nga na ngu ya:

Suma 8:4

Lo lo so gbɛlɛ Nzapa, lo ĩ zɔ yɔmbɔ ni we ko, guru ni alo so yamba ti lo, abombi na sambela tɛ azi tɛ Nzapa, agundu, ama ka ndozu.

Suma 8:5

So pɛni, angelo amu ta nwa ti yɔmbɔ ni, agbɔ lɛ wá mɛ so ndo mɛsa ti lungɔ Nzapa na ye, asa ya ni asĩ. Lo ĩ gana ni ka lɛ sese ko, ngu akini ngbũuu ngbũuu, bekpa agbo gbáaa gbáaa, ataima nzɛrrr nzɛrrr, sese ayingi kpu kpu kpu.

Suma 9:13

Angelo ti mana aulu mbana tɛ lo. Mbi ma legɔ̃ zo atɛnɛ tɛnɛ ka nda ngɔrɔ siɔ ti mɛsa ti wɔrɔ mɛ so gbɛlɛ Nzapa, adu mɛsa mɛ andolu ye ndo ni hɛ̃ Nzapa.