Suma 4:10 - Fana Ngbangɔ 1987

¹⁰ Wa na ngoi ko la asa ko ndoli nga so ko, akangba ko sui sɛ ndoni siɔ so ndokuku gbɛlɛ Zo mɛ adu so ndo ngɛndɛ gbia, Zo mɛ ndodu lɛ lo ngɛ̃ buru na buru. Ala so ndovɔrɔ lo, so ndohãna akpɔtɔ tɛ la ti gbia, so ndosa so gbɛlɛ ngɛndɛ gbia tɛ lo, so ndopa ya:

Suma 4:10 Iomraidhean Croise

Matie 2:11

La ala nɔ ali ya da ni ko. Ala ĩ hũ nyingambi na ta lo Maria ko, ala kuku na li kuni la, avɔrɔ nyingambi ni. Ala zizi nyɔ kumba tɛ la, ahɛ̃ lo tisa. Tisa ni adu ndo wɔrɔ, na yɔmbɔ mɛ andozɔ zɔngɔ, nga na mbanga yɔmbɔ mɛ ili ni la mirɛ.

Luka 24:52

Kanda tɛ ava lo ko, ala vɔrɔ ndo lo, la ala diri ka Yeruzalɛmɛ na kota dengɔ bɛ.

1 Kɔrinto 15:10

Kanda na lo ti nzɔ̃ bɛ mɛ Nzapa ali hɛ̃ mbi, la mbi ti zo nga ma se mɛ ĩ ndohũ na mbi na olo, ko ta nzɔ̃ bɛ ni agwe gɛgɛrɛ ma. Ko mbi li ndo kwa mbi ɔ awa pangɔ kwa tɛ Yezo mɛ ndɛ̃ zu. Kanda ti biani ko, ta na lo nguru tɛ mbi nvɛni la mbi li ndo kwa ni ko ma, adu na lo nzɔ̃ bɛ mɛ Nzapa ali hɛ̃ mbi la mbi li ndo kwa ni ko.

Suma 10:6

anyɔ ngɛ na ili Nzapa mɛ ndodu lɛ lo ngɛ̃ buru na buru, wa lingɔ ndozu na ye zu mɛ ka lɛ ni, wa lingɔ sese na ye zu mɛ ka lɛ ni, wa lingɔ nga kota ngu na aye zu mɛ ka ya ni. Angelo ni apa ya: “Ló na singɔ bo lo mɛ.

Suma 11:16

Akangba sui sɛ ndoni siɔ mɛ adunga na ndo ngɛndɛ gbia tɛ la so gbɛlɛ Nzapa, awo tise lɛbɛ lɛbɛ, atolo lɛ la tise, avɔrɔ Nzapa ya:

Suma 15:4

Gbia, zo mɛ ta alengbi ti kpɛngɔ mɔ ma na? Zo mɛ alengbi ti kɛ̃ngɔ ya, ta ni gonda mɔ ma na? Ta sanga ma, bo mɔ kɔi la santo. Azi ti lɛ sese zu aga gbanda, awo tɛrɛ la tise so vɔrɔngɔ mɔ, Ta sanga ma, abɛta kwa mɛ mɔ li asi yango ngbɛ̃.”

Suma 15:7

Mbanga sa kɔi na popo tɛ asa mɛ lɛ la ngɛ̃ akangbi aangelo ko mbara mbara na akangu mbara mbara mɛ alɛkɛ na wɔrɔ. Akangu ni asĩsĩ na ngɔnzɔ tɛ Nzapa. Nzapa mɛ ndodu lɛ lo ngɛ̃ buru na buru.

Suma 19:4

Akangba sui sɛ ndoni siɔ, na asa siɔ mɛ lɛ la ngɛ̃ akuku na li kuni la, avɔrɔ Nzapa mɛ adu so ndo ngɛndɛ gbia. Ala pa ya: “Seni la! Ĩ gonda Nzapa!”

Suma 4:2

Ta ĩ ninga ma ko, Tɔrɔ Santo asa tɛrɛ mbi. Mbi hũ ngɛndɛ gbia kɔi ka yayu, na zo so ndo ni du.

Suma 4:4

Ambanga angɛndɛ gbia mɛ ndɛ̃ sui se ndoni siɔ aka nga angɛndɛ gbia ni ko kɛrɛrɛ atengbi. Akangba sui sɛ ndoni siɔ adunga so ndo angɛndɛ ko sui sɛ ndoni siɔ. Ala yuyu ambufu bɔngɔ, abi akpɔtɔ ti gbia mɛ alɛkɛ na wɔrɔ na li la.

Suma 4:9

Asa ko siɔ ndoye bia so gondangɔ, tɔndɔngɔ, hɛ̃ngɔ nga sia kɔli hɛ̃ Zo mɛ adu na ndo ngɛndɛ gbia, Zo mɛ ndodu lɛ lo ngɛ̃ buru na buru.

Suma 5:14

Asa ko siɔ mɛ lɛ la ngɛ̃ ayeka da ya: “Seni la!” Akangba ko sui sɛ ndoni siɔ akuku, avɔrɔ Zo mɛ adu ndo ngɛndɛ gbia, nga na Nyi Ngasã Ngbaga.

Suma 5:8

Nyi Ngasã Ngbaga ĩ mu buku ni ko, akangba ko sui sɛ ndoni siɔ, na asa ko siɔ mɛ lɛ la ngɛ̃ akuku gbɛlɛ lo. Kundi na ta nwa ti wɔrɔ mɛ yɔmbɔ asĩ ya ni, alengbi na ti akangba ni zu kɔi kɔi. Yɔmbɔ ni ko adu sambela mɛ azi tɛ Nzapa ndosambela na Nzapa.

Suma 7:11

Aangelo zu aka ngɛndɛ gbia ni kɛrɛrɛ, ala ka nga akangba na asa siɔ mɛ le la ngɛ̃ kɛrɛrɛ. Aangelo ni awo tise lɛbɛ lɛbɛ so gbɛlɛ ngɛndɛ gbia, atolo lɛ la tise, avɔrɔ Nzapa ya: