Suma 8:2 - Fana Ngbangɔ 1987

² Ko mbi hũ aangelo mbara mbara alonga so gbɛlɛ Nzapa. Amu mbana mbara mbara, akangbi na la kɔi kɔi.

Suma 8:2 Iomraidhean Croise

Matie 18:10

“I du na kpengba lɛ ya ta ĩ samana na nyingambi kɔi so popo tɛ ayangambi olo ma. Mbi pa hɛ̃ ĩ ti bɛta tɛnɛ ya, aangelo tɛ la mɛ ka yayu ndolonga ngoi zu ka gbɛlɛ To mbi mɛ ka yayu. [

Matie 24:31

Kota mbana avũ gbanda, ko mbi to gbanda aangelo tɛ mbi na lɛ sese zu ya, ato ka li sese asi ka nda ni gbɔ ko, ala bombi azi tɛ mbi mɛ mbi sara la mbi kpã.”

Luka 1:19

Angelo tɛ Gbia agbinya hɛ̃ lo ya: “Mbi angelo Gabriɛlɛ, mbi ndolo gbɛlɛ Nzapa so lingɔ kwa hɛ̃ lo. Lo to mbi ge tɛ mɔ ya, mbi tɛnɛ tɛnɛ hɛ̃ mɔ, ko mbi pa nga nzɔ̃ pa olo hɛ̃ mɔ.

Luka 21:36

Ta ĩ́ langa langɔ ma! Ale ĩ ndosambela ngoi zu, wadila ĩ lua nguru ti songɔ na ya alo zu mɛ na gangɔ, ko ĩ lua nga nguru ti singɔ gbɛlɛ mbi Nyi Zo.”

1 Kɔrinto 15:52

bo ngoi kɔi, na ngoi mɛ gbanda mbana avũ ti ndangbani. Ta sanga ma, ngoi mɛ gbanda mbana ni avũ ko, azi mɛ ndo akpili aso gbanda, ko ala du gbanda na tɛrɛ mɛ ta ndokpi ma. E mɛ gbanda e ngbã lɛ e ngɛ̃ na ngoi ni ko, tɛrɛ e agbinyangbi gbanda.

1 Tɛsalɔnikɛ 4:16

Na lá ni gbanda ko, azi ama gbanda Nzapa so ndohɛ̃ nyɔ mboro mboro hɛ̃ aangelo, azi ama gbanda legɔ̃ gbia tɛ aangelo, azi ama nga gbanda mbana tɛ Nzapa so ndokpale. So pɛni, Gbia nvɛni alo gbanda ka yayu azu. Azi mɛ ndo aye lo tɛ lo, la ala kpili ndo we ko, ala so gbanda kɔzoni.

Suma 1:4

Mbi Yoanɛ la mbi su mbɛti olo mbi to hɛ̃ awa Kristo ti Eklezia mbara mbara mɛ ka sese ti Azia. Mbi bala ĩ! Nzapa ndo da gã, lo da na olo, lo nga na gangɔ. Wa lo li bɛ hɛ̃ ĩ nzɔ̃ bɛ ma ke! Lo li bɛ nga ya, bɛ ĩ adu pii ma ke! Atɔrɔ tɛ lo mbara mbara mɛ ndolonga so gbɛlɛ ngɛndɛ gbia tɛ lo ali bɛ nzɔ̃ bɛ hɛ̃ ĩ ma ke! Ala li bɛ nga ya, bɛ ĩ adu pii ma ke!

Suma 11:15

So pɛni, angelo ti mbara mbara aulu mbana. Mbi ma legɔ̃ azi ma wo ma adu ka ndozu atɛnɛ tɛnɛ na kɔngɔ ya: “Gbia Nzapa tɛ e, na Mɛsia mɛ lo sunu lo, ala to nda lɛngɔ gbia na olo na ndo azi ti lɛ sese. Nzapa na lɛngɔ gbia na ndo la buru na buru!”

Suma 15:1

So pɛni, mbi hũ kota kukuna ye ti bemangɔ mɛ ndɛ̃ asi lɔ ka lɛ ndozu: adu aangelo mbara mbara la agbɔ̃nɔ apɛnɔ mbara mbara so ti la. Adu andangba pɛnɔ mɛ azi na hũngɔ, ta sanga ma, adu apɛnɔ mɛ Nzapa na hɛ̃ngɔ hɛ̃ azi, wa lo kɔ na nda ngɔnzɔ tɛ lo.

Suma 16:1

So pɛni, mbi ma legɔ̃ zo ka ya kota da Nzapa atɛnɛ tɛnɛ na kɔngɔ. Zo ni apa hɛ̃ aangelo mbara mbara ya: “Akangu mbara mbara ko la na ngɔnzɔ tɛ Nzapa na ya ni ko, ĩ nɔ ĩ sa ni ka lɛ sese.”

Suma 8:13

Mbi ti ba ndo, ko mbi hũ ngwalo aɔ ka lɛ ndozu yanga yenge. Mbi ma lo so ndodɛrɛ kɔngɔ ya: “Oo siɔ lo ee! Oo siɔ lo ee! Na ngoi mɛ se atanga aangelo ota na ulungɔ na mbana tɛ la ko, kota siɔ lo na tingɔ na azi ti lɛ sese.”

Suma 8:6

Aangelo mbara mbara, kɔi kɔi na mbana tɛ lo so ti lo. Ala lɛkɛ tɛrɛ la so ulungɔ mbana tɛ la.

Suma 9:1

Angelo ti kɔ̃ aulu mbana tɛ lo. Mbi hũ tongolo mɛ ndo alo ka ndozu ati ge lɛ sese. Ahɛ̃ tongolo ni nyi kɛrɛrɛ ti zingɔ na nyɔ du mɛ lipi lipi.