Suma 7:10 - Fana Ngbangɔ 1987

¹⁰ Ala ndodɛrɛ kɔngɔ kpengbani ya: “Nzapa tɛ e mɛ adu so ndo ngɛndɛ gbia, na Nyi Ngasã Ngbaga la aso e!”

Suma 7:10 Iomraidhean Croise

Luka 3:6

Ko azi zu na hũngɔ se mɛ Nzapa ndoso na e.”

Yoanɛ 1:29

Ĩ la bu ndã ĩ de ko, Yoanɛ ahũ Yezo so ndoga ka tɛ lo, la Yoanɛ apa hɛ̃ azi ya: “Ĩ ba Nyi Ngasã Ngbaga tɛ Nzapa mɛ aga so hãngɔ siɔ ye tɛ azi zingɔ lo mɛ!

Yoanɛ 1:36

Ngoi mɛ Yoanɛ ĩ hũ Yezo so ɔ ko, lo pa hɛ̃ azi ya: “Ĩ ba Nyi Ngasã Ngbaga tɛ Nzapa la!”

Yoanɛ 4:22

Ĩ awa Samaria, ta ĩ hĩnga Zo mɛ ĩ ndovɔrɔ lo ma, kanda e Ayuda la e hĩnga Zo mɛ e ndovɔrɔ lo, ta sanga ma, Wa songɔ azi alo gbanda ka popo tɛ Ayuda.

Efɛzɛ 2:8

Nzapa aso ndo ĩ na lo ti nzɔ̃ bɛ tɛ lo, ta sanga ma, ĩ ye lo tɛ Yezo Kristo. Ko ta ĩ lua songɔ kwá ni na lo nguru tɛ ĩ nvɛni ma, kanda lo so ndo ĩ gɛgɛrɛ,

Suma 12:10

So pɛni, mbi ma legɔ̃ zo adu ka yayu atɛnɛ tɛnɛ na kɔngɔ ya: “Na olo ko, Nzapa aso e wɛ! Lo fa nguru tɛ lo ya ni Gbia. Mɛsia mɛ Nzapa asunu lo afa nga ya ni Gbia. Ta sanga ma, zo mɛ ndo ndolo ka gbɛlɛ Nzapa tɛ e bi na lá, so vɔ̃ngɔ to tɛrɛ ayata e awa Kristo ko, atoma lo ka ndozu, abi lo ka tise wɛ.

Suma 19:1

So pɛni, mbi ma ye ka ndozu nga ma legɔ̃ azi butu butu, ala ndopa na kɔngɔ ya: “Ĩ gonda Nzapa! Lo Wa songɔ azi, ndima na nguru adu na lo tɛ lo!

Suma 21:5

La zo mɛ adu so ndo ngɛndɛ gbia apa ya: “Na olo ko, mbi li aye zu fanani.” Lo pa hɛ̃ mbi ya: “Su tɛnɛ mɛ, ta sanga ma, tɛnɛ ni adu bɛta tɛnɛ, adu nga tɛnɛ mɛ zo alengbi ti kpãngɔ bɛ lo ndo ni.”

Suma 22:3

Ta ye kɔi mɛ Nzapa azonga ni adu gbanda so ya kɔdɔrɔ ni ko ma. Nzapa na Nyi Ngasã Ngbaga adunga gbanda na ndo ngɛndɛ gbia tɛ la so ya kɔdɔrɔ ni, ko awa kwa tɛ Nzapa avɔrɔ gbanda Nzapa.

Suma 4:6

Mbi hũ ye kɔi nga ma kota ngu so gbɛlɛ ngɛndɛ gbia ni, andosũ bai bai nga ma tala tala. Mbi hũ asa siɔ mɛ lɛ la ngɛ̃ aka ngɛndɛ ni kɛrɛrɛ. Lɛ la amu tɛrɛ la kwɛ zu, ge gbɛlɛ la nga ka pɛko la.

Suma 5:7

La Nyi Ngasã Ngbaga ni ai tɛrɛ lo ka tɔ̃nda Zo mɛ adu so ndo ngɛndɛ gbia, amu buku mɛ Zo ko agbɔ na kɔti ti lo.