Suma 5:9 - Fana Ngbangɔ 1987

⁹ Ala ndoye fana bia ya: “Mɔ lengbi ti mungɔ buku Kongbingɔ andã ni zingɔ. Ta sanga ma, aho ndo mɔ, Ko na lo ti kwá mɛ ndo mɔ kpi ko, Mɔ tɔ̃ ambanga azi hɛ̃ Nzapa. Azi mɛ mɔ tɔ̃ la ko, adu azi ti ale zu, Ti yanga kɔdɔrɔ zu, nga na ti lɛ sese zu.

Suma 5:9 Iomraidhean Croise

Matie 20:28

Ĩ ba se mɛ ta mbi Nyi Zo mbi ga ge lɛ sese ya, azi ali kwa hɛ̃ mbi ma la. Kanda mbi ga ya, mbi li kwa hɛ̃ azi, ko mbi ka nga tɛrɛ mbi, wa mbi tɔ̃ azi gba na ya siɔ ye.”

Matie 26:28

Ta sanga ma, vinɔ olo adu mɛnɛ tɛrɛ mbi mɛ asa so azi gba. Mɛnɛ ni afa ngbanga mɛ Nzapa na azi agbe ya, Nzapa aka lɛ lo ndo siɔ ye tɛ la.

Awa Pangɔ Kwa 20:28

Ale ĩ bata tɛrɛ ĩ nvɛni nzɔ̃ni, ko ĩ bata nga awa Kristo zu mɛ ndo Tɔrɔ Santo ahɛ̃ ĩ ya, ĩ bata la, nga ma se mɛ wa batangɔ angasã ngbaga ndobata na angasã ngbaga tɛ lo. Ale ĩ bata azi ti Eklezia tɛ Nzapa mɛ ndo lo tɔ̃ la na lege ti kwa tɛ Nyi lo nvɛni.

1 Kɔrinto 6:20

Nzapa avɔ̃ ndo ĩ vɔ̃ngɔ. Na lo ni ko, ĩ mu tɛrɛ ĩ, ĩ li na kwa so gondangɔ na Nzapa.

1 Kɔrinto 7:23

Nzapa atɔ̃ ndo ĩ tɔ̃ngɔ. Wa ta ĩ ti ambɛ tɛ azi ma.

Efɛzɛ 1:7

Na lo kwa tɛ Yezo Kristo la Nzapa atɔ̃ e na ya siɔ ye, lo ka nga lɛ lo ndo siɔ ye tɛ e. Ye mɛ ndo Nzapa ali ko, afa ya, kota nzɔ̃ bɛ

Efɛzɛ 5:19

Ale ĩ ye hɛ̃ afɔ̃ ĩ abia ti ya Buku tɛ Nzapa, na abia Nzapa, nga na ambanga bia mɛ Tɔrɔ Santo afa na ĩ. Ĩ ye bia hɛ̃ Gbia, ĩ gonda lo na bɛ ĩ kɔi.

Kɔlɔsɛ 1:14

Na lo tɛ Nyi lo ni la Nzapa atɔ̃ e na ya siɔ ye, aka nga lɛ lo ndo asiɔ ye tɛ e.

Kɔlɔsɛ 1:23

Ko ale ĩ ngbã bo na yengɔ lo tɛ Yezo Kristo, ko ĩ ngbã na ni ka ka ka, ta ĩ zia ma. Ale ĩ lɛndɛrɛ bo tɛnɛ ti Nzɔ̃ Pa mɛ ndo ĩ ma. Nzɔ̃ Pa ni la apa hɛ̃ azi zu mɛ ge lɛ sese, ko nga bo Nzɔ̃ Pa ni la mbi Polo mbi ti wa pangɔ ni.

Tito 2:14

Lo nvɛni lo ka ndo tɛrɛ lo na lo tɛ e, so tɔ̃ngɔ e na ya siɔ ye zu. Lo li ndo so ya, e du na vuru bɛ, e ti azi tɛ ni, wa e li anzɔ̃ kwa na gonvɛnɛ.

Aebreo 11:14

Azi ko ndo atɛnɛ tɛnɛ nga so ko, ala fa yango ya, ani ndogi kɔdɔrɔ mɛ adu kɔdɔrɔ tɛ ani nvɛni.

2 Petro 2:1

Ndo gã ko, awa pangɔ nyɔ Nzapa na nvɛnɛ asi ndo na popo tɛ azi. Ko se mɛ nga awa hangɔ lo tɛ Nzapa na nvɛnɛ na singɔ na popo tɛ ĩ la. Ala na singɔ na alo ti nvɛnɛ, alo mɛ ndoto zo ka lifɛlo. Ala na kɛ̃ngɔ lo tɛ Gbia Yezo mɛ ndo aso la. Na lo ni ko, Nzapa na sangɔ la ka lifɛlo bo lo mɛ.

1 Yoanɛ 1:7

Kanda se e dɔ nɔ na ya vuru ndo, nga ma se mɛ Nzapa nvɛni ndodu na ya vuru ndo, wadila dangɔ bɛ tɛ e na tɛ afɔ̃ e awa Kristo ati bo kɔi, ko mɛnɛ tɛrɛ Nyi lo Yezo akpo siɔ ye tɛ e zu.

1 Yoanɛ 2:2

Ta sanga ma, Yezo Kristo ndo la akpi so tiɔngɔ sende ti siɔ ye tɛ e, wa se mɛ Nzapa aka le lo ndo ni la. Ta Nzapa na kangɔ le lo bo na ndo siɔ ye tɛ e kɔi ma, lo nga na kangɔ le lo na ndo siɔ ye tɛ azi ti lɛ sese zu.

Suma 10:11

La apa hɛ̃ mbi ya, tɛnɛ tɛ Nzapa mɛ adu na lo tɛ ale tɛ azi gba, azi mɛ ndotɛnɛ yanga ndɛ̃ ndɛ̃ ndɛ̃, nga na lo tɛ agbia ko, ale mbi ti pa ni hɛ̃ azi.

Suma 11:9

Azi ti lɛ sese zu, na ti ale zu, na ti yanga kɔdɔrɔ zu na bangɔ akinda tɛ la na ya bi ta na ndambu. Azi na kɛ̃ngɔ ya, ta ahɔ akinda ni ma.

Suma 13:7

Ahɛ̃ nga lo lege ya, lo tiri to na azi tɛ Nzapa, ko lo nwɔ nga la. Ahɛ̃ lo nguru ti lɛngɔ gbia na ndo azi ti ale zu, ti sese zu, nga na ti yanga kɔdɔrɔ zu.

Suma 13:8

Azi ti le sese zu na vɔrɔngɔ lo, wenge bo azi mɛ asuru ili la ka ya buku mɛ asuru na ili azi ko la alua du ti kaka. Asuru ndo ili azi ni ka ya buku uzu ti Nzapa lingɔ sese. Buku ni adu tɛ Nyi Ngasã Ngbaga mɛ ndo aho lo.

Suma 14:6

Mbi hũ angelo mɛ ndɛ̃ so ndoɔ ka lɛ ndozu yanga yenge. Lo ndoɔ so pangɔ hɛ̃ azi ti lɛ sese Nzɔ̃ Pa mɛ ndongbã kaka. Lo ndoɔ so pangɔ Nzɔ̃ Pa ni hɛ̃ azi ti lɛ sese zu, ti ale zu, nga na ti yanga kɔdɔrɔ zu.

Suma 15:3

Ala ndoye bia tɛ Mɔizɛ mɛ wa kwa tɛ Nzapa, bia ni ko adu nga tɛ Nyi Ngasã Ngbaga. Bia ni lo mɛ: “Gbia Nzapa mɔ lombe, Aye mɛ mɔ li adu akokɛnɛ ye ti bemangɔ! Mɔ Gbia ti ndo azi ti lɛ sese zu, Aye mɛ mɔ ndoli ndodu na Seni, ndodu nga bɛtani!

Suma 17:15

Angelo apa nga hɛ̃ mbi ya: “Ngu ko la mɔ hũ ngbabo adu da ko, adu azi ti lɛ sese butu butu, azi mɛ ndotɛnɛ yanga ndɛ̃ ndɛ̃ ndɛ̃.

Suma 4:11

“Oo Gbia Nzapa tɛ e, Azi alengbi ti gondangɔ mɔ, tɔndɔngɔ mɔ. Ala lengbi nga ti yengɔ ya, mɔ lombe. Ta sanga ma, mɔ li ye kwɛ zu. Mɔ ndo la mɔ ye ya, aye ni ko adu dazu, Nda mɛ mɔ li ni la.”

Suma 5:12

Mbi ma aangelo so ndoye bia na kɔngɔ ya: “Nyi Ngasã Ngbaga mɛ ndo aho lo ko, Azi alengbi ti yengɔ ya, lo wa nguru, lo na ye zu, Lo wa ndara, lo lombe. Azi alengbi ti gondangɔ lo, Tɔndɔngɔ lo, yakɛngɔ nga lo.”

Suma 5:6

Mbi hũ Nyi Ngasã Ngbaga alo so ndo bɛ ngɛndɛ gbia ni. Akangba ko sui sɛ ndoni siɔ, na asa ko siɔ mɛ lɛ la ngɛ̃ aka lo kɛrɛrɛ. Mɔ̃ hũ Nyi Ngasã Ngbaga ni ma bere aho lo hongɔ. Nza li lo mbara mbara, nga na lɛ lo mbara mbara adu atɔrɔ mbara mbara mɛ Nzapa ato la na lɛ sese kwɛ zu.