Suma 3:7 - Fana Ngbangɔ 1987

⁷ “Su tɛnɛ olo mɔ to hɛ̃ angelo mɛ ndobata awa Eklezia ti Filadɛlfia. Tɛnɛ ni alo ka nyɔ zo mɛ santo, zo mɛ bɛta zo, zo mɛ ndobata nyi kɛrɛrɛ tɛ gbia Davidi, zo mɛ se lo zi nyɔ ngise ko, ta zo kɔi alengbi ti vĩngɔ ni ma. Se lo vĩ nga nyɔ da ko, ta zo kɔi alengbi nga ti zingɔ ni ma.

Suma 3:7 Iomraidhean Croise

Matie 16:19

Mbi na hɛ̃ngɔ mɔ aya kɛrɛrɛ ti nyɔ da ti Kɔdɔrɔ Gbia tɛ Nzapa. Ye mɛ mɔ na gbanzingɔ ge lɛ sese ko, Nzapa nga na gbanzingɔ ni ka yayu. Ye mɛ mɔ na zingɔ lege ni hɛ̃ azi ko, Nzapa nga na zingɔ lege ni ka yayu.”

Matie 24:35

Ndozu na sese awɛ gbanda, kanda ta tɛnɛ tɛ mbi awɛ gbanda bɛ gbɔ ma.”

Marko 1:24

“Oo Yezo wa Nazarɛtɛ, ye mɛ mɔ ye lingɔ na e nɛ? Mɔ ga ya mɔ ho e? Mbi hĩnga mɔ nzɔ̃ni. Mɔ Santo mɛ Nzapa ato mɔ!”

Luka 1:32

Lo na tingɔ zo ti ndima. Gbia Nzapa mɛ ka yayu na ilingɔ lo ya, lo Nyi ni, Gbia Nzapa nga na kpãngɔ lo gbia na mada tɛ kotara lo Davidi.

Luka 4:34

“Oo. Yezo wa Nazarɛte, ye mɛ mɔ ye lingɔ na e nɛ? Mɔ ga ya mɔ ho e? Mbi hĩnga mɔ nzɔ̃ni, mɔ santo mɛ Nzapa ato mɔ!”

Yoanɛ 14:6

Yezo agbinya hɛ̃ lo ya: “Mbi nga ma lege mɛ agwe ka tɛ To mbi, mbi beta lo tɛ Nzapa, mbi ndohɛ̃ nga beta du. Zo ko la aye singɔ ka tɛ To mbi ko, ale lo ɔ uzu ti ndo mbi.

Awa Pangɔ Kwa 3:14

Ĩ kɛ̃ ndo Zo mɛ santo, Zo mɛ nga bɛta Zo, ko ĩ hũnda ndo Pilato ya, lo zi hɛ̃ ĩ wa kpɔngɔ azi.

1 Yoanɛ 5:20

E hĩnga ya, Yezo Nyi Nzapa aga ndo ge lɛ sese, aha e na ndara ya, e hĩnga bɛta Nzapa. Na lo tɛ Yezo Kristo la, e ndodu ndoni kɔi na bɛta Nzapa. Lo la bɛta Nzapa mɛ ahɛ̃ e du ti kaka.

Suma 1:11

Zo ni ko apa hɛ̃ mbi ya, aye mɛ mbi ndohũ ko, mbi su na mbɛti, mbi to hɛ̃ awa Kristo ti Eklezia mbara mbara olo mɛ: Eklezia ti Efɛzɛ, ti Simirnɛ, ti Pɛrgamɛ, ti Tiatirɛ, ti Sardɛ, ti Filadɛlfia, nga na ti Laodisea.

Suma 1:18

Mbi lɛ mbi ngɛ̃. Mbi kpi ndo, kanda na olo ko, mbi so, ko mbi na dungɔ lɛ mbi ngɛ̃ buru na buru. Mbi Gbia ti ndo kwá, mbi nga Gbia ti ndo mɛ awa kwáni ndodu da.

Suma 1:5

Yezo Kristo lo bɛta temwɛ tɛ Nzapa, lo kɔzo zo mɛ ndo lo so na pɛ kwa, lo nga Gbia tɛ agbia ti le sese. Lo li bɛ nga nzɔ̃ bɛ hɛ̃ ĩ, lo li bɛ nga ya, bɛ ĩ adu pii ma ke! Bɛ lo aye e, lo kpi ndo so hãngɔ siɔ ye tɛ e zingɔ.

Suma 15:3

Ala ndoye bia tɛ Mɔizɛ mɛ wa kwa tɛ Nzapa, bia ni ko adu nga tɛ Nyi Ngasã Ngbaga. Bia ni lo mɛ: “Gbia Nzapa mɔ lombe, Aye mɛ mɔ li adu akokɛnɛ ye ti bemangɔ! Mɔ Gbia ti ndo azi ti lɛ sese zu, Aye mɛ mɔ ndoli ndodu na Seni, ndodu nga bɛtani!

Suma 16:7

So pɛni, mbi ma legɔ̃ zo atɛnɛ tɛnɛ ka tɛrɛ mɛsa ti lungɔ Nzapa na ye ya: “Seni la, Gbia Nzapa mɔ lombe, ngbanga mɛ mɔ ndofa andodu na seni mbiri mbiri.”

Suma 19:11

So pɛni, mbi hũ lɛ ndozu azi, ko mbufu mbarata asi na zo so ndo lo. Ili zo ni la: “Bɔrɔ zo - Bɛta zo.” Zo ni ko ndofa ngbanga na seni, lo ndotiri nga to na seni.

Suma 19:2

Ngbanga mɛ lo ndofa ndodu na seni mbiri mbiri! Ta sanga ma, lo fa ngbanga, lo bi li wali ngbabo mɛ ndo agbɛ̃ azi ti le sese na lingɔ siɔ ye ti kamɛnɛ tɛ lo. Nzapa ahɛ̃ lo etumbu, na lo mɛ ya, lo kpɔ ndo awa kwa tɛ Nzapa.”

Suma 2:1

“Su tɛnɛ olo mɔ to hɛ̃ angelo mɛ ndobata awa Eklezia ti Efɛzɛ. Tɛnɛ ni alo ka nyɔ zo mɛ agbɔ̃ atongolo mbara mbara na kɔti ti lo, zo ni ndodɔ nɔ na popo ti gɛrɛ wá mbara mbara mɛ alɛkɛ na wɔrɔ. Zo ni ko apa ya,

Suma 21:5

La zo mɛ adu so ndo ngɛndɛ gbia apa ya: “Na olo ko, mbi li aye zu fanani.” Lo pa hɛ̃ mbi ya: “Su tɛnɛ mɛ, ta sanga ma, tɛnɛ ni adu bɛta tɛnɛ, adu nga tɛnɛ mɛ zo alengbi ti kpãngɔ bɛ lo ndo ni.”

Suma 3:14

“Su tɛnɛ olo mɔ to hɛ̃ angelo mɛ ndobata awa Eklezia ti Laodisea. Tɛnɛ ni alo ka nyɔ zo mɛ ili lo la ‘Seni la’. Lo bɛta temwɛ tɛ Nzapa, lo nga bɛta wa pangɔ tɛnɛ. Nzapa ali ndo ye zu ti ndo lo. Zo ni ko apa ya,

Suma 4:8

Sa kɔi kɔi na kpange ti lo mana, lɛ la amu tɛrɛ la zu, ka ya ni, nga ka koko ni. Bi na lá, ta ala ndonzɛ̃ na yengɔ bia ma. Bia mɛ ala ndoye lo mɛ: “Gbia Nzapa mɔ santo, mɔ bɛta santo, Mɔ lombe. Mɔ ndo da gã, mɔ da na olo, mɔ na gangɔ.”

Suma 5:9

Ala ndoye fana bia ya: “Mɔ lengbi ti mungɔ buku Kongbingɔ andã ni zingɔ. Ta sanga ma, aho ndo mɔ, Ko na lo ti kwá mɛ ndo mɔ kpi ko, Mɔ tɔ̃ ambanga azi hɛ̃ Nzapa. Azi mɛ mɔ tɔ̃ la ko, adu azi ti ale zu, Ti yanga kɔdɔrɔ zu, nga na ti lɛ sese zu.

Suma 6:10

Atɔrɔ tɛrɛ azi ni ko so ndodɛrɛ kɔngɔ kpengbani ya: “Gbia, mɔ mɛ santo, mɔ mɛ bɛta Nzapa, mɔ fa gbanda ngbanga tɛ azi ti lɛ sese mɛ ndo akpɔ e lá wa? Mɔ hɛ̃ nga gbanda etumbu hɛ̃ la lá wa?”