Suma 21:2 - Fana Ngbangɔ 1987

² Mbi hũ kɔdɔrɔ tɛ Nzapa, adu fana Yeruzalɛmɛ mɛ alo ka tɛ Nzapa ka ndozu, azu ge tise. Nzapa alɛkɛ kɔdɔrɔ ni nzɔ̃ni, nga ma wali mɛ afua tɛrɛ lo so gwengɔ ka tɛ kɔ lo.

Suma 21:2 Iomraidhean Croise

Yoanɛ 3:29

La Yoanɛ ato matɔ hɛ̃ la ya: “Na ngoi yenga ti mungbingɔ ko, kɔ wali na ya lo ndodunga ndoni kɔi, ko fɔ̃ kɔ wali ndolo tɛ lo so tɔ̃nda kɔ wali, so rnangɔ tɛnɛ mɛ kɔ wali ndotɛnɛ. Ko se kɔ wali atɛnɛ tɛnɛ ko, bɛ fɔ̃ lo ade zɔgɔrɔ. Mbi tɛ mbi nga ma fɔ̃ kɔ wali, ko na olo ko, be mbi ade zɔgɔrɔ.

2 Kɔrinto 11:2

Mbi ndoli sɔbɛrɛ na lo tɛ ĩ, nga ma se mɛ Nzapa ndoli na sɔbɛrɛ na lo tɛ ĩ. Ta sanga ma, ĩ du nga ma mɔsia mɛ mbi gbe lo tɛ lo ya, lo du bo na kɔli kɔi, kɔli ni la Yezo Kristo. Ko mbi ye ya, ĩ du na vuru bɛ, wa gbanda mbi hɛ̃ ĩ nga ma mɔsia mɛ ade li lo ngbɔ̃ hɛ̃ lo.

Aebreo 11:10

Abrahama ndoku ndo ya, Nzapa ahɛ̃ ni kɔdɔrɔ mɛ Nzapa nvɛni la ali, kɔdɔrɔ mɛ ta ndogbɛ̃ ma.

Aebreo 11:16

Ti biani ko, ala ndo na gwɛ̃ ti kɔdɔrɔ mɛ ndɛ̃, kɔdɔrɔ mɛ nzɔ̃ni buai aɔ akɔdɔrɔ zu, alengbi ya, ala ndo na gwɛ̃ ti kɔdɔrɔ mɛ ka yayu. Nda mɛ ndo ta kamɛnɛ agbɔ̃ Nzapa na lo ko la ala ndoili lo ya, lo Nzapa tɛ ani ma la. Ta sanga ma, lo lɛkɛ ndo kɔdɔrɔ hɛ̃ la.

Aebreo 12:22

Kanda ndo mɛ ĩ i tɛrɛ ĩ ka tɔ̃ ni, adu hɔtɔ mɛ ili ni la Siona, ĩ i nga tɛrɛ ĩ ka tɔ̃ kɔdɔrɔ tɛ Nzapa mɛ lɛ lo ngɛ̃. Kɔdɔrɔ ni la Yeruzalɛmɛ mɛ ka yayu, ndo mɛ aangelo da hingo hingo.

Aebreo 13:14

Ta sanga ma, ge lɛ sese olo ko, ta e na kɔdɔrɔ mɛ ndongbã buai ma. E ndogi kɔdɔrɔ ti kaka mɛ gbanda e du da.

Suma 1:1

Buku olo ndopa lo ti aye mɛ ndo Yezo Kristo afa na Yoanɛ na ya suma. Nzapa afa na Yezo ya, lo fa awa kwa tɛ ni na aye mɛ na singɔ bo lo mɛ. La Yezo ato angelo tɛ lo ya, lo nɔ ka tɛ wa kwa tɛ ni Yoanɛ, lo fa lo na aye ni ko.

Suma 1:4

Mbi Yoanɛ la mbi su mbɛti olo mbi to hɛ̃ awa Kristo ti Eklezia mbara mbara mɛ ka sese ti Azia. Mbi bala ĩ! Nzapa ndo da gã, lo da na olo, lo nga na gangɔ. Wa lo li bɛ hɛ̃ ĩ nzɔ̃ bɛ ma ke! Lo li bɛ nga ya, bɛ ĩ adu pii ma ke! Atɔrɔ tɛ lo mbara mbara mɛ ndolonga so gbɛlɛ ngɛndɛ gbia tɛ lo ali bɛ nzɔ̃ bɛ hɛ̃ ĩ ma ke! Ala li bɛ nga ya, bɛ ĩ adu pii ma ke!

Suma 1:9

Mbi Yoanɛ nyita ĩ, mbi mɛ mbi na ĩ, nga na Yezo Kristo e ti bo kɔi ko, mbi ndohũ pɛnɔ mɛ ĩ ndohũ nga. Mbi na ĩ e ndogbe be e na ya pɛnɔ ni. Mbi na ĩ e du azi ti Kɔdɔrɔ Gbia tɛ lo. Agbɔ̃ ndo mbi ato ka ya zúa ti Patimɔsi, na lo mɛ ya, mbi pa tɛnɛ tɛ Nzapa mɛ Yezo Kristo temwɛ ni.

Suma 11:2

Wa ta mbi ha ya gbágbá ni ma, mbi zia ni. Ta sanga ma, ahɛ̃ ni hɛ̃ apaganɔ. Ala na mungɔ nzɛ̃ sui siɔ ndoni sɛ, dɔrɔngɔ gbágbá ni na gɛrɛ la.

Suma 21:10

Tɔrɔ Santo asa tɛrɛ mbi, la angelo ayɔ mbi, anɔ na ni ka bɛ li hɔtɔ mɛ ganguruni. Lo fa mbi na Yeruzalɛmɛ, bɛta kɔdɔrɔ mɛ alo ka ndozu ka tɛ Nzapa, la azu ge tise.

Suma 21:9

Na popo tɛ aangelo mbara mbara mɛ ndo agbɔ̃nɔ kangu mbara mbara so ti la, na andangba pɛnɔ mbara mbara mɛ asĩsĩ ya ni ko, angelo kɔi aga apa hɛ̃ mbi ya, mbi ga, ni fa mbi na wali mɛ Nyi Ngasã Ngbaga na dungɔ na lo.

Suma 22:17

La Tɔrɔ Santo ana wali tɛ Nyi Ngasã Ngbaga apa ya: “Ga!” Zo ko la ama tɛnɛ ni ko, ale lo pa nga ya: “Ga!” Zo ko la gwɛ̃ ngu agbɔ̃ lo ko, ale lo ga lo nyɔ ni. Zo ko la aye nyɔngɔ ngu mɛ ndohɛ̃ zo bɛta du ko, lo lua ni gɛgɛrɛ.

Suma 22:19

Wa se zo ahã mbanga tɛnɛ ni azi ko, Nzapa agbanzi nga gbanda lo na lingɔ ka Kɔdɔrɔ Santo tɛ lo, ta lo tɛ gbanda le kɛkɛ mɛ ndohɛ̃ zo bɛta du ma. Adu tɛnɛ ti le kɛkɛ, na tɛnɛ ti Kɔdɔrɔ mɛ mbi su na ya buku olo.

Suma 3:12

Azi ko la agbe bɛ la na ya apɛnɔ, anwɔ ni ko, ni kpã la gbanda nga ma ngbo da ka ya kota da Nzapa tɛ Nzapa tɛ ni, ko ala ngbã kai ti buai. Ni su gbanda ili Nzapa tɛ ni, nga na ili kɔdɔrɔ tɛ Nzapa tɛ ni na tɛrɛ la. Kɔdɔrɔ ni adu fana Yeruzalɛme mɛ gbanda alo ka tɛ Nzapa tɛ ni, wa azu ge tise. Ni su nga gbanda fana ili ni nvɛni na tɛrɛ azi ni ko.