Suma 7:2 - Fana Ngbangɔ 1987

² Mbi hũ nga angelo mɛ ndɛ̃ alo ka tɔ so ndoga, lo gbɔ̃ ndã ti minyangɔ na ndo lɛ azi tɛ Nzapa so ti lo, Nzapa mɛ lɛ lo ngɛ̃. Angelo ko ade kɔngɔ kpengbani hɛ̃ aangelo mɛ Nzapa ahɛ̃ la nguru ti gbɛ̃ngɔ na lɛ sese nga na ngu ya:

Suma 7:2 Iomraidhean Croise

Matie 16:16

Simɔ Petro agbinya hɛ̃ lo ya: “Mɔ Mɛsia, mɔ Nyi Nzapa mɛ lɛ lo ngɛ̃.”

Matie 26:63

Yezo akai ti ti ti. La kota gbia ko ati ahũnda lo ya: “Na ili Nzapa mɛ lɛ lo ngɛ̃, mbi hũnda mɔ ya, se mɔ du Mɛsia Nyi Nzapa ko, mɔ fa sereka.”

Yoanɛ 6:27

Ta ĩ li kwa na lo ti tɛ mɛ ndogbɛ̃ ma, kanda ale ĩ li kwa na lo ti tɛ mɛ ndoninga, tɛ mɛ ndohɛ̃ zo du ti kaka. Mbi Nyi Zo mbi na hɛ̃ngɔ ĩ tɛ ni ko, na lo mɛ ya. To mbi Nzapa afa yango ya, ni minya nda tɛ ni ti gbia na tɛrɛ mbi Nyi lo.”

2 Kɔrinto 1:22

Lo nga la lo kpã Tɔrɔ Santo tɛ lo ge ya bɛ e, ya adu nga ma nzango so fangɔ ya, e azi tɛ ni, nga so fangɔ ya, ni na hɛ̃ngɔ e anzɔ̃ yɛ mɛ ni bata hɛ̃ e.

Efɛzɛ 1:13

Nzapa aso ndo ĩ mɛ ta ĩ Ayuda ma, ĩ mɛ ĩ ti nga azi tɛ lo na lo ti Nzɔ̃ Pa mɛ ĩ ma. Ngoi mɛ ndo ĩ ma na Nzɔ̃ Pa mɛ adu bɛta tɛnɛ ko, ĩ ye ndo lo tɛ Yezo Kristo, la Nzapa ahɛ̃ nga ĩ Tɔrɔ Santo mɛ ndo lo ko kapa ni. Tɔrɔ Santo adu nga ma nda tɛ Nzapa mɛ lo minya tɛrɛ ĩ, so fangɔ ya, ĩ azi tɛ ni.

Efɛzɛ 4:30

Ta ĩ hɛ̃ vundu hɛ̃ Tɔrɔ Santo tɛ Nzapa ma, ta sanga ma, Tɔrɔ Santo adu nga ma nda tɛ Nzapa mɛ ndo lo minya tɛrɛ ĩ, so fangɔ ya, ĩ azi tɛ ni Nzapa. Tɔrɔ Santo ndofa nga ya, mbanga lá kɔi gbanda ko, Nzapa aso gbanda e.

1 Tɛsalɔnikɛ 1:9

Azi ndopa se mɛ ndo ĩ yamba na e, na ngoi mɛ ndo e si ka tɛ ĩ. Ala ndopa nga se mɛ ndo ĩ dɔ vɔrɔngɔ angbilondo ĩ zia, so lingɔ kwa hɛ̃ bɛta Nzapa mɛ lɛ lo ngɛ̃,

2 Timɔte 2:19

Kanda Eklezia tɛ Nzapa adu nga ma da mɛ akpã gu gɛrɛ ni kpengbani. Asu tɛnɛ ka tɛrɛ gu gɛrɛ da ni ko ya: “Gbia ahĩnga azi tɛ lo.” Asu nga ya: “Zo ko la ndopa ya, ni zo tɛ Gbia ko, ale lo zia lege ti lingɔ siɔ ye.”

Aebreo 12:22

Kanda ndo mɛ ĩ i tɛrɛ ĩ ka tɔ̃ ni, adu hɔtɔ mɛ ili ni la Siona, ĩ i nga tɛrɛ ĩ ka tɔ̃ kɔdɔrɔ tɛ Nzapa mɛ lɛ lo ngɛ̃. Kɔdɔrɔ ni la Yeruzalɛmɛ mɛ ka yayu, ndo mɛ aangelo da hingo hingo.

Suma 1:3

Dengɔ bɛ ati na zo ko la adi tɛnɛ olo. Dengɔ bɛ ati na zo ko la ama tɛnɛ ni, atɔndɔ nga ni. Ta sanga ma, ngoi ti aye ni ko singɔ adoli wɛ.

Suma 10:1

So pɛni, mbi hũ mbanga angelo mɛ wa nguru alo ka ndozu so ndozu ge tise. Da baba avĩ lo, kɔngɔ mɛ ndosi ka le ndozu aka li lo kɛrɛrɛ. Yangba le lo ndosũ nga ma la, gɛrɛ lo ndoza nga ma mɛngɛ wá.

Suma 10:4

Ngoi mɛ ngu ni ĩ kini wɛ ko, mbi separa ya mbi su tɛnɛ ni na mbɛti, ko mbi ma legɔ̃ zo adu ka ndozu, apa hɛ̃ mbi ya, tɛnɛ ko la mbi ma na nyɔ ngu mɛ akini fani mbara mbara ko, mbi bata ni ka bɛ mbi, ta mbi su ni na mbɛti ma.

Suma 16:12

Angelo ti mana amu kangu tɛ lo mɛ ngɔnzɔ tɛ Nzapa ya ni, asa ka le ngu mɛ ili ni la Efratɛ. Ngu ni aulɛ so zingɔ lege hɛ̃ agbia mɛ alo ka tɔ, ala ɔ.

Suma 5:2

So pɛni, mbi hũ angelo mɛ wa nguru so ndohũnda ndo na kɔngɔ ya: “Zo mɛ alengbi ti kongbingɔ ndã olo zingɔ, ko lo zara nga ya buku olo na?”

Suma 8:3

Angelo mɛ ndɛ kɔi aga, alo so tɔ̃ mɛsa ti lungɔ Nzapa na ye. Lo gbɔ̃ ta nwa mɛ andozɔ yɔmbɔ ya ni so ti lo, alɛkɛ ta nwa ni na wɔrɔ. Ahɛ̃ lo yɔmbɔ ma wo ma ya, lo bombi na sambela tɛ azi tɛ Nzapa zu, lo zɔ ni ka ndo mɛsa ti wɔrɔ mɛ so gbɛlɛ ngɛndɛ gbia tɛ Nzapa.

Suma 9:14

Zo ni ko apa hɛ̃ angelo ti mana mɛ na mbana so ti lo ya: “Aangelo siɔ mɛ ndo agbele la na nzingiri ka tɔ̃ kota ngu mɛ ili ni la Efratɛ ko, zara la.”

Suma 9:4

Ahɛ̃ nyɔ hɛ̃ akatɛ ni ya, ta ala tɛ ndiri, bere kɛkɛ, bere tɛ ti yaka ma. Kanda ahɛ̃ nyɔ hɛ̃ la ya, ala tɛtɛrɛkɛ bo azi ko la ta aminya ndã tɛ Nzapa na ndo lɛ la ma.