Suma 20:3 - Fana Ngbangɔ 1987

³ La angelo abi lo ka ya du mɛ lipi lipi. Lo to nyɔ du ni na ta kɛrɛrɛ, lo minya nyɔ du ni na ndã ya, so Satana alo kai asi, ahanda azi ti lɛ sese. Ko ale Satana angbã bo kai nga ka buru koto kɔi alengbi hĩ wadila. So pɛni, ale azi lo, kanda ta lo na ningangɔ ngoi yɔngɔrɔni ma.

Suma 20:3 Iomraidhean Croise

Matie 24:24

Ta sanga ma, awa hangɔ lo tɛ Nzapa na nvɛnɛ aga gbanda, ko zo kɔi kɔi apa gbanda ya, ni Mɛsia, bere ni wa pangɔ nyɔ Nzapa. Ala li gbanda akota akukuna ye, na aye ti kpɛnɛ ya, se alengbi ko, ani handa azi mɛ Nzapa asara la akpã ya, ala du azi tɛ ni.

Matie 27:66

La ala ɔ. Ala ĩ si kai ko, ala lɛkɛ kota tɛnɛ mɛ avĩ na nyɔ du sɛndɛ ni, amu ndã, aminya na popo ni ya, se zo azi ko, ani liĩnga. La ala kpã aturugu ya, ala bata ni.

Marko 4:15

Ambanga azi adu nga ma bɛ lege mɛ ale tɛ asa da. Bo na ngoi mɛ ala ma tɛnɛ ni wɛ ko, Satana aga alia ni ka ya bɛ la azi.

Luka 8:31

Asiɔ tɔrɔ ko avɔrɔ ndo tɛrɛ la hɛ̃ Yezo ya, ta lo to ani ka lifɛlo ma.

2 Kɔrinto 11:3

Ĩ du azi mɛ ĩ hɛ̃ tɛrɛ ĩ zu hɛ̃ Yezo Kristo, ĩ nga na vuru bɛ na ndo lo. Ko mbi ndokpɛ ya, nga ma se ko ndo ngbɔ ahanda na Eva na poroso ko, ta Satana agbe nga dangɔ bɛ tɛ ĩ, ko ĩ dɔ lege tɛ Yezo Kristo ĩ zia ma.

2 Petro 3:8

Aya bua, ĩ ma tɛnɛ kɔi mɛ ale ta bɛ ĩ ali na ni ma lo mɛ: tɛ Gbia Nzapa ko, bi kɔi na buru koto kɔi ka lɛ lo bo kwɛ kɔi.

Suma 12:9

Abi kota sa ti kpɛnɛ gegi. Lo du ngbɔ ti gã mɛ andoili lo ya Zabulu bere Satana. Lo ndohanda azi ti lɛ sese zu. Amu ndo lo na aangelo tɛ lo zu, asa la ge lɛ sese.

Suma 13:14

Ahɛ̃ lo lege ya, lo li aye ti kpɛnɛ na gbɛlɛ sa ti kɔi, lo handa azi ti lɛ sese, ko ala ti na siɔ ye. Lo pa hɛ̃ azi ti lɛ sese ya, ala lɛkɛ ngbilondo, ko ala gonda na sa mɛ ndo ade li lo na zabe, la ta lo kpi ma.

Suma 17:2

Agbia ti lɛ sese ana ngbabo ni ali ndo aye ti kamɛnɛ. Azi ti lɛ sese ali ndo aye ti kamɛnɛ so ya kɔdɔrɔ ni, ko ye ti kamɛnɛ ni agbɔ̃nɔ ndo la nga ma kana.”

Suma 17:8

Wa ma nda ni lo mɛ: sa ko mɔ hũ ko, ndo gã ko, lo ndo lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma. Wa angbã yakere ko, lo lo ka ya du mɛ lipi lipi, lo si. Ngoi mɛ lo na singɔ ko, Nzapa na bingɔ lo ka lifɛlo. Azi ti lɛ sese mɛ ndo ta asu ili la ka ya Buku mɛ asuru na ili azi mɛ alua du ti kaka, na ngoi mɛ ndo Nzapa ato nda lingɔ sese ma ko, ala na hũngɔ lo. Ala nga na bemangɔ, na lo mɛ ya, sa ni ko ndo uzu lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma, lo na singɔ fani mɛ ndɛ̃.

Suma 20:1

So pɛni, mbi hũ angelo mɛ ndɛ̃ alo ka ndozu azu. Lo gbɔ̃ nyi kɛrɛrɛ ti zingɔ na nyɔ du mɛ lipi lipi so ti lo, lo gbɔ̃ kota nzingiri so ti lo.