Suma 4:4 - Fana Ngbangɔ 1987

⁴ Ambanga angɛndɛ gbia mɛ ndɛ̃ sui se ndoni siɔ aka nga angɛndɛ gbia ni ko kɛrɛrɛ atengbi. Akangba sui sɛ ndoni siɔ adunga so ndo angɛndɛ ko sui sɛ ndoni siɔ. Ala yuyu ambufu bɔngɔ, abi akpɔtɔ ti gbia mɛ alɛkɛ na wɔrɔ na li la.

Suma 4:4 Iomraidhean Croise

Matie 19:28

La Yezo agbinya hɛ̃ la ya: “Mbi pa hɛ̃ ĩ ti bɛta tɛnɛ ya, mbi Nyi Zo mbi du gbanda ka fana sese, na ndo ngɛndɛ tɛ mbi ti gbia mɛ na ndima. Na ngoi ni gbanda ko, ĩ ava mbi sui kɔi ndoni se mɛ e na ĩ e ndoɔ ndoni kɔi, ĩ dunga nga gbanda na ndo angɛndɛ gbia, so fangɔ ngbanga tɛ azi ti ya ale sui kɔi ndoni se mɛ so Izrayɛlɛ.

Luka 22:30

Mbi na ĩ e tɛ gbanda, e nyɔ nga ndoni kɔi ka Kɔdɔrɔ Gbia tɛ mbi, ko ĩ dunga nga gbanda na ndo angɛndɛ gbia, so fangɔ ngbanga tɛ azi ti ya ale sui kɔi ndoni sɛ mɛ so Izrayɛlɛ.”

2 Timɔte 4:8

Ko na olo ko, Gbia Nzapa abata mbana gɛrɛ mbi ka yayu so kungɔ na mbi. Lo mɛ wa fangɔ ngbanga na seni ko, lo hɛ̃ mbi gbanda mbana gɛrɛ mbi na lá ti fangɔ ngbanga, na lo mɛ ya, lo mu mbi ka lɛ lo ya, mbi bɛta zo. Ta bo mbi kɔi gbanda la lo hɛ̃ mbi mbana gɛrɛ mbi ma. Kanda azi zu mɛ aye ya, lo na diringɔ gangɔ, ko ala ndoku lo ko, lo hɛ̃ nga la gbanda mbana gɛrɛ la.

Suma 11:16

Akangba sui sɛ ndoni siɔ mɛ adunga na ndo ngɛndɛ gbia tɛ la so gbɛlɛ Nzapa, awo tise lɛbɛ lɛbɛ, atolo lɛ la tise, avɔrɔ Nzapa ya:

Suma 14:3

Azi ko butu butu alonga so gbɛlɛ ngɛndɛ gbia tɛ Nzapa, so gbɛlɛ asa siɔ mɛ lɛ la ngɛ̃, nga so gbɛlɛ akangba, ko ala so ndoye fana bia. Ta zo mɛ ndɛ̃ ahĩnga bia ni ko ma, wenge bo azi ko koto ngbangbo kɔi na ndoni koto sui siɔ ndoni koto siɔ (144.000). Adu azi mɛ ndo Nzapa atɔ̃ la na popo tɛ azi ge lɛ sese.

Suma 19:14

Aturugu ti yayu so pɛko lo, ala na ambufu mbarata, ala yuyu akpɔ̃ bɔngɔ mɛ mbufuni pa pa pa, abɔngɔ mɛ ta bi tɛrɛ ni ma.

Suma 19:4

Akangba sui sɛ ndoni siɔ, na asa siɔ mɛ lɛ la ngɛ̃ akuku na li kuni la, avɔrɔ Nzapa mɛ adu so ndo ngɛndɛ gbia. Ala pa ya: “Seni la! Ĩ gonda Nzapa!”

Suma 2:10

Ta ĩ du na mbɛtɔ na lo pɛnɔ mɛ ĩ na hũngɔ ma. Wa í ma la: Satana na sangɔ ambanga azi na popo tɛ ĩ bɔlɔkɔ so tarangɔ bɛ ĩ, ĩ na hũngɔ pɛnɔ bi sui kɔi. Ko ĩ ye bo lo tɛ ni bɛ ĩ kɔi nga ka ĩ kpili. Ni hɛ̃ ĩ gbanda mbana gɛrɛ ĩ, mbana gɛrɛ ni adu du ti kaka.

Suma 20:4

So pɛni, mbi hũ nga angɛndɛ gbia na azi so ndo ni dunga. Nzapa ahɛ̃ azi ni ko nguru ya, ala fa ngbanga tɛ azi. Mbi hũ nga atɔrɔ tɛrɛ azi mɛ ndo afara gɔ̃ la, na lo mɛ ya, ala pa ndo tɛnɛ tɛ Nzapa, apa nga bɛta tɛnɛ mɛ Yezo afa na la. Ta ala vɔrɔ ndo sa ni, bere ngbilondo tɛ sa ni ma. Ta asu ndo ili sa ni na ndo lɛ la, bere na ndo ti la ma. Ala so na pɛ kwá, ko ala na Yezo Kristo ale gbia buru koto kɔi.

Suma 3:18

Nda mɛ ni ndowa ĩ ya, í ga ka tɛ ni, í vɔ̃ wɔrɔ mɛ ayɔrɔ ka ya wá, bi ti tɛrɛ ni awɛ, wa se mɛ ĩ ti awa nwa la. Ale ĩ vɔ̃ abɔngɔ mɛ mbufuni ĩ yu, wa ĩ vĩ na ndumbu tɛrɛ ĩ, ndumbu ni ndohɛ̃ kamɛnɛ. Ale ĩ vɔ̃ nga yɔrɔ ti ziba, ĩ do le ĩ, wa se mɛ ĩ hũ ndo la.

Suma 4:10

Wa na ngoi ko la asa ko ndoli nga so ko, akangba ko sui sɛ ndoni siɔ so ndokuku gbɛlɛ Zo mɛ adu so ndo ngɛndɛ gbia, Zo mɛ ndodu lɛ lo ngɛ̃ buru na buru. Ala so ndovɔrɔ lo, so ndohãna akpɔtɔ tɛ la ti gbia, so ndosa so gbɛlɛ ngɛndɛ gbia tɛ lo, so ndopa ya:

Suma 4:6

Mbi hũ ye kɔi nga ma kota ngu so gbɛlɛ ngɛndɛ gbia ni, andosũ bai bai nga ma tala tala. Mbi hũ asa siɔ mɛ lɛ la ngɛ̃ aka ngɛndɛ ni kɛrɛrɛ. Lɛ la amu tɛrɛ la kwɛ zu, ge gbɛlɛ la nga ka pɛko la.

Suma 5:11

Mbi ti mbi ba ndo, ko mbi ma legɔ̃ aangelo butu butu nvɛni. Ta kɔdɛ ti dikɔngɔ la da ma. Ala ka ngɛndɛ gbia ni kɛrɛrɛ. Akangba ko sui se ndoni siɔ, na asa ko siɔ mɛ lɛ la ngɛ̃ nga so ndo ko.

Suma 5:14

Asa ko siɔ mɛ lɛ la ngɛ̃ ayeka da ya: “Seni la!” Akangba ko sui sɛ ndoni siɔ akuku, avɔrɔ Zo mɛ adu ndo ngɛndɛ gbia, nga na Nyi Ngasã Ngbaga.

Suma 5:6

Mbi hũ Nyi Ngasã Ngbaga alo so ndo bɛ ngɛndɛ gbia ni. Akangba ko sui sɛ ndoni siɔ, na asa ko siɔ mɛ lɛ la ngɛ̃ aka lo kɛrɛrɛ. Mɔ̃ hũ Nyi Ngasã Ngbaga ni ma bere aho lo hongɔ. Nza li lo mbara mbara, nga na lɛ lo mbara mbara adu atɔrɔ mbara mbara mɛ Nzapa ato la na lɛ sese kwɛ zu.

Suma 5:8

Nyi Ngasã Ngbaga ĩ mu buku ni ko, akangba ko sui sɛ ndoni siɔ, na asa ko siɔ mɛ lɛ la ngɛ̃ akuku gbɛlɛ lo. Kundi na ta nwa ti wɔrɔ mɛ yɔmbɔ asĩ ya ni, alengbi na ti akangba ni zu kɔi kɔi. Yɔmbɔ ni ko adu sambela mɛ azi tɛ Nzapa ndosambela na Nzapa.

Suma 6:11

Ahɛ̃ zo kɔi kɔi na popo tɛ la mbufu bɔngɔ, apa hɛ̃ la ya: “Ĩ wɔ tɛrɛ ĩ yakere, na lo mɛ ya, ta ĩ dɛ ĩ lengbi zu ma. Ambanga afɔ̃ ĩ mɛ ndoli kwa hɛ̃ Nzapa ade ka lɛ sese. Ale aho la nga ma se mɛ aho na ĩ hĩ, wadila Nzapa afa ngbanga tɛ azi ko la akpɔ ĩ na afɔ̃ ĩ ni.”

Suma 7:11

Aangelo zu aka ngɛndɛ gbia ni kɛrɛrɛ, ala ka nga akangba na asa siɔ mɛ le la ngɛ̃ kɛrɛrɛ. Aangelo ni awo tise lɛbɛ lɛbɛ so gbɛlɛ ngɛndɛ gbia, atolo lɛ la tise, avɔrɔ Nzapa ya:

Suma 7:9

So pɛni ko, mbi ti ba ndo, ko mbi hũ azi butu butu nvɛni, ta kɔdɛ ti dikɔngɔ la da ma. Ala du azi ti sese zu, ti ale zu, nga na ti yanga kɔdɔrɔ zu. Ala longa so gbɛlɛ ngɛndɛ gbia, nga so gbɛlɛ Nyi Ngasã Ngbaga. Ala yuyu ambufu bɔngɔ, ala gbɔnɔ nga anzango mburu so ti la.

Suma 9:7

Akatɛ ni akpa ambarata mɛ alɛkɛ la so tiringɔ na to. Ambanga aye na li la nga ma kpɔtɔ ti gbia mɛ alɛkɛ na wɔrɔ, yangba lɛ la nga ma yangba lɛ azi.