Suma 3:8 - Fana Ngbangɔ 1987

⁸ Zo ni ko apa ya, ni hĩnga ye zu mɛ ĩ ndoli, ni hĩnga nga ya nguru tɛ ĩ adu bo yakere, kanda ĩ ndoma nyɔ ni, ko ta ĩ bɛre nga lo tɛ ni ma. Ni zi nyɔ ngise ya ĩ li ka ya da, ko ta zo kɔi alengbi ti vĩngɔ ni ma.

Suma 3:8 Iomraidhean Croise

Luka 12:9

Kanda zo ko gbanda abɛrɛ na gbɛlɛ azi ya, ta ni hĩnga mbi ma ko, mbi Nyi Zo, mbi bere nga gbanda na gbɛlɛ aangelo tɛ Nzapa ya, ta mbi hĩnga zo ni ko ma.

Yoanɛ 15:20

Ĩ da bɛ ĩ na tɛnɛ ko ndo mbi tɛnɛ hɛ̃ ĩ, tɛnɛ ni lo mɛ: ‘Ta wa kwa ndoɔ gbia tɛ lo ma.’ Se ko ndo ala hɛ̃ mbi pɛnɔ ko, se mɛ nga ala na hɛ̃ngɔ ĩ pɛnɔ la. Se ko ndo ala kɛ̃ na atɛnɛ tɛ mbi ko, se mɛ nga ala na kɛ̃ngɔ na atɛnɛ tɛ ĩ la.

Yoanɛ 17:6

“Mɔ hã ambanga azi ti lɛ sese na popo tɛ afɔ̃ la, mɔ hɛ̃ mbi, ko mbi fa mɔ na la, ala hĩnga mɔ. Ala azi tɛ mɔ, la mɔ hɛ̃ la hɛ̃ mbi, ala tɔndɔ tɛnɛ tɛ mɔ.

Awa Pangɔ Kwa 14:27

Ala ĩ si ka Antiɔsɛ ko, ala bombi azi ti Eklezia, apa hɛ̃ la alo zu mɛ Nzapa ali ti ndo la, apa nga hɛ̃ la se mɛ ndo Nzapa azi na lege hɛ̃ azi mɛ ta Ayuda ma ya, ala ye nga lo tɛ Yezo.

1 Kɔrinto 16:9

Ta sanga ma, bɛ se awa kɛ̃ngɔ mbi adu gba ge Efɛzɛ ko, mbi lua nzɔ̃ ngoi so lingɔ na kota kwa hɛ̃ Nzapa.

2 Kɔrinto 2:12

Ngoi mɛ ndo mbi si ka kɔdɔrɔ ti Troasi so pangɔ Nzɔ̃ Pa tɛ Yezo Kristo ko, mbi hũ ndo ya, Gbia ahɛ̃ ndo mbi nzɔ̃ lege ti pangɔ na Nzɔ̃ Pa ni.

Filipɛ 4:13

Mbi lengbi ti gbengɔ bɛ mbi na lingɔ aye ko zu, na lo nguru tɛ Yezo Kristo.

Kɔlɔsɛ 4:3

Ale ĩ sambela nga lo na lo tɛ e ya, lo zi hɛ̃ e lege, ko e pa hɛ̃ azi lo tɛ Yezo Kristo mɛ Nzapa ahɔndɛ na azi. Adu na lo ti pangɔ lo ni la mbi na olo ge ya bɔlɔkɔ.

1 Timɔte 5:8

Se ta zo akã asongo lo ma, se ta lo kã mai bo azi ti nda se wa tɛ lo nvɛni ma ko, afa ya, lo kɛ̃ lege tɛ Nzapa, ko siɔ ye tɛ lo aɔ nga ndo siɔ ye tɛ zo mɛ ta aye lo tɛ Nzapa ma.

2 Timɔte 4:7

Mbi tiri nzɔ̃ to na lo kwa tɛ Nzapa we. Ko adu nga ma kpɛ la mbi kpɛ ngbĩi mbi si ka nda ni gbɔ. Ta mbi dɔ lo yengɔ lo tɛ Yezo Kristo mbi zia ma.

Yudɛ 1:4

Mbi tɛnɛ nga so, ta sanga ma, ambanga asiɔ azi ali na popo tɛ e na poroso. Ala ndogbinya tɛnɛ ti nzɔ̃ bɛ tɛ Nzapa tɛ e ati ndɛ̃, ala ndopa nga ya, e lengbi ti lingɔ siɔ ye mɛ bɛ e aye. Ala kɛ̃ Yezo Kristo mɛ bo lo kɔi la wa hangɔ e na lo tɛ Nzapa, lo nga Gbia tɛ e. Asu ndo ka ya Buku tɛ Nzapa gã ya, Nzapa afa gbanda ngbanga abi li azi ni ko.

Suma 2:13

ni hĩnga ndo mɛ ĩ ndodu da. Ĩ ndodu na ndo mɛ Satana ndole gbia da. Ĩ gbɔ̃ lo tɛ ni ka ka ka. Abɛ na ngoi ko ndo azi aho na Antipasi mɛ bɛta temwɛ tɛ ni, ka tɛ ĩ mɛ Satana ndodu da ko, ĩ gbɔ̃ ndo lo tɛ ni ka ka ka. Ta ĩ zia yengɔ lo tɛ ni ma.

Suma 2:2

ni hĩnga ye zu mɛ ĩ li, ni hĩnga ya, ĩ ndoli kwa kpuru kpuru, ĩ ndogbe nga bɛ ĩ na ya pɛnɔ. Ni hĩnga ya, ĩ kɛ̃ batangɔ asiɔ azi so popo tɛ ĩ. Ĩ tara bɛ azi mɛ ndomu tɛrɛ la ya, ani awa pangɔ kwa tɛ ni, kanda ta ala awa pangɔ kwa tɛ ni ma, ko ĩ hũ ya, ala du awa nvɛnɛ.

Suma 22:7

La Yezo apa ya: “Ma hĩ, angbã yakere mbi ga! Dengɔ bɛ ati na azi ko la atɔndɔ tɛnɛ mɛ alo ka nyɔ Nzapa, la asu na ya buku olo mɛ.”

Suma 3:1

“Su tɛnɛ olo mɔ to hɛ̃ angelo mɛ ndobata awa Eklezia ti Sardɛ. Tɛnɛ ni alo ka nyɔ zo mɛ na atɔrɔ tɛ Nzapa mbara mbara, lo nga na atongolo mbara mbara. Zo ni ko apa ya, ni hĩnga ye zu mɛ ĩ ndoli. Ni hĩnga ya, pa ili ĩ afɔnɔ ya, ĩ dɛ lɛ ĩ ngɛ̃, kanda ĩ du azi mɛ ĩ kpili wɛ.

Suma 3:10

Wa oko la ĩ ma ndo nyɔ mɛ ni hɛ̃ ya, ĩ gbe bɛ ĩ na ya apɛnɔ, la ĩ gbe be ĩ ko, ni na batangɔ ĩ na ngoi mɛ gbanda apɛnɔ ati ndo azi ti lɛ sese zu so tarangɔ bɛ la.

Suma 3:15

ni hĩnga ye zu mɛ ĩ ndoli, ni hĩnga ya, ta lo yengɔ tɛ ĩ adu woni ma, ni hĩnga nga ya, ta lo yengɔ tɛ ĩ adu kpengbani ma. Ni ndosepara ya, ale lo yengɔ tɛ ĩ adu woni bere kpengbani.

Suma 3:7

“Su tɛnɛ olo mɔ to hɛ̃ angelo mɛ ndobata awa Eklezia ti Filadɛlfia. Tɛnɛ ni alo ka nyɔ zo mɛ santo, zo mɛ bɛta zo, zo mɛ ndobata nyi kɛrɛrɛ tɛ gbia Davidi, zo mɛ se lo zi nyɔ ngise ko, ta zo kɔi alengbi ti vĩngɔ ni ma. Se lo vĩ nga nyɔ da ko, ta zo kɔi alengbi nga ti zingɔ ni ma.