Suma 22:1 - Fana Ngbangɔ 1987

¹ Angelo ko afa nga mbi na ngu mɛ ndohɛ̃ zo bɛta du. Le ngu ni ndosũ bai bai nga ma lɛ tala tala. Ngu ni ndosi na ya ngɛndɛ gbia tɛ Nzapa na tɛ Nyi Ngasã Ngbaga.

Suma 22:1 Iomraidhean Croise

Yoanɛ 13:32

Wa se azi ahũ ndima tɛ Nzapa ti ndo mbi ko, Nzapa nvɛni nga na fangɔ ndima tɛ mbi Nyi lo bo lo mɛ.

Yoanɛ 15:26

Yezo apa nga ya: “Wa zangɔ ĩ na gangɔ. Mbi na tongɔ lo hɛ̃ ĩ, lo Tɔrɔ Santo mɛ lo ndopa beta lo tɛ Nzapa. Lo na longɔ ka tɛ To mbi, wa lo ga, ko lo na dungɔ temwɛ tɛ mbi.

Yoanɛ 4:14

Kanda zo ko la anyɔ ngu mɛ mbi na hɛ̃ngɔ lo ko, ta gwɛ̃ ngu ti gbɔ̃ gbanda lo fani mɛ ndɛ̃ bɛ gbɔ ma. Ngu mɛ mbi na hɛ̃ngɔ lo, na dungɔ ka ya tɛrɛ lo nga ma li ngu mɛ ndosi tiri tiri, ko na hɛ̃ngɔ lo du ti kaka.”

Awa Pangɔ Kwa 2:33

Nguru tɛ To lo Nzapa aya ndo lo ka ndozu, ko Nzapa ahɛ̃ lo Tɔrɔ Santo mɛ ndo lo ko kapa ni. Ko Yezo ahɛ̃ nga e Tɔrɔ Santo ni, nga ma se mɛ ĩ ndohũ na ni, nga na se mɛ ĩ ndoma na ni na olo mɛ.

Suma 1:1

Buku olo ndopa lo ti aye mɛ ndo Yezo Kristo afa na Yoanɛ na ya suma. Nzapa afa na Yezo ya, lo fa awa kwa tɛ ni na aye mɛ na singɔ bo lo mɛ. La Yezo ato angelo tɛ lo ya, lo nɔ ka tɛ wa kwa tɛ ni Yoanɛ, lo fa lo na aye ni ko.

Suma 21:11

Ndima tɛ Nzapa ndosũ ka ya kɔdɔrɔ ni ko. Kɔdɔrɔ ni ndosũ nga ma tɛ́nɛ ti kota ngere, andosũ nga ma tɛnɛ mɛ ili ni la yaspɛ, ko se mɔ ba ni ko, mɔ hũ ndo ka pɛ ni nga ma se mɛ mɔ lengbi ti hũngɔ ndo ko tɛ́nɛ mɛ ili ni la kristalɛ.

Suma 21:6

Lo ti pa nga ya: “Awe! Mbi wa li ni, mbi nga wa nda ni, mbi wa tongɔ nda aye zu, mbi nga wa kɔngɔ nda aye zu. Zo ko gwɛ̃ ngu agbɔ̃ lo ko, mbi hɛ̃ lo ngu gɛgɛrɛ, lo nyɔ. Ngu ti li ngu mɛ ndohɛ̃ zo bɛta du.

Suma 21:9

Na popo tɛ aangelo mbara mbara mɛ ndo agbɔ̃nɔ kangu mbara mbara so ti la, na andangba pɛnɔ mbara mbara mɛ asĩsĩ ya ni ko, angelo kɔi aga apa hɛ̃ mbi ya, mbi ga, ni fa mbi na wali mɛ Nyi Ngasã Ngbaga na dungɔ na lo.

Suma 22:17

La Tɔrɔ Santo ana wali tɛ Nyi Ngasã Ngbaga apa ya: “Ga!” Zo ko la ama tɛnɛ ni ko, ale lo pa nga ya: “Ga!” Zo ko la gwɛ̃ ngu agbɔ̃ lo ko, ale lo ga lo nyɔ ni. Zo ko la aye nyɔngɔ ngu mɛ ndohɛ̃ zo bɛta du ko, lo lua ni gɛgɛrɛ.

Suma 22:6

So pɛni, angelo apa hɛ̃ mbi ya: “Tɛnɛ olo adu beta tɛnɛ, adu nga tɛnɛ mɛ zo alengbi ti kpãngɔ bɛ lo ndo ni. Gbia Nzapa mɛ wa hɛ̃ngɔ Tɔrɔ Santo tɛ lo hɛ̃ awa pangɔ nyɔ lo, ato angelo tɛ lo ya, lo fa awa kwa tɛ ni na alo mɛ na singɔ bo lo mɛ.”

Suma 3:21

Azi ko la agbe bɛ la na ya apɛnɔ, anwɔ ni ko, ni hɛ̃ gbanda lege hɛ̃ la ya, ala dunga na ndo ngɛnde tɛ ni ti gbia, nga ma se mɛ ndo ni gbe na bɛ ni na ya apɛnɔ, ni nwɔ ni, ko ni na To ni ani dunga na ndo ngɛndɛ ti gbia tɛ lo.

Suma 5:13

Mbi ma nga aye zu mɛ Nzapa ali ka lɛ ndozu, ge lɛ sese, ka gbe sese, nga ka ya kota ngu, aye ti lɛ sese kwe zu mɛ Nzapa ali, so ndoye bia ya: “E gonda Zo mɛ adu ndo ngɛndɛ gbia, E gonda nga Nyi Ngasã Ngbaga, E tɔndɔ la, é yakɛ la, E ye ya, ala na nguru buru na buru!”

Suma 5:6

Mbi hũ Nyi Ngasã Ngbaga alo so ndo bɛ ngɛndɛ gbia ni. Akangba ko sui sɛ ndoni siɔ, na asa ko siɔ mɛ lɛ la ngɛ̃ aka lo kɛrɛrɛ. Mɔ̃ hũ Nyi Ngasã Ngbaga ni ma bere aho lo hongɔ. Nza li lo mbara mbara, nga na lɛ lo mbara mbara adu atɔrɔ mbara mbara mɛ Nzapa ato la na lɛ sese kwɛ zu.

Suma 7:17

Ta sanga ma, Nyi Ngasã Ngbaga mɛ adu so ndo bɛ ngɛndɛ gbia na batangɔ la, nga ma se tɛ wa batangɔ angasã ngbaga. Nyi Ngasã Ngbaga ni nga na nɔngɔ na la ka li ngu mɛ ndohɛ̃ zo bɛta du ya, ala nyɔ ni. Nzapa na mbongɔ ngulɛ zu ka lɛ la zingɔ.”