Suma 8:10 - Fana Ngbangɔ 1987

¹⁰ Angelo ti ta aulu mbana tɛ lo. Kota tongolo mɛ ndoza lau lau nga ma tanda, alo ka ndozu ati ge lɛ sese, ati lɛ ngu, ati nga lɛ li ngu.

Suma 8:10 Iomraidhean Croise

Matie 25:1

La Yezo apa ya: “Lo Lɛngɔ Gbia tɛ Nzapa akpa gbanda nga ma se tɛ amɔsia sui kɔi mɛ alɔ mɔinda tɛ la, zo kɔi kɔi na tɛ lo, anɔ so ngorongɔ kɔli mɛ aye dungɔ na wali.

Luka 10:18

Yezo agbinya hɛ̃ la ya: “Mbi ndoba ndo ndo, ko mbi hũ Satana alo ka ndozu ati ge tise, nga ma se mɛ bekpa ndozu na ni.

Yudɛ 1:13

Ala nga ma kpengba mɔpo mɛ aya ka lɛ ngu. Ala ndosi na asiɔ ye ti kamɛnɛ, nga ma se mɛ kpengba mɔpo ndofua ka lɛ ngu fukpɔ fukpɔ. Ala nga ma atongolo mɛ ta ndongbã ndoni kɔi ma. Nzapa alɛkɛ hɛ̃ la ndo ya, ala ngbã buai ka ya mbingo mɛ kpiti kpiti.

Suma 1:20

Atongolo mbara mbara mɛ mɔ hũ mbi gbɔ̃nɔ na kɔti ti mbi, na gɛrɛ wá mbara mbara mɛ alɛkɛ na wɔrɔ ko, ma nda ni lo mɛ atongolo mbara mbara adu aangelo mɛ ndobata awa Kristo ti Eklezia mbara mbara, gɛrɛ wá mbara mbara adu awa Kristo ti Eklezia ko mbara mbara.”

Suma 12:4

Atongolo abombi tɛrɛ la li nɔ ta ta ka lɛ ndozu. Sa ti kpɛnɛ ni amu sã lo, afũ na li nɔ kɔi, asa ge lɛ sese. Sa ni ko alo so gbɛlɛ zo wali mɛ gwa atɛ lo ya, bo na ngoi ko la lo dú ko, ni tɛ nyingambi ni.

Suma 14:7

Angelo ni apa na kɔngɔ ya: “Ale ĩ kpɛ Nzapa, ĩ gonda nga lo! Ta sanga ma, ngoi tɛ lo ti fangɔ ngbanga tɛ azi alengbi wɛ. Ale ĩ vɔrɔ lo mɛ lo li ndozu, na sese, na ngu, nga na ali ngu!”

Suma 16:4

Angelo ti ta amu kangu tɛ lo mɛ ngɔnzɔ tɛ Nzapa ya ni, asa lɛ ngu, asa nga lɛ li ngu. La ngu na li ngu agbinyangbi ati mɛnɛ.

Suma 6:13

Atongolo alo ka lɛ ndozu, asa ge lɛ sese nga ma se mɛ se kpengba yá aya, ayingi akuku mango ka li kɛkɛ ko, akuku mango akia tise.

Suma 8:7

Angelo ti uzu aulu mbana tɛ lo. Ngandangombe na wá abombi na mɛnɛ asa ka lɛ sese. Lɛ sese akangbi ota, mbanga lɛ ni kɔi abombi na akɛkɛ ti lɛ ni, nga na ndiri zu mɛ so da agbiri.

Suma 9:1

Angelo ti kɔ̃ aulu mbana tɛ lo. Mbi hũ tongolo mɛ ndo alo ka ndozu ati ge lɛ sese. Ahɛ̃ tongolo ni nyi kɛrɛrɛ ti zingɔ na nyɔ du mɛ lipi lipi.

Suma 9:15

Angelo ti mana azara aangelo ko siɔ. Alɛke ndo la akpã ngĩ ya, ala ku saa ni ko, aku lá ni ko, aku nzɛ̃ ni ko, aku nga buru ni ko ya, na popo tɛ azi ta ta ti lɛ sese zu ko, ala ho zo kɔi kɔi.

Suma 9:18

Apɛnɔ olo ota, wá, na guru, nga na nwa tɛ́nɛ andosi ka yanga ambarata ni, ko akpɔ azi kɔi kɔi na popo tɛ azi ta ta ti lɛ sese zu.