Suma 3:1 - Fana Ngbangɔ 1987

¹ “Su tɛnɛ olo mɔ to hɛ̃ angelo mɛ ndobata awa Eklezia ti Sardɛ. Tɛnɛ ni alo ka nyɔ zo mɛ na atɔrɔ tɛ Nzapa mbara mbara, lo nga na atongolo mbara mbara. Zo ni ko apa ya, ni hĩnga ye zu mɛ ĩ ndoli. Ni hĩnga ya, pa ili ĩ afɔnɔ ya, ĩ dɛ lɛ ĩ ngɛ̃, kanda ĩ du azi mɛ ĩ kpili wɛ.

Suma 3:1 Iomraidhean Croise

Luka 15:24

Ta sanga ma, nyi mbi olo ndo nga ma zo mɛ akpi, la lo so, lo gɛrɛ ndo, ko mbi lua lo.’ La ala to nda kota yenga.

Luka 15:32

Ko ale e li yenga, é saba, ta sanga ma, nyita mɔ olo ndo nga ma zo mɛ akpi, la lo so, lo gɛrɛ ndo, la mbi lua lo!’ ”

Yoanɛ 1:16

Lo li ndo nzɔ̃ bɛ hɛ̃ e zu, lo sunu ndo nga e ndoni ndoni.

Yoanɛ 1:33

Abɛ nga so ko, ta mbi dɛ ndo mbi hĩnga lo ma, kanda Nzapa mɛ ato mbi ya, mbi yɔrɔ azi ya ngu so hɛ̃ngɔ la batisimɔ, apa ndo hɛ̃ mbi ya: ‘Mɔ na hũngɔ Tɔrɔ Santo tɛ mbi, longɔ ka ndozu zungɔ na ndo mbanga zo. Zo ni ko la na sangɔ Tɔrɔ Santo tɛrɛ azi so hɛ̃ngɔ la batisimɔ!’ ”

Yoanɛ 20:22

Lo ĩ tɛnɛ so wɛ ko, lo ulu mbo tɛrɛ la, lo pa hɛ̃ la ya: “Ĩ lua Tɔrɔ Santo!

Yoanɛ 3:34

Zo ko la Nzapa ato lo ko, zo ni ko ndopa tɛnɛ mɛ Nzapa atɛnɛ, ta sanga ma, Nzapa asa nguru tɛ Tɔrɔ Santo ma wo ma na tɛrɛ lo.

Awa Pangɔ Kwa 2:33

Nguru tɛ To lo Nzapa aya ndo lo ka ndozu, ko Nzapa ahɛ̃ lo Tɔrɔ Santo mɛ ndo lo ko kapa ni. Ko Yezo ahɛ̃ nga e Tɔrɔ Santo ni, nga ma se mɛ ĩ ndohũ na ni, nga na se mɛ ĩ ndoma na ni na olo mɛ.

Efɛzɛ 2:1

Ndo uzu ko, ĩ ndo azi mɛ tɔrɔ tɛrɛ ĩ akpi, na lo mɛ ya, ĩ ndoli ndo asiɔ ye.

Efɛzɛ 2:5

ko ngoi mɛ ndo e du azi mɛ tɔrɔ tɛrɛ e akpi na lo ti asiɔ ye tɛ e ko, lo bombi e na Yezo Kristo, lo so e na ya kwá kɔi. Na lo ti nzɔ̃ bɛ tɛ Nzapa ndo la Nzapa aso ĩ.

Kɔlɔsɛ 2:13

Ndo uzu ko, ĩ ndo azi mɛ tɔrɔ tɛrɛ ĩ akpi, na lo mɛ ya, ĩ ndoli ndo asiɔ ye, ĩ ndo awa popo, alengbi ya, ĩ ndo apaganɔ. Kanda na olo ko, Nzapa aso ĩ na Yezo Kristo na pɛ kwá. Lo ka lɛ lo ndo asiɔ ye zu mɛ e na ĩ na ni.

1 Timɔte 5:6

Kanda we muã ko la ndoye dungɔ na ya dengɔ bɛ ti lɛ sese ko, abɛ se lo dɛ lɛ lo ngɛ̃ ko, tɔrɔ tɛrɛ lo akpi wɛ.

Zaki 2:26

Nga ma se mɛ se tɔrɔ tɛrɛ zo asi ya tɛrɛ zo, ko lo kpi ko, se mɛ nga se zo aye lo tɛ Nzapa, wa se ta lo li nzɔ̃ ye ma ko, lo yengɔ tɛ lo adu gegɛrɛ la.

1 Petro 1:11

Tɔrɔ tɛ Yezo Kristo mɛ ndo na ya tɛrɛ la apia ndo apa hɛ̃ la ya, Kristo ahũ gbanda pɛnɔ, so pɛni ko, lo lua ndima. Ala ndogi ndo ya, ani hĩnga ngoi mɛ aye ni ko na singɔ, nga na se mɛ aye ni ko na singɔ na ni.

Yudɛ 1:12

Ngoi ko la ala ndodu na popo tɛ ĩ so tɛngɔ ye ko, adu kamɛnɛ na lo tɛ ĩ. Kanda ta kamɛnɛ ndogbɔ̃ la ma, ala ndoda bɛ la bo na tɛrɛ la nvɛni. Ala nga ma ngu mɛ aga ndozu, la yá amu ni aɔ na ni, ta ati ani ma. Ala nga ma akɛkɛ mɛ bɛ se ngoi ti lengɔ ni alengbi ko, ta ale ma. Ala nga ma akɛkɛ mɛ abukana, ati la akpi kpɔɔ.

Suma 1:11

Zo ni ko apa hɛ̃ mbi ya, aye mɛ mbi ndohũ ko, mbi su na mbɛti, mbi to hɛ̃ awa Kristo ti Eklezia mbara mbara olo mɛ: Eklezia ti Efɛzɛ, ti Simirnɛ, ti Pɛrgamɛ, ti Tiatirɛ, ti Sardɛ, ti Filadɛlfia, nga na ti Laodisea.

Suma 1:16

Lo gbɔ̃nɔ atongolo mbara mbara na kɔti ti lo. Zabe mɛ lɛ ni ndoɔ̃ mbage na mbage asi so yanga lo. Yangba lɛ lo ndosũ nga ma lá ti bɛ kɔmbitɛ.

Suma 1:20

Atongolo mbara mbara mɛ mɔ hũ mbi gbɔ̃nɔ na kɔti ti mbi, na gɛrɛ wá mbara mbara mɛ alɛkɛ na wɔrɔ ko, ma nda ni lo mɛ atongolo mbara mbara adu aangelo mɛ ndobata awa Kristo ti Eklezia mbara mbara, gɛrɛ wá mbara mbara adu awa Kristo ti Eklezia ko mbara mbara.”

Suma 1:4

Mbi Yoanɛ la mbi su mbɛti olo mbi to hɛ̃ awa Kristo ti Eklezia mbara mbara mɛ ka sese ti Azia. Mbi bala ĩ! Nzapa ndo da gã, lo da na olo, lo nga na gangɔ. Wa lo li bɛ hɛ̃ ĩ nzɔ̃ bɛ ma ke! Lo li bɛ nga ya, bɛ ĩ adu pii ma ke! Atɔrɔ tɛ lo mbara mbara mɛ ndolonga so gbɛlɛ ngɛndɛ gbia tɛ lo ali bɛ nzɔ̃ bɛ hɛ̃ ĩ ma ke! Ala li bɛ nga ya, bɛ ĩ adu pii ma ke!

Suma 2:13

ni hĩnga ndo mɛ ĩ ndodu da. Ĩ ndodu na ndo mɛ Satana ndole gbia da. Ĩ gbɔ̃ lo tɛ ni ka ka ka. Abɛ na ngoi ko ndo azi aho na Antipasi mɛ bɛta temwɛ tɛ ni, ka tɛ ĩ mɛ Satana ndodu da ko, ĩ gbɔ̃ ndo lo tɛ ni ka ka ka. Ta ĩ zia yengɔ lo tɛ ni ma.

Suma 2:19

ni hĩnga ye zu mɛ ĩ ndoli, ni hĩnga yengɔ mɛ ĩ ye na afɔ̃ ĩ. Ni hĩnga ya, ĩ ndobata bo yengɔ lo tɛ ni, ĩ ndohɛ̃ tɛrɛ ĩ na ya kwa tɛ ĩ, ĩ ndogbe bɛ ĩ na ya pɛnɔ. Ni hĩnga nga ya, kwa mɛ ĩ ndoli na olo aɔ kwa mɛ ndo ĩ li uzu.

Suma 2:2

ni hĩnga ye zu mɛ ĩ li, ni hĩnga ya, ĩ ndoli kwa kpuru kpuru, ĩ ndogbe nga bɛ ĩ na ya pɛnɔ. Ni hĩnga ya, ĩ kɛ̃ batangɔ asiɔ azi so popo tɛ ĩ. Ĩ tara bɛ azi mɛ ndomu tɛrɛ la ya, ani awa pangɔ kwa tɛ ni, kanda ta ala awa pangɔ kwa tɛ ni ma, ko ĩ hũ ya, ala du awa nvɛnɛ.

Suma 2:9

ni hĩnga apɛnɔ tɛ ĩ, nga na yɛlɛ tɛ ĩ, kanda ti biani ko, ĩ du awa bɛta nwa. Ni hĩnga nga ló mɛ azi ndokara na ili ĩ. Azi ni ko ndomu tɛrɛ la ya, ani Ayuda, kanda ta ala Ayuda ma, ala azi ti li nɔ tɛ Satana.

Suma 3:15

ni hĩnga ye zu mɛ ĩ ndoli, ni hĩnga ya, ta lo yengɔ tɛ ĩ adu woni ma, ni hĩnga nga ya, ta lo yengɔ tɛ ĩ adu kpengbani ma. Ni ndosepara ya, ale lo yengɔ tɛ ĩ adu woni bere kpengbani.

Suma 3:2

Ko ale ĩ du na kpengba lɛ, ĩ kpengba na tanga lo yengɔ mɛ ka bɛ ĩ. Ta so ma ko, tanga lo yengɔ ni akpi ti buai. Ta sanga ma, ni hũ ya, ta kwa tɛ ĩ adu bɛtani ka lɛ Nzapa ma.

Suma 3:8

Zo ni ko apa ya, ni hĩnga ye zu mɛ ĩ ndoli, ni hĩnga nga ya nguru tɛ ĩ adu bo yakere, kanda ĩ ndoma nyɔ ni, ko ta ĩ bɛre nga lo tɛ ni ma. Ni zi nyɔ ngise ya ĩ li ka ya da, ko ta zo kɔi alengbi ti vĩngɔ ni ma.

Suma 4:5

Bekpa alo ka tɛrɛ ngɛndɛ gbia ni ataima nzɛrrr, nzɛrrr, agbo gbáaa, gbáaa! Ngu akini ngbũuu ngbũuu! Tanda mbara mbara so ndoza lau lau so gbɛlɛ ngɛndɛ gbia ni. Tanda ko mbara mbara adu atɔrɔ mbara mbara tɛ Nzapa.

Suma 5:6

Mbi hũ Nyi Ngasã Ngbaga alo so ndo bɛ ngɛndɛ gbia ni. Akangba ko sui sɛ ndoni siɔ, na asa ko siɔ mɛ lɛ la ngɛ̃ aka lo kɛrɛrɛ. Mɔ̃ hũ Nyi Ngasã Ngbaga ni ma bere aho lo hongɔ. Nza li lo mbara mbara, nga na lɛ lo mbara mbara adu atɔrɔ mbara mbara mɛ Nzapa ato la na lɛ sese kwɛ zu.