Suma 6:1 - Fana Ngbangɔ 1987

¹ So pɛni, mbi hũ Nyi Ngasã Ngbaga akongbi ndã ti uzu na popo ti ndã mbara mbara mɛ aminya na nyɔ buku. Na popo tɛ asa ko siɔ mɛ lɛ la ngɛ̃ ko, mbi ma legɔ̃ sa kɔi atɛnɛ tɛnɛ nga ma ngu la akini, lo pa ya: “Ga o!”

Suma 6:1 Iomraidhean Croise

Yoanɛ 1:29

Ĩ la bu ndã ĩ de ko, Yoanɛ ahũ Yezo so ndoga ka tɛ lo, la Yoanɛ apa hɛ̃ azi ya: “Ĩ ba Nyi Ngasã Ngbaga tɛ Nzapa mɛ aga so hãngɔ siɔ ye tɛ azi zingɔ lo mɛ!

Awa Pangɔ Kwa 4:20

Kanda ye mɛ e hũ na lɛ e, nga na tɛnɛ mɛ e ma na ma e ko, ta e lengbi ti ziangɔ pangɔ tɛnɛ ni ma.”

Suma 11:19

Akangba ko ĩ kai ko, mbi hũ nyɔ kota da Nzapa adu ka yayu azi, ko mbi hũ sandugu kɔi ka ya kota da Nzapa ni. Adu sandugu mɛ andofa ya, Nzapa na azi tɛ lo agbe ngbanga. Bekpa ataima nzɛrrr, nzɛrrr, agbo gbáaa, gbáaa, ngu akini ngbũuu ngbũuu, sese ayingi kpu kpu kpu, ngandangombe asa gbara gbara gbara.

Suma 13:8

Azi ti le sese zu na vɔrɔngɔ lo, wenge bo azi mɛ asuru ili la ka ya buku mɛ asuru na ili azi ko la alua du ti kaka. Asuru ndo ili azi ni ka ya buku uzu ti Nzapa lingɔ sese. Buku ni adu tɛ Nyi Ngasã Ngbaga mɛ ndo aho lo.

Suma 14:2

Mbi ma legɔ̃ zo adu ka ndozu akpale nga ma gigi ti kota sɔrɔ ti ngu, akpale nga ma kpengba ngu mɛ akini. Legɔ̃ zo ni akpale nga ma kundi.

Suma 19:6

Mbi ti ma ye nga ma legɔ̃ azi butu butu so ndotɛnɛ tenɛ. Tɛnɛ ni ndogɔ̃ wooo nga ma gigi ti sɔrɔ ti ngu mɛ ndoti. Tɛnɛ ni ndogɔ̃ nga ma kpengba ngu mɛ ndokini. Mbi ma la so ndotɛnɛ ya: “Ĩ gonda Nzapa! Ta sanga ma, Gbia Nzapa tɛ e mɛ lombe ato nda lɛngɔ gbia!

Suma 4:8

Sa kɔi kɔi na kpange ti lo mana, lɛ la amu tɛrɛ la zu, ka ya ni, nga ka koko ni. Bi na lá, ta ala ndonzɛ̃ na yengɔ bia ma. Bia mɛ ala ndoye lo mɛ: “Gbia Nzapa mɔ santo, mɔ bɛta santo, Mɔ lombe. Mɔ ndo da gã, mɔ da na olo, mɔ na gangɔ.”

Suma 5:1

Mbi hũ buku mɛ agana ganangɔ so kɔti ti Zo mɛ adu so ndo ngɛndɛ gbia. Asu mbɛti lɛ buku ni mbage na mbage, aminya nyɔ buku ni na ndã fani mbara mbara ya so zo azara ni.

Suma 5:12

Mbi ma aangelo so ndoye bia na kɔngɔ ya: “Nyi Ngasã Ngbaga mɛ ndo aho lo ko, Azi alengbi ti yengɔ ya, lo wa nguru, lo na ye zu, Lo wa ndara, lo lombe. Azi alengbi ti gondangɔ lo, Tɔndɔngɔ lo, yakɛngɔ nga lo.”

Suma 5:8

Nyi Ngasã Ngbaga ĩ mu buku ni ko, akangba ko sui sɛ ndoni siɔ, na asa ko siɔ mɛ lɛ la ngɛ̃ akuku gbɛlɛ lo. Kundi na ta nwa ti wɔrɔ mɛ yɔmbɔ asĩ ya ni, alengbi na ti akangba ni zu kɔi kɔi. Yɔmbɔ ni ko adu sambela mɛ azi tɛ Nzapa ndosambela na Nzapa.

Suma 6:3

Nyi Ngasã Ngbaga akongbi ndã ti sɛ mɛ aminya na nyɔ buku. Mbi ma legɔ̃ sa ti sɛ mɛ lɛ lo ngɛ̃ apa ya: “Ga o!”

Suma 6:5

Nyi Ngasã Ngbaga akongbi ndã ti ta mɛ aminya na nyɔ buku. Mbi ma legɔ̃ sa ti ta mɛ lɛ lo ngɛ̃ apa ya: “Ga o!” Mbi ba ndo, ko mbi hũ mbarata mɛ tɛrɛ lo vukɔni diri diri. Wa kpɛngɔ na mbarata ni agbɔ̃ kilo so ti lo.

Suma 6:7

Nyi Ngasã Ngbaga akongbi ndã ti siɔ mɛ aminya na nyɔ buku. Mbi ma legɔ̃ sa ti siɔ mɛ lɛ lo ngɛ̃ apa ya: “Ga o!”

Suma 8:1

Ngoi mɛ Nyi Ngasã Ngbaga ĩ kongbi ndã ti mbara mbara mɛ aminya na nyɔ buku ko, ndo ade ka ndo zu ngĩi, aninga nga ma ge tɛ ndambu ti saa.