Suma 5:5 - Fana Ngbangɔ 1987

⁵ La mbanga kangba kɔi na popo tɛ akangba ko sui sɛ ndoni siɔ apa hɛ̃ mbi ya: “Ta mɔ to to ma. Ba bamara ko kai, lo ale tɛ Ayuda, lo tara Davidi, lo nwɔ aye zu, lo lengbi ti kongbingɔ ndã ko zu mbara mbara zingɔ, zarangɔ nga ya buku ni.”

Suma 5:5 Iomraidhean Croise

Luka 23:28

Yezo ĩ ma la so ndoto to ko, lo sana tɛrɛ lo ka tɛ la, lo pa hɛ̃ la ya: “Ĩ awe ti Yeruzalɛmɛ, ta ĩ to so mbi ma! Ĩ to so tɛrɛ ĩ, nga so aya ĩ!

Luka 7:13

Ngoi mɛ Gbia Yezo ĩ hũ we muã ko ko, ama vundu tɛ lo, apa hɛ̃ lo ya: “Zia to!”

Luka 8:52

Azi zu ndoto ndo to, ndodema nga ndo so nyingambi ni. La Yezo apa hɛ̃ la ya: “Ĩ zia tongɔ to. Ta lo kpi ma, lo la langɔ.”

Yoanɛ 20:13

Aangelo ko ahũnda Maria ya: “Zo wali, mɔ ndoto ya nɛ?” Maria agbinya hɛ̃ la ya: “Ahã kinda tɛ Gbia tɛ mbi aɔ na ni, ko ta mbi hĩnga ndo mɛ akpã na ni ma.”

Roma 1:3

Nzɔ̃ Pa ni adu na lo tɛ Nyi lo Yezo Kristo mɛ Gbia tɛ e. Lo mu ndo tɛrɛ zo, lo ndo tara gbia Davidi.

Roma 15:12

Ezai apa ndo nga ya: “Mbanga tara Izai aga gbanda So lɛngɔ gbia na ndo azi mɛ ta Ayuda ma, Ko ala lɛndɛrɛ gbanda lo.”

Aebreo 7:14

E hĩnga nzɔ̃ni ya, adú ndo lo na ya ale tɛ Yuda, ko ngoi mɛ ndo Mɔizɛ atɛnɛ tɛnɛ na lo tɛ awa lungɔ Nzapa na ye ko, ta lo tɛnɛ ndo tɛnɛ kɔi na lo ti ale tɛ Yuda ma.

Suma 1:1

Buku olo ndopa lo ti aye mɛ ndo Yezo Kristo afa na Yoanɛ na ya suma. Nzapa afa na Yezo ya, lo fa awa kwa tɛ ni na aye mɛ na singɔ bo lo mɛ. La Yezo ato angelo tɛ lo ya, lo nɔ ka tɛ wa kwa tɛ ni Yoanɛ, lo fa lo na aye ni ko.

Suma 22:16

“Mbi Yezo, mbi to angelo tɛ mbi ya, lo pa tɛnɛ olo zu hɛ̃ ĩ azi ti Eklezia. Mbi lo na nda se wa tɛ Davidi, mbi tara lo mɛ ndo ĩ ma ya, mbi na gangɔ. Mbi nga ma tongolo mɛ ndosũ na nyɔ ndã.”

Suma 3:21

Azi ko la agbe bɛ la na ya apɛnɔ, anwɔ ni ko, ni hɛ̃ gbanda lege hɛ̃ la ya, ala dunga na ndo ngɛnde tɛ ni ti gbia, nga ma se mɛ ndo ni gbe na bɛ ni na ya apɛnɔ, ni nwɔ ni, ko ni na To ni ani dunga na ndo ngɛndɛ ti gbia tɛ lo.

Suma 4:10

Wa na ngoi ko la asa ko ndoli nga so ko, akangba ko sui sɛ ndoni siɔ so ndokuku gbɛlɛ Zo mɛ adu so ndo ngɛndɛ gbia, Zo mɛ ndodu lɛ lo ngɛ̃ buru na buru. Ala so ndovɔrɔ lo, so ndohãna akpɔtɔ tɛ la ti gbia, so ndosa so gbɛlɛ ngɛndɛ gbia tɛ lo, so ndopa ya:

Suma 4:4

Ambanga angɛndɛ gbia mɛ ndɛ̃ sui se ndoni siɔ aka nga angɛndɛ gbia ni ko kɛrɛrɛ atengbi. Akangba sui sɛ ndoni siɔ adunga so ndo angɛndɛ ko sui sɛ ndoni siɔ. Ala yuyu ambufu bɔngɔ, abi akpɔtɔ ti gbia mɛ alɛkɛ na wɔrɔ na li la.

Suma 5:4

Ngoi mɛ mbi hũ so ko, mbi to sinyɛ sinyɛ, na lo mɛ ya, ta zo kɔi mɛ alengbi ti zarangɔ ya buku ni, bere bangɔ ni da ma.

Suma 6:1

So pɛni, mbi hũ Nyi Ngasã Ngbaga akongbi ndã ti uzu na popo ti ndã mbara mbara mɛ aminya na nyɔ buku. Na popo tɛ asa ko siɔ mɛ lɛ la ngɛ̃ ko, mbi ma legɔ̃ sa kɔi atɛnɛ tɛnɛ nga ma ngu la akini, lo pa ya: “Ga o!”

Suma 7:13

Mbanga kangba kɔi na popo tɛ akangba ko sui sɛ ndoni siɔ ahũnda mbi ya: “Azi ko ayuyu ambufu bɔngɔ ko, ala ana? Ala lo wa?”