Suma 4:6 - Fana Ngbangɔ 1987

⁶ Mbi hũ ye kɔi nga ma kota ngu so gbɛlɛ ngɛndɛ gbia ni, andosũ bai bai nga ma tala tala. Mbi hũ asa siɔ mɛ lɛ la ngɛ̃ aka ngɛndɛ ni kɛrɛrɛ. Lɛ la amu tɛrɛ la kwɛ zu, ge gbɛlɛ la nga ka pɛko la.

Suma 4:6 Iomraidhean Croise

Suma 14:3

Azi ko butu butu alonga so gbɛlɛ ngɛndɛ gbia tɛ Nzapa, so gbɛlɛ asa siɔ mɛ lɛ la ngɛ̃, nga so gbɛlɛ akangba, ko ala so ndoye fana bia. Ta zo mɛ ndɛ̃ ahĩnga bia ni ko ma, wenge bo azi ko koto ngbangbo kɔi na ndoni koto sui siɔ ndoni koto siɔ (144.000). Adu azi mɛ ndo Nzapa atɔ̃ la na popo tɛ azi ge lɛ sese.

Suma 15:2

So pɛni, mbi hũ ye nga ma kota ngu mɛ lɛ ni ndosũ bai bai nga ma tala tala, ko wá so ndoza nga so lɛ ngu ni. Mbi hũ nga azi mɛ ndo anwɔ sa mɛ alo ka ya kota ngu asi. Adu ala mɛ akɛ̃ vɔrɔngɔ ngbilondo tɛ sa ni ko, akɛ̃ nga luangɔ sifelo mɛ alengbi na ili lo. Ala longa so nyɔ kota ngu mɛ ndosũ bai bai nga ma tala tala. Mbi hũ akundi mɛ ndo Nzapa akangbi na la so ti la.

Suma 15:7

Mbanga sa kɔi na popo tɛ asa mɛ lɛ la ngɛ̃ akangbi aangelo ko mbara mbara na akangu mbara mbara mɛ alɛkɛ na wɔrɔ. Akangu ni asĩsĩ na ngɔnzɔ tɛ Nzapa. Nzapa mɛ ndodu lɛ lo ngɛ̃ buru na buru.

Suma 19:4

Akangba sui sɛ ndoni siɔ, na asa siɔ mɛ lɛ la ngɛ̃ akuku na li kuni la, avɔrɔ Nzapa mɛ adu so ndo ngɛndɛ gbia. Ala pa ya: “Seni la! Ĩ gonda Nzapa!”

Suma 21:11

Ndima tɛ Nzapa ndosũ ka ya kɔdɔrɔ ni ko. Kɔdɔrɔ ni ndosũ nga ma tɛ́nɛ ti kota ngere, andosũ nga ma tɛnɛ mɛ ili ni la yaspɛ, ko se mɔ ba ni ko, mɔ hũ ndo ka pɛ ni nga ma se mɛ mɔ lengbi ti hũngɔ ndo ko tɛ́nɛ mɛ ili ni la kristalɛ.

Suma 21:18

Awá gbágbá ni zu na tɛ́nɛ mɛ ili ni la yaspɛ. Awá kɔdɔrɔ ni nvɛni na bɛta wɔrɔ mɛ tɛrɛ ni nga ma lɛ tala tala.

Suma 21:21

Nyɔ gbágbá ni sui kɔi ndoni se. Alɛkɛ nyɔ ngise ni kɔi kɔi na tɛ́nɛ ti kota ngere mɛ ili ni la pɛrlɛ. Alɛkɛ alege ti kɔdɔrɔ ni na bɛta wɔrɔ mɛ se mɔ ba ni ko, mɔ hũ ndo ka pɛ ni.

Suma 22:1

Angelo ko afa nga mbi na ngu mɛ ndohɛ̃ zo bɛta du. Le ngu ni ndosũ bai bai nga ma lɛ tala tala. Ngu ni ndosi na ya ngɛndɛ gbia tɛ Nzapa na tɛ Nyi Ngasã Ngbaga.

Suma 4:4

Ambanga angɛndɛ gbia mɛ ndɛ̃ sui se ndoni siɔ aka nga angɛndɛ gbia ni ko kɛrɛrɛ atengbi. Akangba sui sɛ ndoni siɔ adunga so ndo angɛndɛ ko sui sɛ ndoni siɔ. Ala yuyu ambufu bɔngɔ, abi akpɔtɔ ti gbia mɛ alɛkɛ na wɔrɔ na li la.

Suma 5:11

Mbi ti mbi ba ndo, ko mbi ma legɔ̃ aangelo butu butu nvɛni. Ta kɔdɛ ti dikɔngɔ la da ma. Ala ka ngɛndɛ gbia ni kɛrɛrɛ. Akangba ko sui se ndoni siɔ, na asa ko siɔ mɛ lɛ la ngɛ̃ nga so ndo ko.

Suma 5:14

Asa ko siɔ mɛ lɛ la ngɛ̃ ayeka da ya: “Seni la!” Akangba ko sui sɛ ndoni siɔ akuku, avɔrɔ Zo mɛ adu ndo ngɛndɛ gbia, nga na Nyi Ngasã Ngbaga.

Suma 5:6

Mbi hũ Nyi Ngasã Ngbaga alo so ndo bɛ ngɛndɛ gbia ni. Akangba ko sui sɛ ndoni siɔ, na asa ko siɔ mɛ lɛ la ngɛ̃ aka lo kɛrɛrɛ. Mɔ̃ hũ Nyi Ngasã Ngbaga ni ma bere aho lo hongɔ. Nza li lo mbara mbara, nga na lɛ lo mbara mbara adu atɔrɔ mbara mbara mɛ Nzapa ato la na lɛ sese kwɛ zu.

Suma 5:8

Nyi Ngasã Ngbaga ĩ mu buku ni ko, akangba ko sui sɛ ndoni siɔ, na asa ko siɔ mɛ lɛ la ngɛ̃ akuku gbɛlɛ lo. Kundi na ta nwa ti wɔrɔ mɛ yɔmbɔ asĩ ya ni, alengbi na ti akangba ni zu kɔi kɔi. Yɔmbɔ ni ko adu sambela mɛ azi tɛ Nzapa ndosambela na Nzapa.

Suma 6:1

So pɛni, mbi hũ Nyi Ngasã Ngbaga akongbi ndã ti uzu na popo ti ndã mbara mbara mɛ aminya na nyɔ buku. Na popo tɛ asa ko siɔ mɛ lɛ la ngɛ̃ ko, mbi ma legɔ̃ sa kɔi atɛnɛ tɛnɛ nga ma ngu la akini, lo pa ya: “Ga o!”

Suma 6:6

Mbi ma ye nga ma legɔ̃ zo adu ka popo tɛ asa ko siɔ mɛ lɛ la ngɛ̃ apa ya: “Ngere ti kilo ti le tɛ mɛ ili ni la ble alengbi na faranga mɛ andofuta na zo na lo ti kwa tɛ lo ti lá kɔi zu. Ngere ti kilo ta ti le tɛ mɛ ili ni la ɔrgɛ alengbi na faranga mɛ andofuta na zo na lo ti kwa tɛ lo ti lá kɔi zu.” Zo ni ko apa nga hɛ̃ wa kpɛngɔ na mbarata ni ya, ta lo gbe kpɔ̃ nga na vinɔ ma.

Suma 7:11

Aangelo zu aka ngɛndɛ gbia ni kɛrɛrɛ, ala ka nga akangba na asa siɔ mɛ le la ngɛ̃ kɛrɛrɛ. Aangelo ni awo tise lɛbɛ lɛbɛ so gbɛlɛ ngɛndɛ gbia, atolo lɛ la tise, avɔrɔ Nzapa ya:

Suma 7:17

Ta sanga ma, Nyi Ngasã Ngbaga mɛ adu so ndo bɛ ngɛndɛ gbia na batangɔ la, nga ma se tɛ wa batangɔ angasã ngbaga. Nyi Ngasã Ngbaga ni nga na nɔngɔ na la ka li ngu mɛ ndohɛ̃ zo bɛta du ya, ala nyɔ ni. Nzapa na mbongɔ ngulɛ zu ka lɛ la zingɔ.”