Suma 7:12 - Fana Ngbangɔ 1987

¹² “Seni la! E ye ya Nzapa tɛ e lo wa ndara, lo wa nguru, lo lombe. E gonda lo, é hɛ̃ lo sia kɔli, é tɔndɔ lo, é yakɛ lo buru na buru. Seni la!”

Suma 7:12 Iomraidhean Croise

Matie 6:13

Ta mɔ ye ya Satana atara bɛ e ma, Wa hã e ka gbɛ ti lo mɔ zi. [Ta sanga ma, lɛngɔ gbia, na nguru, nga na ndima adu na lo tɛ mɔ buru na buru! Seni la.]’

Roma 11:36

Ta sanga ma, lo la lo li ye zu, lo la lo ndobata ye zu, ye zu adu nga na lo tɛ lo. E gonda lo buru na buru zu! Seni la.

1 Kɔrinto 14:16

Se mɔ hɛ̃ sia kɔli hɛ̃ Nzapa bo na yanga mɛ ta mɔ hĩnga ma ko, kɔdɛ mɛ zo mɛ ndɛ̃ mɛ ta ahĩnga yanga ni ma alengbi ti gbinyangɔ ya: “Seni la” sia? Ta lo lengbi ti gbinyangɔ ni ma, na lo mɛ ya, ta lo hĩnga tɛnɛ mɛ mɔ tɛnɛ ma!

2 Kɔrinto 4:15

Aye ko zu mɛ asi adu na lo tɛ ĩ ya, Nzapa ali nzɔ̃ bɛ hɛ̃ azi gba, wa na lo ni ko, ala hɛ̃ lo sia kɔli, ala gonda nga lo.

Kɔlɔsɛ 2:7

Ale ĩ fɔ̃ tɛrɛ ĩ na lo, nga ma se mɛ mbatana kɛkɛ ndoli ka ya sese. Ale ĩ kpengba na lo tɛ lo, nga ma se mɛ da ndokpengba na lo ti gu gɛrɛ da. Ale ĩ kpengba na ya lo yengɔ tɛ ĩ, nga ma se ko ndo aha na ĩ. Ale ĩ ndohɛ̃ nga Nzapa sia kɔli ma wo ma.

Kɔlɔsɛ 3:17

Aye zu mɛ ĩ ndoli, na atɛnɛ zu mɛ ĩ ndotɛnɛ ko, ale ĩ li ni na ili Gbia Yezo. Ale ĩ li nga ni ndoni kɔi na hɛ̃ngɔ sia kɔli hɛ̃ To e Nzapa ti ndo lo.

Yudɛ 1:25

Lo ngengereni kɔi, lo Wa songɔ e na lo ye ko la Gbia tɛ e Yezo Kristo ali tɛrɛ e. Ndima, na nguru, nga na lo gbia adu na lo tɛ lo. Se tɛ lo ndo la, se tɛ lo na olo la, se mɛ nga lo na dungɔ na ni buru buru la! Seni la.

Suma 1:18

Mbi lɛ mbi ngɛ̃. Mbi kpi ndo, kanda na olo ko, mbi so, ko mbi na dungɔ lɛ mbi ngɛ̃ buru na buru. Mbi Gbia ti ndo kwá, mbi nga Gbia ti ndo mɛ awa kwáni ndodu da.

Suma 19:4

Akangba sui sɛ ndoni siɔ, na asa siɔ mɛ lɛ la ngɛ̃ akuku na li kuni la, avɔrɔ Nzapa mɛ adu so ndo ngɛndɛ gbia. Ala pa ya: “Seni la! Ĩ gonda Nzapa!”