Suma 2:9 - Fana Ngbangɔ 1987

⁹ ni hĩnga apɛnɔ tɛ ĩ, nga na yɛlɛ tɛ ĩ, kanda ti biani ko, ĩ du awa bɛta nwa. Ni hĩnga nga ló mɛ azi ndokara na ili ĩ. Azi ni ko ndomu tɛrɛ la ya, ani Ayuda, kanda ta ala Ayuda ma, ala azi ti li nɔ tɛ Satana.

Suma 2:9 Iomraidhean Croise

Matie 4:10

La Yezo apa hɛ̃ lo ya: “Satana, ɔ lɛ mbi! Ta sanga ma, Buku tɛ Nzapa apa ya: ‘Ale mɔ vɔrɔ Gbia Nzapa tɛ mɔ, ko bo lo la ale mɔ li kwa hɛ̃ lo!’ ”

Luka 12:21

Yezo apa nga ya: “Se tɛ zo mɛ ndobo nwa na lo tɛ lo nvɛni, kanda ka lɛ Nzapa ko, ta zo ni ko adu wa nwa ma la.”

Luka 22:65

Ala guru nga lo ma wo ma.

Luka 4:18

“Tɔrɔ tɛ Gbia azu ndo mbi, Gbia asara nga mbi akpã ya, mbi pa Nzɔ̃ Pa hɛ̃ awa yɛlɛ. Lo to mbi ya, mbi pa hɛ̃ awa bɔlɔkɔ ya, na zingɔ la ka bɔlɔkɔ. Mbi pa nga hɛ̃ awa ziba ya, ala na hũngɔ ndo. Lo to mbi ya, mbi zi azi mɛ andohɛ̃ la pɛnɔ.

Luka 6:20

La Yezo aba ava lo, apa hɛ̃ la ya: “Dengɔ bɛ ati na ĩ awa yɛlɛ, Ta sanga ma, Kɔdɔrɔ Gbia tɛ Nzapa adu kɔdɔrɔ tɛ ĩ!

Yoanɛ 16:33

Mbi pa tɛnɛ olo kwe zu hɛ̃ ĩ ya, ĩ ma, ko ĩ du nga ndoni kɔi na mbi, wadila bɛ ĩ adu pii. Ĩ na hũngɔ penɔ ge lɛ sese. Kanda ale ĩ gbe bɛ ĩ! Ĩ hĩnga ya, mbi nwɔ asiɔ ye ti lɛ sese wɛ.”

Awa Pangɔ Kwa 14:22

Ala sa ndo nguru bɛ awa Kristo, awa la ya, ala kpã bɛ la ngoi zu ndo Yezo. Polo na Barnabasi apa ndo hɛ̃ la ya: “Ale e hũ pɛnɔ sĩ, wa e si ka Kɔdɔrɔ Gbia tɛ Nzapa.”

Awa Pangɔ Kwa 26:11

Mbi hɛ̃ ndo la pɛnɔ fani sĩni ka ya da sambela zu mɛ mbi ndotã la da. Ko mbi tara ndo gbanzingɔ la ya, ala zia yengɔ lo tɛ Yezo. Ngɔnzɔ agbɔ̃ ndo mbi hɛ̃ la, ko mbi ndogwe nga ndo ka ya ambanga kɔdɔrɔ mɛ ndɛ̃ so hɛ̃ngɔ la pɛnɔ.”

Roma 12:12

Ale ĩ du na dengɔ bɛ, na lo mɛ ya, ĩ ndolɛndɛrɛ Nzapa. Ale ĩ gbe bɛ ĩ na ya apɛnɔ mɛ ĩ ndohũ, ĩ sambela Nzapa ngoi zu.

Roma 2:17

Wa mɔ ndopa ya, mɔ wa Yuda, mɔ ndokpã bɛ mɔ bo na ndo ndia tɛ Mɔizɛ, mɔ ndogonda tɛrɛ mɔ ya, mɔ zo tɛ Nzapa.

Roma 5:3

Ta e ndosaba bo na lo ni ma, kanda abɛ nga na ya apɛnɔ mɛ e ndohũ ko, e ndosaba, ta sanga ma, e hĩnga ya, pɛnɔ ndokpengba na bɛ e.

Roma 8:35

Ta ye kɔi alengbi ti gbanzingɔ Yezo Kristo ya, lo zia yengɔ e ma! Ta bɛ pɛnɔ, bere vundu, bere pɛnɔ mɛ azi ndohɛ̃ e ma! Ta bɛ gwɛ̃, bere yɛlɛ ma. Abɛ se e du na ya kwa, bere e kpili ko, ta alengbi ti gbanzingɔ Yezo Kristo ya, Io zia yengɔ e ma!

Roma 9:6

Ta mbi ye pangɔ ya, Nzapa aweza kapa mɛ ndo lo ko ma. Ti biani, ta atara Yakobo zu adu abɛta azi tɛ Nzapa ma.

2 Kɔrinto 6:10

Andohɛ̃ e vundu, kanda e bo ngoi zu na dengɔ bɛ. Andohũ e nga ma e awa yɛlɛ, kanda e li azi ma ya ma ati awa nwa ka lɛ Nzapa. Andohũ e nga ma ta e na ye ma, kanda ti biani ko, e na ye kwɛ zu.

2 Kɔrinto 8:2

Ala hũ ndo pɛnɔ sĩ nvɛni, ko abɛ nga ala ndo na yɛlɛ tɛrɛ la sĩ ko, ala ndo nga na dengɔ bɛ sĩ, ko ala hɛ̃ ndo faranga na kota nzɔ̃ bɛ ya, ali na kwa Nzapa.

2 Kɔrinto 8:9

Ti biani, ĩ hĩnga nzɔ̃ bɛ mɛ Gbia tɛ e Yezo Kristo ndoli hɛ̃ e. Lo mɛ ndo na nwa ka yayu sĩ ko, lo ti ndo wa yɛlɛ so zangɔ ĩ. Lo li ndo so ya, na lege ti yɛlɛ tɛ ni ko, ĩ ti awa nwa ka lɛ Nzapa.

1 Tɛsalɔnikɛ 3:4

Ngoi mɛ ndo e dɛ ka popo tɛ ĩ ko, e pia ndo e pa hɛ̃ ĩ ya, azi na hɛ̃ngɔ e pɛnɔ. Ko e hũ nga ndo pɛnɔ ni biani, nga ma se mɛ ĩ hĩnga na ni.

1 Timɔte 1:13

Ndo gã ko, mbi ndoguru ndo lo, mbi ndohɛ̃ ndo pɛnɔ hɛ̃ azi tɛ lo, mbi ndotɛnɛ ndo siɔ tɛnɛ na ili lo. Ko abɛ nga so ko, Gbia Nzapa ama vundu hɛ̃ mbi, na lo mɛ ya, ta mbi hĩnga ndo ye mɛ mbi ndoli ma, ta mbi ndoye ndo nga lo tɛ Yezo ma.

1 Timɔte 6:18

Hɛ̃ nga la nyɔ ya, ala li nzɔ̃ kwa sĩ, ala du awa kangɔ kaye, ala hɛ̃ nga ye hɛ̃ afɔ̃ la.

Suma 1:9

Mbi Yoanɛ nyita ĩ, mbi mɛ mbi na ĩ, nga na Yezo Kristo e ti bo kɔi ko, mbi ndohũ pɛnɔ mɛ ĩ ndohũ nga. Mbi na ĩ e ndogbe be e na ya pɛnɔ ni. Mbi na ĩ e du azi ti Kɔdɔrɔ Gbia tɛ lo. Agbɔ̃ ndo mbi ato ka ya zúa ti Patimɔsi, na lo mɛ ya, mbi pa tɛnɛ tɛ Nzapa mɛ Yezo Kristo temwɛ ni.

Suma 2:13

ni hĩnga ndo mɛ ĩ ndodu da. Ĩ ndodu na ndo mɛ Satana ndole gbia da. Ĩ gbɔ̃ lo tɛ ni ka ka ka. Abɛ na ngoi ko ndo azi aho na Antipasi mɛ bɛta temwɛ tɛ ni, ka tɛ ĩ mɛ Satana ndodu da ko, ĩ gbɔ̃ ndo lo tɛ ni ka ka ka. Ta ĩ zia yengɔ lo tɛ ni ma.

Suma 2:2

ni hĩnga ye zu mɛ ĩ li, ni hĩnga ya, ĩ ndoli kwa kpuru kpuru, ĩ ndogbe nga bɛ ĩ na ya pɛnɔ. Ni hĩnga ya, ĩ kɛ̃ batangɔ asiɔ azi so popo tɛ ĩ. Ĩ tara bɛ azi mɛ ndomu tɛrɛ la ya, ani awa pangɔ kwa tɛ ni, kanda ta ala awa pangɔ kwa tɛ ni ma, ko ĩ hũ ya, ala du awa nvɛnɛ.

Suma 2:24

“Wa tɛ ĩ atanga awa Eklezia ti Tiatirɛ ko la ta ĩ hɛ̃ tɛrɛ ĩ na lo ti siɔ ye mɛ zo wali ko aha ma, ta ĩ hĩnga nga ye mɛ azi ndoili ya: ‘Sekele tɛ Satana’ ma ko, ni pa hɛ̃ ĩ ya, ta ni na kwa mɛ ndɛ̃ kɔi ti hɛ̃ngɔ hɛ̃ ĩ ma.

Suma 3:9

Azi ko la ali na li nɔ tɛ Satana, awa nvɛnɛ ko la ndomu tɛrɛ la ya, ani Ayuda, kanda ta ala Ayuda ma ko, ye mɛ gbanda ni li na la lo mɛ: ni ili gbanda la na nguru ya, ala ga akuku gbɛlɛ ĩ, agonda ĩ, ko ala hĩnga nga ya, ni ndoye ĩ.

Suma 7:14

Mbi gbinya hɛ̃ lo ya: “Gbia, ta mbi hĩnga la ma, mɔ la mɔ hĩnga la.” La lo pa hɛ̃ mbi ya: “Adu azi mɛ ndo ahũ pɛnɔ ma wo ma. La ala kpokpo abɔngɔ tɛ la, ado na mɛnɛ tɛrɛ Nyi Ngasã Ngbaga, la abɔngɔ ni avuru ati nga ma tɛrɛ nyange.