Suma 20:2 - Fana Ngbangɔ 1987

² Lo gbɔ̃ nga sa ti kpɛnɛ mɛ nga ma ngunde. Sa ni ko adu ngbɔ ti gã, adu Zabulu bere Satana. Angelo agbe lo na nzingiri ya, lo ngbã so ya ni buru koto kɔi.

Suma 20:2 Iomraidhean Croise

Matie 19:29

Ko azi zu mɛ azia da tɛ la, na ayata la ti kɔli na ti wali, na to la, na ta la, na aya la, bere nga ayaka tɛ la na lo tɛ mbi ko, ala na luangɔ la aɔ fani ngbangbo kɔi, ko ala nga na luangɔ du ti kaka.

Matie 8:29

Ala ĩ hũ Yezo ko, ala to nda dɛrɛngɔ kɔngɔ ya: “Nyi Nzapa, ye mɛ mɔ ye lingɔ na e nɛ? Mɔ ga ge ya, mɔ gia e uzu, wa ngoi alengbi?”

Marko 4:15

Ambanga azi adu nga ma bɛ lege mɛ ale tɛ asa da. Bo na ngoi mɛ ala ma tɛnɛ ni wɛ ko, Satana aga alia ni ka ya bɛ la azi.

Marko 5:7

lo dɛ kɔngɔ kpengbani ya: “Yezo Nyi Nzapa mɛ ka yayu, ye mɛ mɔ ye lingɔ na mbi nɛ? Mbi dema tɛrɛ mbi hɛ̃ mɔ na ili Nzapa, ta mɔ gia mbi ma!”

Yoanɛ 12:31

Na olo ko, ngoi tɛ Nzapa ti fangɔ ngbanga tɛ azi ti lɛ sese alengbi wɛ. Na olo ko, Nzapa na tomangɔ Satana ya, ta lo ti lɛ gbia so lɛ sese ma.

Yoanɛ 16:11

Ala nga na hĩngangɔ ya, Nzapa afa gbanda ngbanga tɛ azi, na lo mɛ ya, Nzapa afa ngbanga abi li Satana mɛ gbia ti le sese wɛ.

Roma 16:20

Nzapa mɛ ndoli ya, bɛ azi adu pii ko, lo na nwɔngɔ Satana hiɔ, kpãngɔ lo na gbe gɛrɛ ĩ. Gbia tɛ e Yezo Kristo ali bɛ nzɔ̃ bɛ hɛ̃ ĩ ma ke!

Aebreo 2:14

Ayangambi mɛ Yezo ndopa lo tɛ la ko, adu azi ti lɛ sese olo mɛ. Na lo ni ko, lo nvɛni lo mu nga ndo tɛrɛ zo, lo ti nga ma la. Lo li ndo so ya, ni kpi, wa ni nwɔ Satana mɛ na nguru ti kpɔngɔ azi.

1 Petro 5:8

Ale ĩ du na kpengba lɛ, ĩ bata li ĩ nzɔ̃ni, ta sanga ma, Satana mɛ wa kɛ̃ngɔ ĩ ndongongoro nga ma se mɛ zɛ̃ ndongongoro na ni, ndongburuka so gingɔ zo ya ni tɛ.

2 Petro 2:4

Ta sanga ma, aangelo mɛ ndo ali siɔ ye ko, ta Nzapa azia ndo la ma. Lo gbɛlɛ ndo la, lo sa la ka lifɛlo, lo bata la ka ya mbingo ya, ala du kai ngbĩi nga ka lá ti fangɔ ngbanga alengbi.

Yudɛ 1:6

Ale ĩ da bɛ ĩ na aangelo mɛ ndo ta bɛ la ade na lo nguru mɛ Nzapa ahɛ̃ la ma. Nzapa ahɛ̃ ndo la ndo tɛ la nvɛni, ko ala dɔ ndo ni azia. Na lo ni ndo la Nzapa agbɔ̃nɔ la, agbele la na nzingiri mɛ ndongbã kaka, asa la ka ya mbingo ya, ala du kai ngbĩi nga ka lá ti fangɔ ngbanga alengbi, wa ni fa ngbanga ni bi li la.

Suma 12:13

Ngoi mɛ sa ti kpɛnɛ ĩ hĩnga ya, abi ni ge lɛ sese wɛ ko, lo tonda utɛngɔ zo wali mɛ ndo adú nyi kɔli.

Suma 12:15

La sa ti kpɛnɛ aku ngu ndali zo wali ko ya, amu ndo zababa, ko amu lo aɔ na ni.

Suma 12:17

Ngɔnzɔ agbɔ̃ sa ti kpɛnɛ gati gati hɛ̃ zo wali ko, la sa ti kpɛnɛ anɔ so tiringɔ to na atanga aale tɛ zo wali ni ko: adu azi zu mɛ ndotɔndɔ ndia tɛ Nzapa, ala mɛ aye bɛta lo mɛ ndo Yezo Kristo afa na azi.

Suma 12:3

Mbi hũ ye ti kpɛnɛ mɛ ndɛ̃ asi ka lɛ ndozu: adu bengba sa ti kpɛnɛ mɛ nga ma ngunde. Li lo mbara mbara, nza li lo sui kɔi, kpɔtɔ ti gbia alengbi na li lo ni mbara mbara zu.

Suma 12:4

Atongolo abombi tɛrɛ la li nɔ ta ta ka lɛ ndozu. Sa ti kpɛnɛ ni amu sã lo, afũ na li nɔ kɔi, asa ge lɛ sese. Sa ni ko alo so gbɛlɛ zo wali mɛ gwa atɛ lo ya, bo na ngoi ko la lo dú ko, ni tɛ nyingambi ni.

Suma 12:9

Abi kota sa ti kpɛnɛ gegi. Lo du ngbɔ ti gã mɛ andoili lo ya Zabulu bere Satana. Lo ndohanda azi ti lɛ sese zu. Amu ndo lo na aangelo tɛ lo zu, asa la ge lɛ sese.

Suma 13:2

Sa mɛ mbi hũ akpa zɛ̃, gɛrɛ lo nga ma gɛrɛ hɔbu, nyɔ lo nga ma nyɔ bamara. Sa ti kpɛnɛ mɛ nga ma ngunde ahɛ̃ nguru tɛ lo nvɛni hɛ̃ sa mɛ alo ka ya kota ngu asi. Sa ti kpɛnɛ ahɛ̃ ngɛndɛ gbia tɛ lo hɛ̃ sa ni ko, ahɛ̃ nga ló gbia tɛ lo hɛ̃ lo.

Suma 13:4

Azi zu avɔrɔ sa ti kpɛnɛ, na lo mɛ ya, lo hɛ̃ nguru tɛ lo hɛ̃ sa mɛ alo ka ya kota ngu asi. Ala vɔrɔ nga sa mɛ alo ka ya kota ngu asi, ala so ndopa ya: “Zo mɛ na nguru alengbi na sa olo na? Zo mɛ alengbi ti tiringɔ lo na to na?”

Suma 20:10

Agbɔ̃ Satana mɛ ndo wa handangɔ la, abi lo ka ya wá mɛ lɛ ni kotani nga ma lɛ kpo. Ko wá ni adu nwa tɛnɛ la ndoza. Amu sa ti kpɛnɛ, na wa pangɔ nyɔ Nzapa na nvɛnɛ, asa nga la ka ya wá ni ko. Ala na hũngɔ pɛnɔ bi na lá, buru na buru.

Suma 20:7

Ngoi ko gbanda buru koto kɔi alengbi ko, azi Satana ka bɔlɔkɔ, ko lo lo ka ya du lo si,

Suma 9:11

Gbia tɛ la da, lo angelo mɛ ndobata du mɛ lipi lipi. Andoili lo na yanga tɛ Ayuda ya: “Abadona.” Andoili lo na yanga tɛ azi ti Grɛsɛ ya: “Apoliona.” (Nda ni ya: “Wa gbɛ̃ngɔ ye.”)