Suma 3:3 - Fana Ngbangɔ 1987

³ Wa ĩ da bɛ ĩ na ló mɛ ndo aha na ĩ, nga na tɛnɛ tɛ Nzapa mɛ ndo ĩ ma. Ale ĩ tɔndɔ ni, ko ĩ gbinya bɛ ĩ. Se ta ĩ du na kpengba lɛ ma ko, ni ga ni buta ĩ nga ma se tɛ wa nzĩ, ko ta ĩ na hĩngangɔ ngoi ti gangɔ tɛ ni ma.

Suma 3:3 Iomraidhean Croise

Matie 25:13

Yezo ĩ kɔ nda matɔ ko wɛ ko, lo pa nga hɛ̃ azi ya: “Wa ĩ du na kpengba lɛ, ta sanga ma, ta ĩ hĩnga lá, nga na ngoi ti gangɔ tɛ mbi Nyi Zo ma.”

Marko 13:33

Wa ĩ du na kpengba lɛ, ta ĩ la langɔ ma, ta sanga ma, ta ĩ hĩnga gbanda ngoi ni ko ma.

Marko 13:36

Ĩ du na kpengba lɛ ya, se lo si va ko, ta lo tã ĩ na langɔ ma.

1 Tɛsalɔnikɛ 5:2

Ta sanga ma, ĩ nvɛni ĩ hĩnga nzɔ̃ni ya, ta e hĩnga lá mɛ gbanda Gbia adiri aga na ni ma. Lo ga gbanda na lá ni ko, nga ma se mɛ wa nzĩ ndoga na ni na bi, ko ta zo kɔi ndohĩnga ma.

1 Timɔte 6:20

Ee Timɔte, ló mɛ Nzapa azia na yamba ti mɔ ko, bata ni nzɔ̃ni. Gɛgɛrɛ tɛnɛ, na tɛnɛ mɛ ta ndode bɛ Nzapa ma ko, ta mɔ dɔ nyɔ mɔ ya ni ma. Ta mɔ dɔ nga nyɔ mɔ na ya lo ti nvɛnɛ mɛ azi ndoha ma. Ala ndoili lo ni ko ya, adu hĩngangɔ ndo. Kanda ta adu bɛta hĩngangɔ ndo ma.

2 Timɔte 1:13

Abɛta tɛnɛ mɛ ndo mbi pa hɛ̃ mɔ ko, mu bo ni, mɔ pa hɛ̃ azi. Ye lo tɛ Yezo bɛ mɔ kɔi, ko mɔ ye nga azi na nguru mɛ e na ni, na lo mɛ ya, e na Yezo Kristo e ti bo kɔi.

Aebreo 2:1

Oko Nzapa atɛnɛ tɛnɛ hɛ̃ e na nyɔ Nyi lo ko, ale e gbɔ̃ tɛnɛ mɛ ndo e ma kpengbani buai, so e yu lege.

2 Petro 1:13

Oko mbi de na olo lɛ mbi ngɛ̃ ko, nzɔ̃ni ale mbi ti da bɛ ĩ na atɛnɛ ni ko, wa se mɛ lɛ ĩ akpengba la.

2 Petro 3:1

Aya bua, ĩ́ ba mbɛti ti sɛ mɛ mbi su, mbi to hɛ̃ ĩ lo mɛ. Na ya mbɛti ko ndo ti uzu, nga na ya omɛ ti sɛ ko, mbi diri na ndo aye mɛ ĩ hĩnga we. Mbi li so ya, ĩ da bɛ ĩ na ni, wadila ĩ li ni na seni.

2 Petro 3:10

Lá ti gangɔ tɛ Gbia abuta gbanda azi nga ma se tɛ wa nzĩ mɛ ta zo kɔi ndohĩnga gangɔ tɛ lo ma. Na lá ko gbanda ko, ndozu amina gbanda, ko azi ama kota gigi ni. Wá agbiri gbanda aye mɛ ka lɛ ndozu, ko sese nvɛni na aye zu mɛ so lɛ ni amina nga.

Suma 16:15

Yezo apa ya: “Ĩ ma la, mbi na butangɔ ĩ nga ma se tɛ wa nzĩ! Dengɔ bɛ ati na zo ko la ta ala langɔ ma, ko abata nga bɔngɔ tɛ lo so tɛrɛ lo. Se lo li so, na ngoi ti gangɔ tɛ mbi ko, ta lo dɔ nɔ ndumbu, ko kamɛnɛ agbɔ̃ lo ma.”

Suma 2:25

Kanda ye ko la aha na ĩ ko, ĩ bata ni nzɔ̃ni nga ka lá ko gbanda ni diri ni ga.

Suma 2:5

Wa ale ĩ da bɛ ĩ na ndo ko ndo ĩ da, uzu ti ĩ tingɔ awa lingɔ siɔ ye, ko ĩ gbinya bɛ ĩ, ĩ li ye nga ma se ko ndo ĩ da uzu. Se ta ĩ gbinya bɛ ĩ ma ko, ni ga ka tɛ ĩ, ni hã gɛrɛ wá tɛ ĩ na ndo mɛ akpã na ni.

Suma 22:7

La Yezo apa ya: “Ma hĩ, angbã yakere mbi ga! Dengɔ bɛ ati na azi ko la atɔndɔ tɛnɛ mɛ alo ka nyɔ Nzapa, la asu na ya buku olo mɛ.”

Suma 3:11

Angbã yakere ni ga. Ale ĩ gbɔ̃ lo tɛ ni kpengbani, so zo agbula mbana gɛrɛ ĩ na ti ĩ.

Suma 3:19

Azi ko ni ndohɛ̃ la etumbu so fangɔ la na asiɔ ye tɛ la ko, adu azi mɛ bɛ ni aye la. Ĩ gbinya bɛ ĩ, ĩ du na gonvɛnɛ na ya lo yengɔ tɛ ĩ.

Suma 3:2

Ko ale ĩ du na kpengba lɛ, ĩ kpengba na tanga lo yengɔ mɛ ka bɛ ĩ. Ta so ma ko, tanga lo yengɔ ni akpi ti buai. Ta sanga ma, ni hũ ya, ta kwa tɛ ĩ adu bɛtani ka lɛ Nzapa ma.