Suma 6:4 - Fana Ngbangɔ 1987

⁴ La mbarata mɛ ndɛ̃ asi, tɛrɛ lo bengbani ngba ngbã ngba. Ahɛ̃ lege hɛ̃ wa kpɛngɔ na mbarata ko ya, lo sisi na to na popo tɛ azi ti lɛ sese, ko ala hongbi. Ahɛ̃ nga lo yɔngɔrɔ zabe.

Suma 6:4 Iomraidhean Croise

Matie 10:34

Yezo apa ya: “Ta ĩ da bɛ ĩ ya, mbi ga ge lɛ sese olo ya, mbi tongbi songo na popo tɛ azi ma, kanda mbi ga so tongbingɔ ĩ ya, ĩ tiri to.

Matie 24:6

Ngoi mɛ gbanda ĩ ma pa ti to mɛ azi ndotiri so tɔ̃nda ĩ, bere pa ti to mɛ azi ndotiri ka yɔngɔrɔ ndo ko, ta ĩ du na mbɛtɔ ma. Ale alo ni ko asi, kanda ta nda sese awɛ gbanda bo na ngoi ni ko ma.

Yoanɛ 19:11

Yezo agbinya hɛ̃ lo ya: “Ta mɔ na nguru kɔi ndo mbi ma. Kɔtɛ nguru mɛ mɔ na ni bo la nguru mɛ Nzapa ahɛ̃ mɔ. Nda mɛ siɔ ye tɛ zo mɛ ahɛ̃ mbi hɛ̃ mɔ, aɔ ndo siɔ ye tɛ mɔ la.”

Suma 12:3

Mbi hũ ye ti kpɛnɛ mɛ ndɛ̃ asi ka lɛ ndozu: adu bengba sa ti kpɛnɛ mɛ nga ma ngunde. Li lo mbara mbara, nza li lo sui kɔi, kpɔtɔ ti gbia alengbi na li lo ni mbara mbara zu.

Suma 13:10

Zo ko la Nzapa anɛ ya, abi gbanda lo bɔlɔkɔ ko, abi nga bo gbanda lo bɔlɔkɔ biani. Zo ko la Nzapa anɛ ya, aho gbanda lo na zabe ko, aho nga bo lo na zabe. Ĩ ba nda mɛ ale azi tɛ Nzapa ndogbe bɛ la, ko ala ngba bo na yengɔ lo tɛ Nzapa la.”

Suma 17:3

So pɛni, Tɔrɔ Santo asa tɛrɛ mbi, la angelo ko ayɔ mbi, agwe na mbi ka bɛ ndo. Ngoi mɛ mbi si kai ko, mbi hũ zo wali kɔi adu ndo sa. Tɛrɛ sa ni bengbani, li lo mbara mbara, nza li lo sui kɔi. Ili mɛ ndoguru Nzapa amu tɛrɛ sa ni zu.

Suma 17:6

Mbi hũ zo wali ni anyɔ mɛnɛ tɛrɛ azi tɛ Nzapa mɛ ndo akpɔ la, na lo mɛ ya, ala ndo atemwɛ tɛ Yezo, ko mɛnɛ ni agbɔ̃ ndo zo wali ni ko nga ma kana. Ngoi mɛ mbi hũ zo wali ni ko, mbi bema sĩ nvɛni.