Suma 4:5 - Fana Ngbangɔ 1987

⁵ Bekpa alo ka tɛrɛ ngɛndɛ gbia ni ataima nzɛrrr, nzɛrrr, agbo gbáaa, gbáaa! Ngu akini ngbũuu ngbũuu! Tanda mbara mbara so ndoza lau lau so gbɛlɛ ngɛndɛ gbia ni. Tanda ko mbara mbara adu atɔrɔ mbara mbara tɛ Nzapa.

Suma 4:5 Iomraidhean Croise

Matie 25:1

La Yezo apa ya: “Lo Lɛngɔ Gbia tɛ Nzapa akpa gbanda nga ma se tɛ amɔsia sui kɔi mɛ alɔ mɔinda tɛ la, zo kɔi kɔi na tɛ lo, anɔ so ngorongɔ kɔli mɛ aye dungɔ na wali.

Matie 3:11

Tɛ mbi ko, mbi ndoyɔrɔ ĩ na ya ngu so hɛ̃ngɔ ĩ batisimɔ, so fangɔ ya, ĩ gbinya bɛ ĩ. Kanda zo mɛ na gangɔ pɛ mbi ko, lo na sangɔ Tɔrɔ Santo tɛrɛ ĩ so hɛ̃ngɔ ĩ batisimɔ, ko Tɔrɔ Santo ni na lingɔ kwa nga ma wá. Zo ni aɔ mbi na nguru, ta mbi du zo mɛ mbi lengbi bɛ ti hãngɔ pɔrɔ tɛ lo na gɛrɛ lo ma.

Awa Pangɔ Kwa 2:3

Ala hũ aye mɛ nga ma menga wá asi, ko ya ni akangbi, adunga na bɛ li la kɔi kɔi zu.

Suma 1:4

Mbi Yoanɛ la mbi su mbɛti olo mbi to hɛ̃ awa Kristo ti Eklezia mbara mbara mɛ ka sese ti Azia. Mbi bala ĩ! Nzapa ndo da gã, lo da na olo, lo nga na gangɔ. Wa lo li bɛ hɛ̃ ĩ nzɔ̃ bɛ ma ke! Lo li bɛ nga ya, bɛ ĩ adu pii ma ke! Atɔrɔ tɛ lo mbara mbara mɛ ndolonga so gbɛlɛ ngɛndɛ gbia tɛ lo ali bɛ nzɔ̃ bɛ hɛ̃ ĩ ma ke! Ala li bɛ nga ya, bɛ ĩ adu pii ma ke!

Suma 10:3

Lo dɛ kɔngɔ kpengbani nga ma se mɛ bamara ndogburuka na ni. Lo ĩ dɛ kɔngɔ wɛ ko, ngu akini fani mbara mbara.

Suma 11:19

Akangba ko ĩ kai ko, mbi hũ nyɔ kota da Nzapa adu ka yayu azi, ko mbi hũ sandugu kɔi ka ya kota da Nzapa ni. Adu sandugu mɛ andofa ya, Nzapa na azi tɛ lo agbe ngbanga. Bekpa ataima nzɛrrr, nzɛrrr, agbo gbáaa, gbáaa, ngu akini ngbũuu ngbũuu, sese ayingi kpu kpu kpu, ngandangombe asa gbara gbara gbara.

Suma 3:1

“Su tɛnɛ olo mɔ to hɛ̃ angelo mɛ ndobata awa Eklezia ti Sardɛ. Tɛnɛ ni alo ka nyɔ zo mɛ na atɔrɔ tɛ Nzapa mbara mbara, lo nga na atongolo mbara mbara. Zo ni ko apa ya, ni hĩnga ye zu mɛ ĩ ndoli. Ni hĩnga ya, pa ili ĩ afɔnɔ ya, ĩ dɛ lɛ ĩ ngɛ̃, kanda ĩ du azi mɛ ĩ kpili wɛ.

Suma 5:6

Mbi hũ Nyi Ngasã Ngbaga alo so ndo bɛ ngɛndɛ gbia ni. Akangba ko sui sɛ ndoni siɔ, na asa ko siɔ mɛ lɛ la ngɛ̃ aka lo kɛrɛrɛ. Mɔ̃ hũ Nyi Ngasã Ngbaga ni ma bere aho lo hongɔ. Nza li lo mbara mbara, nga na lɛ lo mbara mbara adu atɔrɔ mbara mbara mɛ Nzapa ato la na lɛ sese kwɛ zu.

Suma 8:5

So pɛni, angelo amu ta nwa ti yɔmbɔ ni, agbɔ lɛ wá mɛ so ndo mɛsa ti lungɔ Nzapa na ye, asa ya ni asĩ. Lo ĩ gana ni ka lɛ sese ko, ngu akini ngbũuu ngbũuu, bekpa agbo gbáaa gbáaa, ataima nzɛrrr nzɛrrr, sese ayingi kpu kpu kpu.