Suma 5:1 - Fana Ngbangɔ 1987

¹ Mbi hũ buku mɛ agana ganangɔ so kɔti ti Zo mɛ adu so ndo ngɛndɛ gbia. Asu mbɛti lɛ buku ni mbage na mbage, aminya nyɔ buku ni na ndã fani mbara mbara ya so zo azara ni.

Suma 5:1 Iomraidhean Croise

Suma 10:2

Lo gbɔ̃ nyi buku so ti lo, azi ya buku ni zingɔ. Lo kpa gɛrɛ lo ti kɔti ka lɛ kota ngu, lo kpa nga gɛrɛ lo ti ga ka lɛ sese.

Suma 4:3

Yangba lɛ zo ni ko ndosũ nga ma anzɔ̃nzɔ̃ tɛ́nɛ mɛ ili ni la yaspɛ na sardoanɛ. Kɔngɔ mɛ ndosi ka lɛ ndozu, aka ngɛndɛ gbia ni kɛrɛrɛ atengbi. Kɔngɔ ni ndosũ nga ma tɛ́nɛ mɛ ili ni la emɛrodɛ.

Suma 4:9

Asa ko siɔ ndoye bia so gondangɔ, tɔndɔngɔ, hɛ̃ngɔ nga sia kɔli hɛ̃ Zo mɛ adu na ndo ngɛndɛ gbia, Zo mɛ ndodu lɛ lo ngɛ̃ buru na buru.

Suma 5:13

Mbi ma nga aye zu mɛ Nzapa ali ka lɛ ndozu, ge lɛ sese, ka gbe sese, nga ka ya kota ngu, aye ti lɛ sese kwe zu mɛ Nzapa ali, so ndoye bia ya: “E gonda Zo mɛ adu ndo ngɛndɛ gbia, E gonda nga Nyi Ngasã Ngbaga, E tɔndɔ la, é yakɛ la, E ye ya, ala na nguru buru na buru!”

Suma 5:7

La Nyi Ngasã Ngbaga ni ai tɛrɛ lo ka tɔ̃nda Zo mɛ adu so ndo ngɛndɛ gbia, amu buku mɛ Zo ko agbɔ na kɔti ti lo.

Suma 6:1

So pɛni, mbi hũ Nyi Ngasã Ngbaga akongbi ndã ti uzu na popo ti ndã mbara mbara mɛ aminya na nyɔ buku. Na popo tɛ asa ko siɔ mɛ lɛ la ngɛ̃ ko, mbi ma legɔ̃ sa kɔi atɛnɛ tɛnɛ nga ma ngu la akini, lo pa ya: “Ga o!”

Suma 6:16

Ala pa hɛ̃ ahɔtɔ na atɛ̃nɛ ya: “Ĩ kara, ĩ sa ndo e, ĩ vĩ e, so Zo ko la adu ndo ngɛndɛ gbia ahũ e, so Nyi Ngasã Ngbaga ali ngɔnzɔ hɛ̃ e,

Suma 8:1

Ngoi mɛ Nyi Ngasã Ngbaga ĩ kongbi ndã ti mbara mbara mɛ aminya na nyɔ buku ko, ndo ade ka ndo zu ngĩi, aninga nga ma ge tɛ ndambu ti saa.