Suma 7:4 - Fana Ngbangɔ 1987

⁴ Adi hɛ̃ mbi bungɔ tɛ azi mɛ aminya ndã tɛ Nzapa na ndo lɛ la. Ala koto ngbangbo kɔi na ndoni koto sui siɔ ndoni koto siɔ (144.000). Ala lo na ya ale tɛ awa Izrayɛlɛ zu.

Suma 7:4 Iomraidhean Croise

Matie 19:28

La Yezo agbinya hɛ̃ la ya: “Mbi pa hɛ̃ ĩ ti bɛta tɛnɛ ya, mbi Nyi Zo mbi du gbanda ka fana sese, na ndo ngɛndɛ tɛ mbi ti gbia mɛ na ndima. Na ngoi ni gbanda ko, ĩ ava mbi sui kɔi ndoni se mɛ e na ĩ e ndoɔ ndoni kɔi, ĩ dunga nga gbanda na ndo angɛndɛ gbia, so fangɔ ngbanga tɛ azi ti ya ale sui kɔi ndoni se mɛ so Izrayɛlɛ.

Luka 14:22

Ĩ ninga yakere ko, wa kwa adiri aga, apa hɛ̃ gbia ya: ‘Gbia, mbi li ye zu na se nyɔ mɔ, kanda ndo adɛ bo dɛngɔ.’

Luka 22:30

Mbi na ĩ e tɛ gbanda, e nyɔ nga ndoni kɔi ka Kɔdɔrɔ Gbia tɛ mbi, ko ĩ dunga nga gbanda na ndo angɛndɛ gbia, so fangɔ ngbanga tɛ azi ti ya ale sui kɔi ndoni sɛ mɛ so Izrayɛlɛ.”

Awa Pangɔ Kwa 26:7

Ale tɛ azi tɛ e ti Izrayɛlɛ sui kɔi ndoni se ndokpã bɛ la ndo kapa ni ya, ati na Seni na ngoi mɛ ani dɛ lɛ ani ngɛ̃, ko ala ndoli kwa kpuru kpuru hɛ̃ Nzapa bi na lá. Ae gbia! Adu na lo ti bɛ mbi mɛ mbi ndokpã na ndo kapa ko la Ayuda avɔ̃ to tɛrɛ mbi!”

Roma 9:27

Ezai apa ndo nga tɛnɛ na kɔngɔ na lo tɛ awa Izrayɛlɛ ya: “Abɛ awa lzrayɛlɛ abu ndo sĩ nvɛni nga ma mbutu mɛ na nyɔ ngu ko, bo azi yakere na popo tɛ la la Gbia Nzapa aso gbanda la.

Zaki 1:1

Mbi Zaki mɛ wa kwa tɛ Nzapa, mbi mɛ nga wa kwa tɛ Gbia Yezo Kristo la mbi to mbɛti olo hɛ̃ ĩ, azi tɛ Nzapa zu mɛ ĩ gundu na le sese zu. Mbi bala ĩ.

Suma 14:1

Mbi ti ba ndo, ko mbi hũ Nyi Ngasã Ngbaga alo so ndo hɔtɔ mɛ ili ni la Siona, azi koto ngbangbo kɔi na ndoni koto sui siɔ ndoni koto siɔ (144.000). Ala longa so tɔ̃nda lo. Asu ili Nyi Ngasã Ngbaga nga na ili To lo na ndo lɛ azi ni ko.

Suma 14:3

Azi ko butu butu alonga so gbɛlɛ ngɛndɛ gbia tɛ Nzapa, so gbɛlɛ asa siɔ mɛ lɛ la ngɛ̃, nga so gbɛlɛ akangba, ko ala so ndoye fana bia. Ta zo mɛ ndɛ̃ ahĩnga bia ni ko ma, wenge bo azi ko koto ngbangbo kɔi na ndoni koto sui siɔ ndoni koto siɔ (144.000). Adu azi mɛ ndo Nzapa atɔ̃ la na popo tɛ azi ge lɛ sese.

Suma 7:5

Azi mɛ aminya ndã na ndo lɛ la lo mɛ: ale tɛ Yuda koto sui kɔi ndoni sɛ, ale tɛ Rubɛnɛ koto sui kɔi ndoni sɛ, ale tɛ Gadɛ koto sui kɔi ndoni sɛ,

Suma 9:16

Adi hɛ̃ mbi bungɔ tɛ aturugu mɛ awa kpɛngɔ na mbarata: ala koto koto ngbangbo sɛ (200.000.000).