Suma 4:8 - Fana Ngbangɔ 1987

⁸ Sa kɔi kɔi na kpange ti lo mana, lɛ la amu tɛrɛ la zu, ka ya ni, nga ka koko ni. Bi na lá, ta ala ndonzɛ̃ na yengɔ bia ma. Bia mɛ ala ndoye lo mɛ: “Gbia Nzapa mɔ santo, mɔ bɛta santo, Mɔ lombe. Mɔ ndo da gã, mɔ da na olo, mɔ na gangɔ.”

Suma 4:8 Iomraidhean Croise

Awa Pangɔ Kwa 20:31

Ale ĩ bata tɛrɛ ĩ, ĩ hĩnga ya, buru ta mɛ ndo mbi li so popo tɛ ĩ ko, ta mbi ndonzɛ̃ ndo ma, mbi ndotisa ndo zo kɔi kɔi so popo tɛ ĩ bi na lá, na ngulɛ le mbi.

1 Tɛsalɔnikɛ 2:9

Aya bua, e da be e ya, ta bɛ ĩ ali na se mɛ ndo e li na kpengba kwa ma. Ta bɛ ĩ ali nga na kota nzɛ̃ngɔ mɛ ndo e nzɛ̃ ma. Ngoi mɛ ndo e ndopa Nzɔ̃ Pa tɛ Nzapa hɛ̃ ĩ ko, e ndoli ndo kwa bi na lá ya, ta e yɔ ye ti ĩ ma.

1 Timɔte 4:16

Bata li mɔ nzɔni na lo ti du tɛ mɔ nvɛni, nga na lo ti aye mɛ mɔ ndoha na azi. Ngbã bo na lingɔ aye ko zu na kpengba bɛ. Ta sanga ma, se mɔ li so ko, mɔ na songɔ tɛrɛ mɔ nvɛni, mɔ nga na songɔ awa mangɔ mɔ.

2 Timɔte 4:2

abɛ na nzɔ̃ ngoi, bere na siɔ ngoi ko, pa bo tɛnɛ tɛ Nzapa, ko mɔ pa ni mɔ diri ndo ni. Azi ko la ali siɔ ye ko, fa la na siɔ ye tɛ la, bela la na lo siɔ ye mɛ ala li, ko mɔ sa nguru bɛ la ya, ala li nzɔ̃ ye. Du na yɔngɔrɔ bɛ sĩ nvɛni na ngoi mɛ mɔ ndoha azi na tɛnɛ tɛ Nzapa.

Aebreo 13:8

Se ko ndo la Yezo da uzu ko, se mɛ lo da na olo la, ko se mɛ nga gbanda lo ngbã na ni ngoi zu la.

Suma 1:4

Mbi Yoanɛ la mbi su mbɛti olo mbi to hɛ̃ awa Kristo ti Eklezia mbara mbara mɛ ka sese ti Azia. Mbi bala ĩ! Nzapa ndo da gã, lo da na olo, lo nga na gangɔ. Wa lo li bɛ hɛ̃ ĩ nzɔ̃ bɛ ma ke! Lo li bɛ nga ya, bɛ ĩ adu pii ma ke! Atɔrɔ tɛ lo mbara mbara mɛ ndolonga so gbɛlɛ ngɛndɛ gbia tɛ lo ali bɛ nzɔ̃ bɛ hɛ̃ ĩ ma ke! Ala li bɛ nga ya, bɛ ĩ adu pii ma ke!

Suma 1:8

Gbia Nzapa mɛ Lombe, lo ndo da, lo da na olo, lo nga na gangɔ, lo pa ya, ni wa tongɔ nda aye zu, ni nga wa kɔngɔ nda aye zu.

Suma 11:17

“Gbia Nzapa, mɔ lombe, mɔ ndo da gã, mɔ nga da na olo mɛ. E hɛ̃ mɔ sia kɔli na lo ti kota nguru tɛ mɔ mɛ mɔ mu, mɔ to nda lɛngɔ na gbia.

Suma 14:11

Guru ti wá mɛ ndohɛ̃ la pɛnɔ ndogundu buru na buru. Azi ko la avɔrɔ sa, avɔrɔ nga angbilondo tɛ lo, nga na azi mɛ asuru ili sa ni na tɛrɛ la ko, ta ala na wɔngɔ tɛrɛ la ma, ala na hũngɔ pɛnɔ bi na lá.”

Suma 14:3

Azi ko butu butu alonga so gbɛlɛ ngɛndɛ gbia tɛ Nzapa, so gbɛlɛ asa siɔ mɛ lɛ la ngɛ̃, nga so gbɛlɛ akangba, ko ala so ndoye fana bia. Ta zo mɛ ndɛ̃ ahĩnga bia ni ko ma, wenge bo azi ko koto ngbangbo kɔi na ndoni koto sui siɔ ndoni koto siɔ (144.000). Adu azi mɛ ndo Nzapa atɔ̃ la na popo tɛ azi ge lɛ sese.

Suma 15:3

Ala ndoye bia tɛ Mɔizɛ mɛ wa kwa tɛ Nzapa, bia ni ko adu nga tɛ Nyi Ngasã Ngbaga. Bia ni lo mɛ: “Gbia Nzapa mɔ lombe, Aye mɛ mɔ li adu akokɛnɛ ye ti bemangɔ! Mɔ Gbia ti ndo azi ti lɛ sese zu, Aye mɛ mɔ ndoli ndodu na Seni, ndodu nga bɛtani!

Suma 15:7

Mbanga sa kɔi na popo tɛ asa mɛ lɛ la ngɛ̃ akangbi aangelo ko mbara mbara na akangu mbara mbara mɛ alɛkɛ na wɔrɔ. Akangu ni asĩsĩ na ngɔnzɔ tɛ Nzapa. Nzapa mɛ ndodu lɛ lo ngɛ̃ buru na buru.

Suma 16:14

Adu asiɔ tɔrɔ tɛ Zabulu mɛ ndoli aye ti kpɛnɛ. Asiɔ tɔrɔ ni anɔ ka tɛ agbia ti lɛ sese zu so bombingɔ la ndoni kɔi ya, na la ko gbanda Nzapa mɛ lombe aga ko, ani na lo ani tiri to.

Suma 16:7

So pɛni, mbi ma legɔ̃ zo atɛnɛ tɛnɛ ka tɛrɛ mɛsa ti lungɔ Nzapa na ye ya: “Seni la, Gbia Nzapa mɔ lombe, ngbanga mɛ mɔ ndofa andodu na seni mbiri mbiri.”

Suma 19:15

Zabe mɛ ndoɔ̃ nga ma pepe asi so yanga lo. Adu zabe mɛ lo na nwɔngɔ na azi ti lɛ sese la. Lo na lɛngɔ gbia ndo la na nguru. Lo na dɔrɔngɔ la na gɛrɛ lo, nga ma se mɛ andodɔ na mburu ka ya ngɔ. Lo na lingɔ nga so, so fangɔ siɔ ngɔnzɔ mɛ agbɔ̃ Nzapa mɛ lombe.

Suma 19:4

Akangba sui sɛ ndoni siɔ, na asa siɔ mɛ lɛ la ngɛ̃ akuku na li kuni la, avɔrɔ Nzapa mɛ adu so ndo ngɛndɛ gbia. Ala pa ya: “Seni la! Ĩ gonda Nzapa!”

Suma 21:22

Ta mbi hũ da Nzapa na ya kɔdɔrɔ ni ma, ta sanga ma, Gbia Nzapa mɛ lombe, na Nyi Ngasã Ngbaga, la adu da Nzapa ti kɔdɔrɔ ni.

Suma 3:7

“Su tɛnɛ olo mɔ to hɛ̃ angelo mɛ ndobata awa Eklezia ti Filadɛlfia. Tɛnɛ ni alo ka nyɔ zo mɛ santo, zo mɛ bɛta zo, zo mɛ ndobata nyi kɛrɛrɛ tɛ gbia Davidi, zo mɛ se lo zi nyɔ ngise ko, ta zo kɔi alengbi ti vĩngɔ ni ma. Se lo vĩ nga nyɔ da ko, ta zo kɔi alengbi nga ti zingɔ ni ma.

Suma 4:4

Ambanga angɛndɛ gbia mɛ ndɛ̃ sui se ndoni siɔ aka nga angɛndɛ gbia ni ko kɛrɛrɛ atengbi. Akangba sui sɛ ndoni siɔ adunga so ndo angɛndɛ ko sui sɛ ndoni siɔ. Ala yuyu ambufu bɔngɔ, abi akpɔtɔ ti gbia mɛ alɛkɛ na wɔrɔ na li la.

Suma 4:6

Mbi hũ ye kɔi nga ma kota ngu so gbɛlɛ ngɛndɛ gbia ni, andosũ bai bai nga ma tala tala. Mbi hũ asa siɔ mɛ lɛ la ngɛ̃ aka ngɛndɛ ni kɛrɛrɛ. Lɛ la amu tɛrɛ la kwɛ zu, ge gbɛlɛ la nga ka pɛko la.

Suma 4:9

Asa ko siɔ ndoye bia so gondangɔ, tɔndɔngɔ, hɛ̃ngɔ nga sia kɔli hɛ̃ Zo mɛ adu na ndo ngɛndɛ gbia, Zo mɛ ndodu lɛ lo ngɛ̃ buru na buru.

Suma 5:6

Mbi hũ Nyi Ngasã Ngbaga alo so ndo bɛ ngɛndɛ gbia ni. Akangba ko sui sɛ ndoni siɔ, na asa ko siɔ mɛ lɛ la ngɛ̃ aka lo kɛrɛrɛ. Mɔ̃ hũ Nyi Ngasã Ngbaga ni ma bere aho lo hongɔ. Nza li lo mbara mbara, nga na lɛ lo mbara mbara adu atɔrɔ mbara mbara mɛ Nzapa ato la na lɛ sese kwɛ zu.

Suma 6:1

So pɛni, mbi hũ Nyi Ngasã Ngbaga akongbi ndã ti uzu na popo ti ndã mbara mbara mɛ aminya na nyɔ buku. Na popo tɛ asa ko siɔ mɛ lɛ la ngɛ̃ ko, mbi ma legɔ̃ sa kɔi atɛnɛ tɛnɛ nga ma ngu la akini, lo pa ya: “Ga o!”

Suma 6:6

Mbi ma ye nga ma legɔ̃ zo adu ka popo tɛ asa ko siɔ mɛ lɛ la ngɛ̃ apa ya: “Ngere ti kilo ti le tɛ mɛ ili ni la ble alengbi na faranga mɛ andofuta na zo na lo ti kwa tɛ lo ti lá kɔi zu. Ngere ti kilo ta ti le tɛ mɛ ili ni la ɔrgɛ alengbi na faranga mɛ andofuta na zo na lo ti kwa tɛ lo ti lá kɔi zu.” Zo ni ko apa nga hɛ̃ wa kpɛngɔ na mbarata ni ya, ta lo gbe kpɔ̃ nga na vinɔ ma.

Suma 7:11

Aangelo zu aka ngɛndɛ gbia ni kɛrɛrɛ, ala ka nga akangba na asa siɔ mɛ le la ngɛ̃ kɛrɛrɛ. Aangelo ni awo tise lɛbɛ lɛbɛ so gbɛlɛ ngɛndɛ gbia, atolo lɛ la tise, avɔrɔ Nzapa ya:

Suma 7:15

Nda mɛ ala longa so gbɛlɛ ngɛndɛ gbia tɛ Nzapa, ndoli kwa hɛ̃ lo bi na lá, na ya da tɛ lo la. Zo mɛ adu so ndo ngɛndɛ gbia na batangɔ la.