Suma 3:2 - Fana Ngbangɔ 1987

² Ko ale ĩ du na kpengba lɛ, ĩ kpengba na tanga lo yengɔ mɛ ka bɛ ĩ. Ta so ma ko, tanga lo yengɔ ni akpi ti buai. Ta sanga ma, ni hũ ya, ta kwa tɛ ĩ adu bɛtani ka lɛ Nzapa ma.

Suma 3:2 Iomraidhean Croise

Matie 23:5

Ala ndoli kwa tɛ la zu na kɔdɛ mɛ ya, azi ahũ ani. Na lo ni ko, nyi mbɛti ti tɛnɛ tɛ Nzapa mɛ ala ndogbe na ndo lɛ la, nga na omɛ ala ndogbe na ndo ti la ko, ala ti ali ni ati kotani ya, azi ahũ ni kpa. Ala ndofũfũ ti bɔngɔ tɛ la ati yɔngɔrɔni tɔngbɔ tɔngbɔ ya, azi aba ni kpa.

Matie 25:13

Yezo ĩ kɔ nda matɔ ko wɛ ko, lo pa nga hɛ̃ azi ya: “Wa ĩ du na kpengba lɛ, ta sanga ma, ta ĩ hĩnga lá, nga na ngoi ti gangɔ tɛ mbi Nyi Zo ma.”

Matie 25:7

Amɔsia ko sui kɔi ĩ ma so ko, ala zingɔ, ala lɛke amɔinda tɛ la.

Awa Pangɔ Kwa 18:23

Lo ĩ la kai bi yakere ko, lo mu lege lo gwe, lo si ka sese ti Galatia, nga ka sese ti Frizia, ko lo so ndopa tɛnɛ tɛ Yezo hɛ̃ awa Kristo mɛ kai ya, nguru agbɔ̃ la.

1 Petro 4:7

Angbã yakere, nda aye zu akɔ. Na lo ni ko, í du na kɔdɛ, ĩ́ du na kpengba lɛ, wadila ĩ sambela Nzapa na seni.

1 Petro 5:8

Ale ĩ du na kpengba lɛ, ĩ bata li ĩ nzɔ̃ni, ta sanga ma, Satana mɛ wa kɛ̃ngɔ ĩ ndongongoro nga ma se mɛ zɛ̃ ndongongoro na ni, ndongburuka so gingɔ zo ya ni tɛ.

Suma 16:15

Yezo apa ya: “Ĩ ma la, mbi na butangɔ ĩ nga ma se tɛ wa nzĩ! Dengɔ bɛ ati na zo ko la ta ala langɔ ma, ko abata nga bɔngɔ tɛ lo so tɛrɛ lo. Se lo li so, na ngoi ti gangɔ tɛ mbi ko, ta lo dɔ nɔ ndumbu, ko kamɛnɛ agbɔ̃ lo ma.”

Suma 2:4

Wa ĩ ba siɔ ye tɛ ĩ kɔi mɛ ni kɛ̃ lo mɛ: ta ĩ ti dɛ ĩ ye ni nga ma se ti uzu ma.

Suma 3:1

“Su tɛnɛ olo mɔ to hɛ̃ angelo mɛ ndobata awa Eklezia ti Sardɛ. Tɛnɛ ni alo ka nyɔ zo mɛ na atɔrɔ tɛ Nzapa mbara mbara, lo nga na atongolo mbara mbara. Zo ni ko apa ya, ni hĩnga ye zu mɛ ĩ ndoli. Ni hĩnga ya, pa ili ĩ afɔnɔ ya, ĩ dɛ lɛ ĩ ngɛ̃, kanda ĩ du azi mɛ ĩ kpili wɛ.

Suma 3:3

Wa ĩ da bɛ ĩ na ló mɛ ndo aha na ĩ, nga na tɛnɛ tɛ Nzapa mɛ ndo ĩ ma. Ale ĩ tɔndɔ ni, ko ĩ gbinya bɛ ĩ. Se ta ĩ du na kpengba lɛ ma ko, ni ga ni buta ĩ nga ma se tɛ wa nzĩ, ko ta ĩ na hĩngangɔ ngoi ti gangɔ tɛ ni ma.