Biblia Todo Logo
Bìoball air-loidhne

- Sanasan -




Suma 8:12 - Fana Ngbangɔ 1987

12 Angelo ti siɔ aulu mbana tɛ lo. Lɛ lá akangbi ota, lɛ nzɛ̃ akangbi ota, lɛ atongolo kɔi kɔi akangbi nga ta ta, ko ta mbanga lɛ ni kɔi kɔi zu ati asũ ma. Lá kɔi akangbi na ngoi ta, ko na mbanga ngoi ko, ta lá asũ ma. Bi akangbi nga na ngoi ota, ko ta nzɛ̃ na atongolo asũ na mbanga ngoi ma.

Faic an caibideil Dèan lethbhreac




Suma 8:12
26 Iomraidhean Croise  

Yezo apa ya: “Gbanda hiɔ na pɛ pɛnɔ ti ngoi ni ko, ta lá ati asũ gbanda ma, ta nzɛ̃ ati asũ nga gbanda ma. Atongolo alo gbanda ka lɛ ndozu, asa ge tise, aye ti nguru mɛ ka lɛ ndozu ayingi gbanda.


Ĩ ti na bɛ kɔmbitɛ ko, mbingo avũ kpi kpi kpi, amu lɛ sese zu. Mbingo ni aninga ngbĩi ati na saa ota ti pɛ bɛ kɔmbitɛ.


Yezo apa ya: “Ko ngoi mɛ gbanda azi ahũ pɛnɔ ko wɛ ko, ta lá ati sũ gbanda ma, ta nzɛ̃ ati sũ nga gbanda ma.


Ĩ ti na bɛ kɔmbitɛ ko, mbingo avũ kpi kpi kpi, amu lɛ sese zu, ko aninga ngbĩi ati na saa ota ti pɛ bɛ kɔmbitɛ.


“Akukuna ye asi gbanda ka lɛ lá, ka lɛ nzɛ̃, nga ka lɛ atongolo. Azi ahũ gbanda kota pɛnɔ ge le sese. Bɛ la angbã gbanda ngbũ na lo ti gɔ̃ngɔ ti kota ngu nga na ti mɔpo.


Uzu ti kota lá ti gangɔ tɛ Gbia na ndima ko, Lá ati gbanda mbingo, nzɛ̃ abɛ gbanda ngba ngbã ngba nga ma mɛnɛ.


Ta ala ndoye lo ti Nzɔ̃ Pa ni ma, na lo mɛ ya, Satana mɛ gbia tɛ azi ti lɛ sese agbɛ̃ kɔdɛ tɛ la. Lo vĩ nga lɛ la ya, ta ala hũ ndo mɛ avuru ma. Nzɔ̃ Pa ni avuru na ndo, ko adu Nzɔ̃ Pa ni la afa ndima tɛ Yezo Kristo mɛ lo limɔ tɛ Nzapa.


Atongolo abombi tɛrɛ la li nɔ ta ta ka lɛ ndozu. Sa ti kpɛnɛ ni amu sã lo, afũ na li nɔ kɔi, asa ge lɛ sese. Sa ni ko alo so gbɛlɛ zo wali mɛ gwa atɛ lo ya, bo na ngoi ko la lo dú ko, ni tɛ nyingambi ni.


Angelo ti kɔ̃ amu kangu tɛ lo mɛ ngɔnzɔ tɛ Nzapa ya ni, asa na ndo ngɛndɛ gbia tɛ sa ti kɔi mɛ aminya ili lo na tɛrɛ azi, la mbingo ati na ndo mɛ sa ko ndole gbia da, ko azi so ndotɛtɛrɛkɛ gu tɛ̃ la kɔrrr kɔrrr na lo ti pɛnɔ mɛ ala ndohũ.


Mbi hũ Nyi Ngasã Ngbaga akongbi ndã ti mana mɛ aminya na nyɔ buku. Lo ĩ kongbi ni ko, sese ayingi kpu kpu kpu. Lɛ lá avukɔ nga ma má bɔngɔ ti pili. Lɛ nzɛ̃ zu abɛbɛ nga ma mɛnɛ.


Angelo ti mana azara aangelo ko siɔ. Alɛke ndo la akpã ngĩ ya, ala ku saa ni ko, aku lá ni ko, aku nzɛ̃ ni ko, aku nga buru ni ko ya, na popo tɛ azi ta ta ti lɛ sese zu ko, ala ho zo kɔi kɔi.


Apɛnɔ olo ota, wá, na guru, nga na nwa tɛ́nɛ andosi ka yanga ambarata ni, ko akpɔ azi kɔi kɔi na popo tɛ azi ta ta ti lɛ sese zu.


Lean sinn:

Sanasan


Sanasan