Suma 5:6 - Fana Ngbangɔ 1987

⁶ Mbi hũ Nyi Ngasã Ngbaga alo so ndo bɛ ngɛndɛ gbia ni. Akangba ko sui sɛ ndoni siɔ, na asa ko siɔ mɛ lɛ la ngɛ̃ aka lo kɛrɛrɛ. Mɔ̃ hũ Nyi Ngasã Ngbaga ni ma bere aho lo hongɔ. Nza li lo mbara mbara, nga na lɛ lo mbara mbara adu atɔrɔ mbara mbara mɛ Nzapa ato la na lɛ sese kwɛ zu.

Suma 5:6 Iomraidhean Croise

Luka 1:69

Lo to hɛ̃ e kpengba Wa songɔ azi. Wa songɔ azi ni na ale tɛ Davidi mɛ ndo wa kwa tɛ Nzapa.

Yoanɛ 1:29

Ĩ la bu ndã ĩ de ko, Yoanɛ ahũ Yezo so ndoga ka tɛ lo, la Yoanɛ apa hɛ̃ azi ya: “Ĩ ba Nyi Ngasã Ngbaga tɛ Nzapa mɛ aga so hãngɔ siɔ ye tɛ azi zingɔ lo mɛ!

Yoanɛ 1:36

Ngoi mɛ Yoanɛ ĩ hũ Yezo so ɔ ko, lo pa hɛ̃ azi ya: “Ĩ ba Nyi Ngasã Ngbaga tɛ Nzapa la!”

Awa Pangɔ Kwa 8:32

Mbɛti ti ya buku mɛ wa Etiopia ndodi ndo lo mɛ: “Lo ndo nga ma nyi ngasã ngbaga mɛ andonɔ na ni ka ndo ti kpɔngɔ na asa. Lo ndo nga ma nyi ngasã ngbaga mɛ ndodu minyɔ na gbɛlɛ zo mɛ ndokiɔ kwa tɛrɛ lo. Lo du ndo kpɔ.

Suma 1:4

Mbi Yoanɛ la mbi su mbɛti olo mbi to hɛ̃ awa Kristo ti Eklezia mbara mbara mɛ ka sese ti Azia. Mbi bala ĩ! Nzapa ndo da gã, lo da na olo, lo nga na gangɔ. Wa lo li bɛ hɛ̃ ĩ nzɔ̃ bɛ ma ke! Lo li bɛ nga ya, bɛ ĩ adu pii ma ke! Atɔrɔ tɛ lo mbara mbara mɛ ndolonga so gbɛlɛ ngɛndɛ gbia tɛ lo ali bɛ nzɔ̃ bɛ hɛ̃ ĩ ma ke! Ala li bɛ nga ya, bɛ ĩ adu pii ma ke!

Suma 12:11

Ayata e anwɔ ndo lo, na lo mɛ ya, Nyi Ngasã Ngbaga atɔ̃ ndo la na mɛnɛ tɛrɛ lo. Ala nwɔ nga ndo lo na lo ti bɛta tɛnɛ tɛ Nzapa mɛ ndo ala ndopa hɛ̃ azi. Ala ka ndo tɛrɛ la, ala kpili nga.

Suma 13:8

Azi ti le sese zu na vɔrɔngɔ lo, wenge bo azi mɛ asuru ili la ka ya buku mɛ asuru na ili azi ko la alua du ti kaka. Asuru ndo ili azi ni ka ya buku uzu ti Nzapa lingɔ sese. Buku ni adu tɛ Nyi Ngasã Ngbaga mɛ ndo aho lo.

Suma 14:1

Mbi ti ba ndo, ko mbi hũ Nyi Ngasã Ngbaga alo so ndo hɔtɔ mɛ ili ni la Siona, azi koto ngbangbo kɔi na ndoni koto sui siɔ ndoni koto siɔ (144.000). Ala longa so tɔ̃nda lo. Asu ili Nyi Ngasã Ngbaga nga na ili To lo na ndo lɛ azi ni ko.

Suma 17:14

Agbia ni ko na Nyi Ngasã Ngbaga na tiringɔ to, ko Nyi Ngasã Ngbaga na nwɔngɔ la, na lo mɛ ya, lo Gbia tɛ agbia. Nyi Ngasã Ngbaga ana ava lo na nwɔngɔ agbia ni ko. Ava lo ni adu azi mɛ ndo Nzapa aili la, asara nga la akpã azi tɛ lo, ala ye lo tɛ lo bɛ la kɔi.”

Suma 21:22

Ta mbi hũ da Nzapa na ya kɔdɔrɔ ni ma, ta sanga ma, Gbia Nzapa mɛ lombe, na Nyi Ngasã Ngbaga, la adu da Nzapa ti kɔdɔrɔ ni.

Suma 21:23

Ta kɔdɔrɔ ni na gwe ti lá bere na gwɛ̃ ti nzẽ, ya asũ da ma. Ta sanga ma, ndima tɛ Nzapa ndosũ na ya kɔdɔrɔ ni, ko Nyi Ngasã Ngbaga ndovuru tɛ lo na ndo.

Suma 22:1

Angelo ko afa nga mbi na ngu mɛ ndohɛ̃ zo bɛta du. Le ngu ni ndosũ bai bai nga ma lɛ tala tala. Ngu ni ndosi na ya ngɛndɛ gbia tɛ Nzapa na tɛ Nyi Ngasã Ngbaga.

Suma 22:3

Ta ye kɔi mɛ Nzapa azonga ni adu gbanda so ya kɔdɔrɔ ni ko ma. Nzapa na Nyi Ngasã Ngbaga adunga gbanda na ndo ngɛndɛ gbia tɛ la so ya kɔdɔrɔ ni, ko awa kwa tɛ Nzapa avɔrɔ gbanda Nzapa.

Suma 4:8

Sa kɔi kɔi na kpange ti lo mana, lɛ la amu tɛrɛ la zu, ka ya ni, nga ka koko ni. Bi na lá, ta ala ndonzɛ̃ na yengɔ bia ma. Bia mɛ ala ndoye lo mɛ: “Gbia Nzapa mɔ santo, mɔ bɛta santo, Mɔ lombe. Mɔ ndo da gã, mɔ da na olo, mɔ na gangɔ.”

Suma 5:11

Mbi ti mbi ba ndo, ko mbi ma legɔ̃ aangelo butu butu nvɛni. Ta kɔdɛ ti dikɔngɔ la da ma. Ala ka ngɛndɛ gbia ni kɛrɛrɛ. Akangba ko sui se ndoni siɔ, na asa ko siɔ mɛ lɛ la ngɛ̃ nga so ndo ko.

Suma 5:12

Mbi ma aangelo so ndoye bia na kɔngɔ ya: “Nyi Ngasã Ngbaga mɛ ndo aho lo ko, Azi alengbi ti yengɔ ya, lo wa nguru, lo na ye zu, Lo wa ndara, lo lombe. Azi alengbi ti gondangɔ lo, Tɔndɔngɔ lo, yakɛngɔ nga lo.”

Suma 5:13

Mbi ma nga aye zu mɛ Nzapa ali ka lɛ ndozu, ge lɛ sese, ka gbe sese, nga ka ya kota ngu, aye ti lɛ sese kwe zu mɛ Nzapa ali, so ndoye bia ya: “E gonda Zo mɛ adu ndo ngɛndɛ gbia, E gonda nga Nyi Ngasã Ngbaga, E tɔndɔ la, é yakɛ la, E ye ya, ala na nguru buru na buru!”

Suma 5:14

Asa ko siɔ mɛ lɛ la ngɛ̃ ayeka da ya: “Seni la!” Akangba ko sui sɛ ndoni siɔ akuku, avɔrɔ Zo mɛ adu ndo ngɛndɛ gbia, nga na Nyi Ngasã Ngbaga.

Suma 6:16

Ala pa hɛ̃ ahɔtɔ na atɛ̃nɛ ya: “Ĩ kara, ĩ sa ndo e, ĩ vĩ e, so Zo ko la adu ndo ngɛndɛ gbia ahũ e, so Nyi Ngasã Ngbaga ali ngɔnzɔ hɛ̃ e,