Suma 7:16 - Fana Ngbangɔ 1987

¹⁶ Ta gwɛ̃ tɛ, bere gwɛ̃ ngu na gbɔ̃ngɔ la fani mɛ ndɛ̃ bɛ gbɔ ma. Ta lá bere ye mɛ ndɛ̃ mɛ ndogbi ha ha ha na zɔngɔ pɔrɔ tɛrɛ la fani mɛ ndɛ̃ ma.

Suma 7:16 Iomraidhean Croise

Matie 13:21

Kanda ta tɛnɛ ni ali ka ya bɛ la kpa ma. Tɛnɛ ni ndoninga ka ya bɛ la bo na pɛ nyi ngoi. Na ngoi mɛ se ala to nda hũngɔ pɛnɔ, bere se azi ato nda hɛ̃ngɔ la pɛnɔ na lo tɛnɛ tɛ Nzapa ko, ala dɔ lege ti yengɔ lo tɛ Nzapa vakpa azia.

Matie 13:6

Lá ĩ sũ baka baka ko, agbiri atɛ mɛ ako, ko atɛ ni aulɛ, na lo mɛ ya, ta ambatana ni ali ndo sese kpa ma.

Matie 5:6

“Dengɔ bɛ ati na azi ko la ndodu na gwɛ̃ ti lingɔ ye na seni, nga ma se mɛ Nzapa aye, Ta sanga ma, Nzapa na hɛ̃ngɔ lege hɛ̃ la ya, ala li ni ma wo ma na seni!

Marko 4:17

Kanda ta tɛnɛ ni ali bɛ la ma. Ala ye lo ni bo ti pɛ ngoi yakere. Na ngoi mɛ se ala to nda hũngɔ pɛnɔ, bere se azi ato nda hɛ̃ngɔ la pɛnɔ na lo tɛnɛ tɛ Nzapa ko, ala dɔ lege ti lo yengɔ lo tɛ Nzapa vakpa azia.

Marko 4:6

Lá ĩ sũ baka baka ko, agbiri atɛ mɛ akoro, ko atɛ ni aulɛ, na lo mɛ ya, ta ambatana ni ali sese kpa ma.

Luka 1:53

Azi ko na gwɛ̃ ko, lo hɛ̃ la tɛ ala tɛ, ya la asĩ. Kanda tɛ awa nwa ko, lo toma la, ala diri ti la nyɔmɔ nyɔmɔ.

Luka 6:21

Dengɔ bɛ ati na ĩ azi mɛ na gwɛ̃ na olo mɛ, Ta sanga ma, ĩ lua gbanda tɛ ti tɛngɔ ma wo ma! Dengɔ bɛ ati na ĩ azi mɛ ĩ ndoto to na olo mɛ, Ta sanga ma, ĩ e gbanda ngia!

Yoanɛ 4:14

Kanda zo ko la anyɔ ngu mɛ mbi na hɛ̃ngɔ lo ko, ta gwɛ̃ ngu ti gbɔ̃ gbanda lo fani mɛ ndɛ̃ bɛ gbɔ ma. Ngu mɛ mbi na hɛ̃ngɔ lo, na dungɔ ka ya tɛrɛ lo nga ma li ngu mɛ ndosi tiri tiri, ko na hɛ̃ngɔ lo du ti kaka.”

Zaki 1:11

Ngoi mɛ se lá aya tɛrɛ lo, asũ baka baka ko, aulɛ na kasa pandara, kasa pandara akiɔ̃ ati, ko dɛ̃ngɔ ni awe. Se tɛ wa nwa nga gbanda la. Ngoi mɛ gbanda lo dɛ so lingɔ kwa tɛ lo ko, lo kongbi ngbe lo kpi.

Suma 21:4

Lo mbo gbanda ngulɛ zu ka lɛ la lo zi. Ta azi ti kpili gbanda ma, ta azi ti lɛ gbanda muã ma, ta azi ti dema gbanda tɛrɛ la ma, ta azi ti hũ nga gbanda pɛnɔ ma. Angbina ye amina nga gbanda.”