4 Lo mbo gbanda ngulɛ zu ka lɛ la lo zi. Ta azi ti kpili gbanda ma, ta azi ti lɛ gbanda muã ma, ta azi ti dema gbanda tɛrɛ la ma, ta azi ti hũ nga gbanda pɛnɔ ma. Angbina ye amina nga gbanda.”
Azi ko la ndoli kwa na aye ti lɛ sese olo ko, ale ala hũ aye ni ko ka lɛ la gɛgɛre. Ta sanga ma, sese olo, nga ma se mɛ e ndohũ na ni ko, angbã yakere ti wɛngɔ.
Na lo ni la Nzapa apa hɛ̃ la ya: “Ale ĩ dɔ azi mɛ ta aye lo tɛ mbi ma ĩ zia, Ala du na bɛ la, ko ĩ du nga na bɛ ĩ. Ta ĩ li siɔ ye ma, Wadila mbi yamba ĩ. Mbi na dungɔ To ĩ, Ko ĩ nga na dungɔ aya mbi ti kɔli na ti wali, Mbi Gbia Nzapa mɛ lombe la mbi pa so.”
Tɛnɛ ko lo tɛnɛ ya: “fani mɛ ndɛ̃” ko, tɛnɛ ni afa ya, aye mɛ ndo lo li ko, lo yingi ni gbanda, ko aye ni amina. Wa aye mɛ ta alengbi ti yingingɔ ni ma angbã buai.
Lá ti gangɔ tɛ Gbia abuta gbanda azi nga ma se tɛ wa nzĩ mɛ ta zo kɔi ndohĩnga gangɔ tɛ lo ma. Na lá ko gbanda ko, ndozu amina gbanda, ko azi ama kota gigi ni. Wá agbiri gbanda aye mɛ ka lɛ ndozu, ko sese nvɛni na aye zu mɛ so lɛ ni amina nga.
Ta ye kɔi mɛ Nzapa azonga ni adu gbanda so ya kɔdɔrɔ ni ko ma. Nzapa na Nyi Ngasã Ngbaga adunga gbanda na ndo ngɛndɛ gbia tɛ la so ya kɔdɔrɔ ni, ko awa kwa tɛ Nzapa avɔrɔ gbanda Nzapa.
Ta sanga ma, Nyi Ngasã Ngbaga mɛ adu so ndo bɛ ngɛndɛ gbia na batangɔ la, nga ma se tɛ wa batangɔ angasã ngbaga. Nyi Ngasã Ngbaga ni nga na nɔngɔ na la ka li ngu mɛ ndohɛ̃ zo bɛta du ya, ala nyɔ ni. Nzapa na mbongɔ ngulɛ zu ka lɛ la zingɔ.”