Suma 7:3 - Fana Ngbangɔ 1987

³ “Ta ĩ pia ĩ gbɛ̃ lɛ sese, bere ngu, bere akɛkɛ ma. Ĩ ku, nga ka e minya ndã tɛ Nzapa tɛ e na ndo lɛ awa lingɔ kwa tɛ lo hĩ wadila.”

Suma 7:3 Iomraidhean Croise

Matie 24:22

Se ta adu ya, Nzapa adiri na bi ti pɛnɔ ni angbã nduruni ma ko, ale ta zo kɔi alengbi ti ngbãngɔ lɛ lo ngɛ̃ ma. Kanda lo diri ndo na bi ni angbã yakere na lo tɛ azi mɛ ndo lo sara la lo kpã ya, ala du azi tɛ ni.

Matie 24:31

Kota mbana avũ gbanda, ko mbi to gbanda aangelo tɛ mbi na lɛ sese zu ya, ato ka li sese asi ka nda ni gbɔ ko, ala bombi azi tɛ mbi mɛ mbi sara la mbi kpã.”

Yoanɛ 12:26

Se zo aye lingɔ kwa hɛ̃ mbi ko, ale lo ga, e na lo e ɔ ndoni kɔi, wadila ndo ko mbi du da ko, wa kwa tɛ mbi adu nga da. To mbi ndogonda zo mɛ ndoli kwa hɛ̃ mbi.”

Yoanɛ 3:33

Zo ko la aye tɛnɛ tɛ lo ko, zo mɛ ahĩnga ya, tɛnɛ tɛ Nzapa adu bɛta tɛnɛ la.

Roma 6:22

Kanda na olo ko, Nzapa ahã ĩ na ya siɔ ye azi, abi bɔrɔ tɛrɛ ĩ, ko ĩ ti ambɛ ti lingɔ kwa hɛ̃ Nzapa. Ko ye mɛ ĩ lua la, du tɛ ĩ ati bɛrɛni, ko gbanda ngbĩi ko, ĩ lua du ti kaka.

Suma 13:16

Sa ti sɛ ahɛ̃ nyɔ hɛ̃ ambumbusɛ azi na akota azi, ahɛ̃ nyɔ hɛ̃ awa nwa na awa yɛlɛ, ahɛ̃ nga nyɔ hɛ̃ ambɛ na abɔrɔ ya, aminya ye na ndo kɔti ti la nga na ndo lɛ la zu.

Suma 13:17

Zo ko la ta aminya ye ni ko na ndo ti lo ma ko, ta lo lengbi ti vɔ̃ngɔ ye, bere kangɔ ye ma. Ye mɛ ndo aminya na ndo ti azi ni ko, adu ili sa ti sɛ, bere sifelo mɛ alengbi na ili sa ni.

Suma 14:1

Mbi ti ba ndo, ko mbi hũ Nyi Ngasã Ngbaga alo so ndo hɔtɔ mɛ ili ni la Siona, azi koto ngbangbo kɔi na ndoni koto sui siɔ ndoni koto siɔ (144.000). Ala longa so tɔ̃nda lo. Asu ili Nyi Ngasã Ngbaga nga na ili To lo na ndo lɛ azi ni ko.

Suma 14:9

Angelo ti ta aga pɛko aangelo ko sɛ mɛ aga uzu, atɛnɛ tɛnɛ na kɔngɔ ya: “Zo ko la avɔrɔ sa mɛ alo ka ya ngu asi, avɔrɔ nga ngbilondo tɛ lo, ko se asu ili sa ni na ndo lɛ zo ni, bere na ndo ti zo ni ko,

Suma 19:2

Ngbanga mɛ lo ndofa ndodu na seni mbiri mbiri! Ta sanga ma, lo fa ngbanga, lo bi li wali ngbabo mɛ ndo agbɛ̃ azi ti le sese na lingɔ siɔ ye ti kamɛnɛ tɛ lo. Nzapa ahɛ̃ lo etumbu, na lo mɛ ya, lo kpɔ ndo awa kwa tɛ Nzapa.”

Suma 20:4

So pɛni, mbi hũ nga angɛndɛ gbia na azi so ndo ni dunga. Nzapa ahɛ̃ azi ni ko nguru ya, ala fa ngbanga tɛ azi. Mbi hũ nga atɔrɔ tɛrɛ azi mɛ ndo afara gɔ̃ la, na lo mɛ ya, ala pa ndo tɛnɛ tɛ Nzapa, apa nga bɛta tɛnɛ mɛ Yezo afa na la. Ta ala vɔrɔ ndo sa ni, bere ngbilondo tɛ sa ni ma. Ta asu ndo ili sa ni na ndo lɛ la, bere na ndo ti la ma. Ala so na pɛ kwá, ko ala na Yezo Kristo ale gbia buru koto kɔi.

Suma 22:4

Ala hũ gbanda lo na lɛ la, asu nga gbanda ili lo na ndo lɛ la.

Suma 6:6

Mbi ma ye nga ma legɔ̃ zo adu ka popo tɛ asa ko siɔ mɛ lɛ la ngɛ̃ apa ya: “Ngere ti kilo ti le tɛ mɛ ili ni la ble alengbi na faranga mɛ andofuta na zo na lo ti kwa tɛ lo ti lá kɔi zu. Ngere ti kilo ta ti le tɛ mɛ ili ni la ɔrgɛ alengbi na faranga mɛ andofuta na zo na lo ti kwa tɛ lo ti lá kɔi zu.” Zo ni ko apa nga hɛ̃ wa kpɛngɔ na mbarata ni ya, ta lo gbe kpɔ̃ nga na vinɔ ma.

Suma 7:1

So pɛ aye ko zu ko, mbi hũ aangelo siɔ. Kɔi alo ndozu ka tɔ, kɔi ka do, kɔi ka banga, kɔi mɛ ndɛ̃ ka mbongo. Ala ndogbanzi aya siɔ mɛ ndoya na lɛ sese ya, ta yá kɔi aya na le sese, bere na lɛ ngu, bere na li kɛkɛ ma.

Suma 7:2

Mbi hũ nga angelo mɛ ndɛ̃ alo ka tɔ so ndoga, lo gbɔ̃ ndã ti minyangɔ na ndo lɛ azi tɛ Nzapa so ti lo, Nzapa mɛ lɛ lo ngɛ̃. Angelo ko ade kɔngɔ kpengbani hɛ̃ aangelo mɛ Nzapa ahɛ̃ la nguru ti gbɛ̃ngɔ na lɛ sese nga na ngu ya:

Suma 9:4

Ahɛ̃ nyɔ hɛ̃ akatɛ ni ya, ta ala tɛ ndiri, bere kɛkɛ, bere tɛ ti yaka ma. Kanda ahɛ̃ nyɔ hɛ̃ la ya, ala tɛtɛrɛkɛ bo azi ko la ta aminya ndã tɛ Nzapa na ndo lɛ la ma.