Suma 3:4 - Fana Ngbangɔ 1987

⁴ Kanda so ya Eklezia tɛ ĩ nvɛni ti Sardɛ ko, ambanga azi mɛ abata bɔngɔ tɛ la ya, ta avu ma da. Ala yu gbanda mbufu bɔngɔ, ko ni na la, ani dɔ nɔ ndoni kɔi. Ta sanga ma, ala du azi mɛ alengbi ti dɔngɔ nɔ ndoni kɔi na ni.

Suma 3:4 Iomraidhean Croise

Matie 10:11

“Kɔdɔrɔ kwɛ ko la ĩ si da ko, ĩ gi zo mɛ aye yambangɔ ĩ, ko ĩ ngbã so tɛ lo, ngbĩi nga ka ĩ lo so ndo ko ĩ ɔ.

Marko 16:5

Ala ĩ li ka ya du sɛndɛ, ala ĩ ya le la ko, ala hũ pandara kɔi adu na ndo kɔti, ayu yɔngɔrɔ bɔngɔ mɛ mbufuni pɛ pɛ pɛ, ko mbɛtɔ agbɔ̃ la.

Luka 20:35

Kanda akɔli na awe ko la Nzapa amu la ka lɛ lo ya, ala du azi mɛ alengbi ti songɔ na pɛ kwá, ala du nga azi mɛ alengbi ti dungɔ azi ti sese mɛ na gangɔ gesi ko, ta ala na dungbingɔ ma.

Luka 21:36

Ta ĩ́ langa langɔ ma! Ale ĩ ndosambela ngoi zu, wadila ĩ lua nguru ti songɔ na ya alo zu mɛ na gangɔ, ko ĩ lua nga nguru ti singɔ gbɛlɛ mbi Nyi Zo.”

Awa Pangɔ Kwa 1:15

Mbanga lá kɔi, awa yengɔ lo tɛ Yezo abombi tɛrɛ la ndoni kɔi. Ala ndo kwɛ zu nga ma ngbangbo kɔi ndoni sui sɛ. La Petro alo ndozu so popo tɛ la, apa hɛ̃ la ya:

2 Tɛsalɔnikɛ 1:5

Aye ko zu ndofa yango ya, Nzapa afa gbanda ngbanga tɛ azi na seni. Ta sanga ma, na lo ti gbengɔ bɛ zu mɛ ĩ ndogbe ko, ĩ na tingɔ azi mɛ ĩ lengbi ti singɔ ka Kɔdɔrɔ Gbia tɛ Nzapa, kɔdɔrɔ mɛ ĩ ndohũ pɛnɔ na lo ni.

Yudɛ 1:23

Ala ndomu lege ti gwengɔ ka ya wá, ale ĩ so la, so ala sa ya wá akpili. Wa tɛ azi mɛ ndɛ̃ ko, ĩ ma nga vundu tɛ la, kanda ale ĩ du na kpengba lɛ, so ala bi nga ĩ na ya siɔ ye tɛ la. Ta ĩ ye lo siɔ ye tɛ la ma, abɛ nga abɔngɔ tɛ la mɛ ala yu ali na siɔ ye ko, ta ĩ bɔrɔ ni ma.

Suma 1:11

Zo ni ko apa hɛ̃ mbi ya, aye mɛ mbi ndohũ ko, mbi su na mbɛti, mbi to hɛ̃ awa Kristo ti Eklezia mbara mbara olo mɛ: Eklezia ti Efɛzɛ, ti Simirnɛ, ti Pɛrgamɛ, ti Tiatirɛ, ti Sardɛ, ti Filadɛlfia, nga na ti Laodisea.

Suma 11:13

Bo na ngoi ni ko la sese ayingi gbu gbu gbu, kɔdɔrɔ akangbi sui kɔi, ko mbanga kɔi agbɛ̃, azi koto mbara mbara akpili na lo ti sese mɛ ayingi. Mbɛtɔ agbɔ̃ ambanga azi sĩ, ko ala so ndogonda Nzapa mɛ ka yayu.

Suma 14:4

Ta ala kuru ndo tɛrɛ la na awe ma, ala bata ndo tɛrɛ la nzɔ̃ni. Na ndo zu mɛ ndo Nyi Ngasã Ngbaga ndonɔ da ko, ala ndonɔ ndo ndali lo. Nzapa atɔ̃ ndo la na popo tɛ azi ya, ala du nga ma akɔzo tɛ mɛ alu na ni, alu nga na Nyi Ngasã Ngbaga.

Suma 19:14

Aturugu ti yayu so pɛko lo, ala na ambufu mbarata, ala yuyu akpɔ̃ bɔngɔ mɛ mbufuni pa pa pa, abɔngɔ mɛ ta bi tɛrɛ ni ma.

Suma 19:8

Ahɛ̃ ndo lege hɛ̃ ya lo ya, lo yu kpɔ̃ bɔngɔ mɛ ndosũ, bɔngɔ mɛ ta bi tɛrɛ ni ma.” (Bɔngɔ ni ndofa kwa mɛ ndo azi tɛ Nzapa ali na seni.)

Suma 3:18

Nda mɛ ni ndowa ĩ ya, í ga ka tɛ ni, í vɔ̃ wɔrɔ mɛ ayɔrɔ ka ya wá, bi ti tɛrɛ ni awɛ, wa se mɛ ĩ ti awa nwa la. Ale ĩ vɔ̃ abɔngɔ mɛ mbufuni ĩ yu, wa ĩ vĩ na ndumbu tɛrɛ ĩ, ndumbu ni ndohɛ̃ kamɛnɛ. Ale ĩ vɔ̃ nga yɔrɔ ti ziba, ĩ do le ĩ, wa se mɛ ĩ hũ ndo la.

Suma 3:5

Azi ko la agbe bɛ la na ya apɛnɔ, anwɔ ni ko, ala yu gbanda mbufu bɔngɔ. Ko ili la mɛ asu ka ya buku mɛ asuru na ili azi mɛ alua du ti kaka ko, ta ni fa gbanda ni, ni zi ma. Ni na pangɔ na gbɛlɛ To ni nga na gbɛlɛ aangelo tɛ lo ya, azi ni ko adu azi tɛ ni.

Suma 4:4

Ambanga angɛndɛ gbia mɛ ndɛ̃ sui se ndoni siɔ aka nga angɛndɛ gbia ni ko kɛrɛrɛ atengbi. Akangba sui sɛ ndoni siɔ adunga so ndo angɛndɛ ko sui sɛ ndoni siɔ. Ala yuyu ambufu bɔngɔ, abi akpɔtɔ ti gbia mɛ alɛkɛ na wɔrɔ na li la.

Suma 6:11

Ahɛ̃ zo kɔi kɔi na popo tɛ la mbufu bɔngɔ, apa hɛ̃ la ya: “Ĩ wɔ tɛrɛ ĩ yakere, na lo mɛ ya, ta ĩ dɛ ĩ lengbi zu ma. Ambanga afɔ̃ ĩ mɛ ndoli kwa hɛ̃ Nzapa ade ka lɛ sese. Ale aho la nga ma se mɛ aho na ĩ hĩ, wadila Nzapa afa ngbanga tɛ azi ko la akpɔ ĩ na afɔ̃ ĩ ni.”

Suma 7:9

So pɛni ko, mbi ti ba ndo, ko mbi hũ azi butu butu nvɛni, ta kɔdɛ ti dikɔngɔ la da ma. Ala du azi ti sese zu, ti ale zu, nga na ti yanga kɔdɔrɔ zu. Ala longa so gbɛlɛ ngɛndɛ gbia, nga so gbɛlɛ Nyi Ngasã Ngbaga. Ala yuyu ambufu bɔngɔ, ala gbɔnɔ nga anzango mburu so ti la.