Suma 4:1 - Fana Ngbangɔ 1987

¹ So pɛni, mbi hũ suma mɛ ndɛ̃, ko mbi hũ nyɔ ngise mɛ azi zingɔ ka yayu, angbã gapoo. Zo ko ndo atɛnɛ tɛnɛ hɛ̃ mbi uzu ko, mbi ti mbi ma legɔ̃ lo so ndotɛnɛ tɛnɛ nga ma mbana la ndokpale. Lo tɛnɛ hɛ̃ mbi ya, mbi ma ka ndozu, ko ni fa mbi na aye mɛ na gangɔ gesi.

Suma 4:1 Iomraidhean Croise

Matie 3:16

Bo na ngoi mɛ Yoanɛ ĩ hɛ̃ Yezo batisimɔ ko, Yezo alo ka ya ngu ako gegi, ko lo hũ lɛ ndozu azi mbue. Lo hũ Tɔrɔ tɛ Nzapa aga nga ma mbipa, azu ndo lo.

Marko 1:10

Ngoi mɛ Yezo alo ka ya ngu so ndoko gegi ko, lo hũ lɛ ndozu azi mbue! Tɔrɔ Santo aga nga ma mbipa, azu ndo lo.

Luka 3:21

Uzu ya abi Yoanɛ bɔlɔkɔ ko, Yoanɛ ahɛ̃ batisimɔ hɛ̃ azi zu mɛ ndo so ndo ko, so pɛni lo hɛ̃ nga Yezo batisimɔ. Ngoi mɛ Yezo so ndosambela Nzapa ko, le ndozu azi mbue,

Yoanɛ 16:13

Ngoi mɛ Tɔrɔ Santo mɛ ndopa beta lo tɛ Nzapa aga aza ĩ hĩ, wadila ĩ hĩnga beta lo zu. Ta lo na tɛnɛngɔ tɛnɛ na nguru tɛ lo nvɛni ma, kanda lo na pangɔ hɛ̃ ĩ atɛnɛ zu mɛ lo ma ka nyɔ To mbi, lo nga na pangɔ hɛ̃ ĩ alo mɛ gbanda na singɔ.

Awa Pangɔ Kwa 10:11

Na ya Suma ni ko, lo hũ lɛ yayu azi mbue! Ko ye kɔi alo kai so ndozu. Ye ni ko akpa kota ma bɔngɔ mɛ agbɔ̃ ni na ndangɔrɔ siɔ, ko so ndozu ge tise.

Awa Pangɔ Kwa 7:56

La Etieni apa hɛ̃ la ya: “Ĩ ma la, mbi hũ lɛ yayu azi yango! Ko mbi hũ nga Nyi Zo alo na ndo kɔti ti Nzapa.”

Suma 1:10

Mbanga lá yenga kɔi, Tɔrɔ Santo asa tɛrɛ mbi, ko mbi hũ suma. La mbi ma legɔ̃ zo so pɛko mbi ndotɛnɛ tɛnɛ na kɔngɔ, nga ma se mɛ mbana ndokpale na ni.

Suma 1:12

Ngoi mɛ mbi ma tɛnɛ ni ko, mbi sana tɛrɛ mbi ya, mbi ba zo mɛ atɛnɛ tɛnɛ ni hɛ̃ mbi. Ko mbi hũ gɛrɛ wá mbara mbara mɛ alɛkɛ na wɔrɔ.

Suma 1:19

Wa su aye mɛ mɔ hũ. Su aye mɛ ndosi na olo mɛ, nga na aye mɛ na gangɔ gesi.

Suma 11:12

La awa pangɔ nyɔ Nzapa ko sɛ ama legɔ̃ zo mɛ adu ka yayu, atɛnɛ tɛnɛ na kɔngɔ hɛ̃ la ya: “Ĩ ma ge!” La ala ma ka yayu na ya da baba, ko na ngoi mɛ ala so ndoma ko, awa kɛ̃ngɔ la so ndoba la.

Suma 11:19

Akangba ko ĩ kai ko, mbi hũ nyɔ kota da Nzapa adu ka yayu azi, ko mbi hũ sandugu kɔi ka ya kota da Nzapa ni. Adu sandugu mɛ andofa ya, Nzapa na azi tɛ lo agbe ngbanga. Bekpa ataima nzɛrrr, nzɛrrr, agbo gbáaa, gbáaa, ngu akini ngbũuu ngbũuu, sese ayingi kpu kpu kpu, ngandangombe asa gbara gbara gbara.

Suma 16:17

Angelo ti mbara mbara amu kangu tɛ lo mɛ ngɔnzɔ tɛ Nzapa ya ni, asa ka lɛ mbo. La mbi ma legɔ̃ zo atɛnɛ tɛnɛ na kɔngɔ ka ya kota da Nzapa. Legɔ̃ zo ni alo ka ndo ngɛndɛ gbia mɛ Nzapa adu da, zo ni apa ya: “Awɛ!”

Suma 19:11

So pɛni, mbi hũ lɛ ndozu azi, ko mbufu mbarata asi na zo so ndo lo. Ili zo ni la: “Bɔrɔ zo - Bɛta zo.” Zo ni ko ndofa ngbanga na seni, lo ndotiri nga to na seni.

Suma 22:6

So pɛni, angelo apa hɛ̃ mbi ya: “Tɛnɛ olo adu beta tɛnɛ, adu nga tɛnɛ mɛ zo alengbi ti kpãngɔ bɛ lo ndo ni. Gbia Nzapa mɛ wa hɛ̃ngɔ Tɔrɔ Santo tɛ lo hɛ̃ awa pangɔ nyɔ lo, ato angelo tɛ lo ya, lo fa awa kwa tɛ ni na alo mɛ na singɔ bo lo mɛ.”