Suma 3:11 - Fana Ngbangɔ 1987

¹¹ Angbã yakere ni ga. Ale ĩ gbɔ̃ lo tɛ ni kpengbani, so zo agbula mbana gɛrɛ ĩ na ti ĩ.

Suma 3:11 Iomraidhean Croise

1 Kɔrinto 9:25

Uzu ya awa kpɛngɔ kpɛ zu akpɛ kpɛ ko, ala ndofɔ̃ bɛ la na ya mandangɔ kpɛngɔ kpɛ tɛ la. Ala ndoli so ya, ani zɔ li ni, wa ani lua mbana gɛrɛ ani. Ko ta mbana gɛrɛ la mɛ ala ndolua ndoninga ngbĩi ma. Kanda tɛ e ko, e ndoli ya, e lua mbana gɛrɛ e mɛ ndongbã kaka.

Filipɛ 4:5

Ĩ fa hɛ̃ azi zu ya, ĩ du adede azi. Angbã yakere Gbia aga.

2 Timɔte 2:5

Zo ko nga la ndokpe kpɛ so luangɔ mbana gɛrɛ lo, se ta lo kpɛ kpɛ ni na seni ma ko, ta lo lua nga mbana gɛrɛ lo ma.

2 Timɔte 4:8

Ko na olo ko, Gbia Nzapa abata mbana gɛrɛ mbi ka yayu so kungɔ na mbi. Lo mɛ wa fangɔ ngbanga na seni ko, lo hɛ̃ mbi gbanda mbana gɛrɛ mbi na lá ti fangɔ ngbanga, na lo mɛ ya, lo mu mbi ka lɛ lo ya, mbi bɛta zo. Ta bo mbi kɔi gbanda la lo hɛ̃ mbi mbana gɛrɛ mbi ma. Kanda azi zu mɛ aye ya, lo na diringɔ gangɔ, ko ala ndoku lo ko, lo hɛ̃ nga la gbanda mbana gɛrɛ la.

Zaki 1:12

Dengɔ bɛ ati na zo ko ndogbe bɛ lo na ya pɛnɔ mɛ lo ndohũ. Ta sanga ma, na pɛ gbengɔ bɛ tɛ lo ko, Nzapa ahɛ̃ lo gbanda du ti kaka. Du ti kaka ni adu mbana gɛrɛ mɛ ndo lo ko kapa ni hɛ̃ awa yengɔ lo.

Zaki 5:9

Aya bua, ta ĩ dema tɛrɛ ĩ na ili afɔ̃ ĩ ma, so Nzapa afa ngbanga tɛ ĩ. Wa fangɔ ngbanga adoli ti gangɔ, lo la nyɔ ngise.

Suma 1:3

Dengɔ bɛ ati na zo ko la adi tɛnɛ olo. Dengɔ bɛ ati na zo ko la ama tɛnɛ ni, atɔndɔ nga ni. Ta sanga ma, ngoi ti aye ni ko singɔ adoli wɛ.

Suma 16:15

Yezo apa ya: “Ĩ ma la, mbi na butangɔ ĩ nga ma se tɛ wa nzĩ! Dengɔ bɛ ati na zo ko la ta ala langɔ ma, ko abata nga bɔngɔ tɛ lo so tɛrɛ lo. Se lo li so, na ngoi ti gangɔ tɛ mbi ko, ta lo dɔ nɔ ndumbu, ko kamɛnɛ agbɔ̃ lo ma.”

Suma 2:10

Ta ĩ du na mbɛtɔ na lo pɛnɔ mɛ ĩ na hũngɔ ma. Wa í ma la: Satana na sangɔ ambanga azi na popo tɛ ĩ bɔlɔkɔ so tarangɔ bɛ ĩ, ĩ na hũngɔ pɛnɔ bi sui kɔi. Ko ĩ ye bo lo tɛ ni bɛ ĩ kɔi nga ka ĩ kpili. Ni hɛ̃ ĩ gbanda mbana gɛrɛ ĩ, mbana gɛrɛ ni adu du ti kaka.

Suma 2:13

ni hĩnga ndo mɛ ĩ ndodu da. Ĩ ndodu na ndo mɛ Satana ndole gbia da. Ĩ gbɔ̃ lo tɛ ni ka ka ka. Abɛ na ngoi ko ndo azi aho na Antipasi mɛ bɛta temwɛ tɛ ni, ka tɛ ĩ mɛ Satana ndodu da ko, ĩ gbɔ̃ ndo lo tɛ ni ka ka ka. Ta ĩ zia yengɔ lo tɛ ni ma.

Suma 2:25

Kanda ye ko la aha na ĩ ko, ĩ bata ni nzɔ̃ni nga ka lá ko gbanda ni diri ni ga.

Suma 22:12

La Yezo apa ya: “Ma hĩ, angbã yakere mbi ga. Mbi na gangɔ na mbana gɛrɛ, ko mbi na hɛ̃ngɔ ni hɛ̃ zo kɔi kɔi na se kwa tɛ lo mɛ lo li.

Suma 22:20

Yezo mɛ apa ya, tɛnɛ olo adu bɛta tɛnɛ ko, lo pa nga ya: “Seni la, angbã yakere mbi ga!” Ae! Adu bɛ seni la ma ke! Gbia Yezo, ga!

Suma 22:7

La Yezo apa ya: “Ma hĩ, angbã yakere mbi ga! Dengɔ bɛ ati na azi ko la atɔndɔ tɛnɛ mɛ alo ka nyɔ Nzapa, la asu na ya buku olo mɛ.”

Suma 3:3

Wa ĩ da bɛ ĩ na ló mɛ ndo aha na ĩ, nga na tɛnɛ tɛ Nzapa mɛ ndo ĩ ma. Ale ĩ tɔndɔ ni, ko ĩ gbinya bɛ ĩ. Se ta ĩ du na kpengba lɛ ma ko, ni ga ni buta ĩ nga ma se tɛ wa nzĩ, ko ta ĩ na hĩngangɔ ngoi ti gangɔ tɛ ni ma.

Suma 4:10

Wa na ngoi ko la asa ko ndoli nga so ko, akangba ko sui sɛ ndoni siɔ so ndokuku gbɛlɛ Zo mɛ adu so ndo ngɛndɛ gbia, Zo mɛ ndodu lɛ lo ngɛ̃ buru na buru. Ala so ndovɔrɔ lo, so ndohãna akpɔtɔ tɛ la ti gbia, so ndosa so gbɛlɛ ngɛndɛ gbia tɛ lo, so ndopa ya:

Suma 4:4

Ambanga angɛndɛ gbia mɛ ndɛ̃ sui se ndoni siɔ aka nga angɛndɛ gbia ni ko kɛrɛrɛ atengbi. Akangba sui sɛ ndoni siɔ adunga so ndo angɛndɛ ko sui sɛ ndoni siɔ. Ala yuyu ambufu bɔngɔ, abi akpɔtɔ ti gbia mɛ alɛkɛ na wɔrɔ na li la.